نومك طرب

[خ ـيـال]

السلام علم ورحمة الله وبركاته

ما مناسبة قصيدة تركي بن حميد


تلعب طرب وانا بنومي هواجيس ما سامرك بالليل كثر الهمومي
أسهر إذا نامت عيون الهداريس بالليل أساهر ساهرات النجومي
أونس بقلبي مثل صلي المحاميس الله يلوم اللي لحالي يلومي
يهود يدعون العرب، للنواميس! قولوا لهم: متى اسلموا، ذا الحخومي
ولو تسمّوا ـ بالسود ـ الاباليس؟ نعرف ملامحهم، أعكاف، الخشومي
قالوا جهلت وقلت جهل بلا قيس الجاهل الليل ما يعرف اليمومي
أشوف عدلات الليالي معاييس ولاحد من الدنيا عظامه سلومي
البني ما يصلح على غير تأسيس ومن لا تعلّم ما تسر العلومي

[عزارم]

قالها سنة محدار عتيبة في نجد بعد معركة سناف الطراد سنة 1269هـ ضد ابن هادي شيخ قبيلة قحطان الغالية الكريمة.

تلعب طرب وانا بنومي هواجيس= ماساهرك بالليل كثر الهمومي
اسهر الى نامت عيون الهداريس =بالليل اراعي ساهرات النجومي
اونس بقلبي مثل صول المحاميس= الله يلوم اللي لحالي يلومي
أشوف عدلات الليالي مقابيس= ولااحد من الدنيا عظامه سلومي
تضحك وتخفي لك خفي الهناديس= تفطر لها يوم ويوم تصومي
اعمل وتلقى وافهم العلم بالقيس= دنياك لو زانت تراها نقومي
قالوا جهلت وقلت جهل بلا قيس= الجاهل اللي مايعرف اليمومي
من لا يدوس الراي من قبل ماديس= عليه داسوه العيال القرومي
ومن لا يقلط شذرة السيف والكيس= تبدي عليه من الليالي ثلومي
والقصر ما يصلح على غير تاسيس= ومن لاتعلم ماتسر العلومي
ومن لا خذا الدنيا بميز وتقييس=مثل الذي يسبح ببحر يعومي
وليا توافق مشور السو وابليس= تبر منه وعز ربي يدومي
كل القلم من كتبنا بالقراطيس= وركابنا من كثر الاقران تومي
ولاخير في كثير الحكا والتماليس= وقول بلا فعل يجي به وهومي
والعز فوق معسكرات السواديس= اليا قصدت اللي بالاشيا رحومي
قب تنازا بالنشاما كراديس = والطير في روجاتهنه يحومي
بالليل اصالي حاميات المحاميس=والصبح الاوي كل قبا قحومي
اربع سنين ودمع عيني اماريس= العين تسهر كن فيها هزومي
والى ركبت معالجات المضاريس= يبرد على قلبي لهيب السمومي
صوابنا بالميل عمق الى قيس= وطريحنا في مثبره ما يقومي
وان جن بنا مثل النعام الاماريس= لى خف عجل مع رقاق الحزومي
نستلحق اللي يطلبون النواميس =اللي من الاقصين وادنى اللحومي
وان جن بالميدان مثل الدواويس= وطار الغطا عن قانيات الرقومي
عرج باهلهن كنهن القرانيس= على الطريح مصوبرات كظومي
فلومي على اللي ينقلون الدبابيس= وصنع الفرنج وكل رامي لحومي
وشلف تركب بالرمح المناسيس= وقحص المهار وكل قبا قحومي
والى سمك عج الرمك والملابيس= المسعداللي حظ ربعه يقومي
والشيخ من يعطى الفقارا المفاليس= ويبدل العسرة بعز يدومي
والحر لى دبت عليه النواميس= يشهر وعن دار المذلة يشومي
واليا اكترب من بعض الاشيا نسانيس= اعزم ولا بد الفرج بالعزومي
باب الفرج لبسك نظيف الملابيس= ينجيك بايام الكرب والزحومي
يجي صدى قلبي ضبيح المهاريس= لى قام شراب القهاوي يعومي
ودلال فوق النار دايم مجاليس= اكرامهن حق علينا لزومي
من صنعة (الصبة) وخمس التاخميس= برية يعمل بها كل يومي
وبهارها هيل بليا حواسيس= كيف يعدى للنشاما القرومي
عده لحماي العياد المراويس=والا الحصان اللي بقينه وهومي
حتى يزين لنا المثل والتوانيس= والكيف طاب لمن يفك القحومي
وصلوا على سيد البرية بتدريس= صفوة قريش اللي مشى باليمومي
عد النبات وعد رمل الطعاميس= واعداد ما يمطر سحاب الغيومي

[سعد بن مطلق المقاطي]

الشيخ تركي بن حميد رحمه الله شيخ القبيله في وقته تكاد تكون قصيدته هذه اشهر القصائد على الاطلاق والتي مازال يردد الناس ابياتها حتى اليوم ،

لما فيها من حكم وشجاعه وكرم وحماسه وقوة وعزة وفخر وفروسية

ويذكر الرواة ان الامير تركي قالها بعد عودته من محمد بن هادي وفشلهما في الاتفاق على نزول عتيبه صلحا لكن ابن هادي رفض ،
وبعد عودته جمع قومه وقادة الفرسان وتباحث معهم في الامر فمر بهم راعي يتغنى بالشعر عائدا من المرعى
فجاء مطلع قصيدته "تلعب طرب وانا بنومي هواجيس=" ،
وقد قيل انه عندما اتى ابن هادي كان لابسا جوخه تخط من تحت رجليه واستقبله ابن هادي وطلب من ابن هادي فض المنازعات
وان يحترم الاتفاق بينهم خاصه انه ادى ماعليه من تعويض بما فقدته قحطان من خيل ولم يعاد قعود زبن المسروق ،

ولكن ابن هادي رفض الا المزيد لان اعداد عتيبه زادت واكتسحت المراعي وضاق المرعى لحلال قومه وهذا ليس بالاتفاق

وقال كلمه المشهورة " من جاء بدون دعوه يجلس بليا فراش " ، لكن كان في بداية الأمر جوار ولم يمانع محمد بن هادي بمجاورة عتيبه ،

الا ان ممن حوله غيروه لانهم خافوا من ان تضيع مراعيهم ويكتسحها هذه الاعداد الكثيرة ، فخرج ابن حميد من عنده غاضبا

فقالت امرأة محمد ابن هادي لترين منه مالايسرك فقد دخل تخط جوخته بالارض وخرج وقد ارتفعت من غضبه

وحدث بينهم الكثير من المساجلات الشعريه بعد ذلك ثم خاضوا الكثير من الحروب انتهت بنزوح ابن هادي من نجد
رحمهم الله جميعا واسكنهم فسيح جناته




نومك طرب وانا بنومي هواجيـس=ما ساهرك بالليـل كثـر الهمومـي
أسهر اليا نامت عيـون الهداريـس=بالليل اساهـر ساريـات النجومـي
أونس بقلبي مثل صلي المحاميـس=الله يلـوم اللـي لحالـي يلـومـي
قالوا جهلت وقلت جهلٍ بـلا قيـس=الجاهل اللي مـا يعـرف اليمومـي
أشوف عـدلات الليالـي معابيـس=ولا احدٍ من الدنيا عظامه سلومـي
البني ما يصلح على غير تأسيـس=ومن لا تعلّـم مـا تسـر العلومِـي
ولا خير في كثر الحكي والتماليـس=وقولٍ بـلا فعـلٍ يجيبـه وهومِـي
واليا ركبت معالجـات المضاريـس=يبدا على كبـدي لهيـب السمومِـي
بالليل أصالي حاميـات المحاميـس=والصبح أصالي كـل قبّـا وكومـي
واقفن بنا مثـل النعـام المماريـس=ليا خف عجلٍ مع رفيع الحزومِـي
نستلحق اللـي يطلبـون النواميـس=اللي مع الاقصين وادنـا اللحومـي
ولومي على اللي ينقلون العبابيـس=صنع الفرنج وكل رامـي لحومـي
وشلف ٍ تركّب بالرماح المناسيـس=وسلت المهار وكـل قبّـا قحومـي
والعز فوق معسكـرات السواديـس=اليا قصدت اللي بالاشيـا رحومـيِ
قـب ٍ تنـازا بالنشامـا كراديـس=والطيـر فـي روجاتهنّـه يحـوم ِ
إن جن بالميـدان مثـل الدواويـس=وتعاقبـوا مـن فوقهـن السهومـي
عـرج باهلهـن كنهـنّ القرانيـس=على الطريح مصوبرات ٍ كظومـي
حتى يزين لنـا المثـل والتوانيـس=والكيف طاب لمن يفـكّ القحومـي
ومن لا يقلّط شذرة السيف والكيـس=يصبح عليه مـن الليالـي ثلومـي
ومن لا خذا الدنيا بميـز ٍ وتقييـس=مثل الذي يسبـح ببحـر ٍ يعومـي
كلّ القلـم مـن كتبنـا بالقراطيـس=والخيل من كثـر الدلاليـج تومـي
وشيخ ٍ لنا يعطى الفقارا المفاليـس=عسـاه بالدنيـا بـعـز ٍ يـدومـي
حر ٍ ليـا دبّـت عليـه النواميـس=اليا اعترض جول الحباري صرومي
اليا اكترب من بعض الاشيا سبابيس=أعـزم ولا بـد الفـرج للعزومـي
ثوب الفرح لبسك نظيف الملابيـس=إن قيل بايـام الكـرب والزحومـي
واعمل وتلقا وافهـم العلـم بالقيـس=ودنياك لو زانـت تراهـا نقومـي
تضحك وتخفي لك خفي الهناديـس=تفطر لنا يـوم ٍ ويـوم ٍ تصومـي
أربع سنين ودمع عينـي أماريـس=العين تسهـر كـن فيهـا هزومـي
يجلي صدا قلبي ضبيح المهاريـس=ليا جاك شرّاب الحشايـش يعومـي
ودلال فوق النـار دايـم محابيـس=إكرامهـن حـق ٍ علينـا لزومـي
من صنعة الصبّة وخمس ٍ تخاميـس=وبريّة ٍ تعمـل بهـن كـل يومـيِ
وابهارهـا عشـر ٍ بليـا دنافيـس=كيـف ٍ يعـدّا للنشامـا القرومـي
عـدّه لحمّـاي الجيـاد المراويـس=والا الحصان اللي بقينـه وهومـيِ
وصلوا على سيد البريـة بتدريـس=صفوة قريش اللي مشى باليمومـي
عدّ النبات وعّـد ذاري الطعاميـس=واعداد ما يمطر سحـاب الغيومـي

وهنا صوتية بصوت المُنشد الكبير [ مهنـا الدلبحـي العتيبـي ,
http://www.qassimy.com/nu/voices-action-show-id-230.htm

التوقيع

ديــــــــــــــــواني

[عزارم]

بسم الله الرحمن الرحيم

عزيزي خيال بارك الله فيك كما سمعنا من الرواة القصيدة موجهها الى الشيخ سلطان بن ربيعان و الهيضل وهذا مانسمعه من الرواة و من كبار السن المتقدمين في العمر وبالأخص من قبيلة عتيبة

و عتيبة كانوا يحدرون من الحجاز في وقت الربيع إذا صاب الحيا نجد واخطت ديارهم (للمرباع) , فيربعون ومن ثم يرجعون الى ديارهم , وفي احدى السنوات اجدبت مواطنهم و كانت نجد صايبها الربيع واحدروا .

فذهب الشيخ تركي بن حميد رحمه الله الى الشيخ محمد بن هادي ابن قرملة شيخ قبيلة قحطان ليخبره أن عتيبة قادمون للربيع فلما طلب منه وأخبره فقال وان وصلوا عتيبة فقال سجا فغضب ابن هادي رحمه الله. ولم يعطي الشيخ تركي مطلوبة وقال ارجعوا واطلبوا بعدها الاستئذان فغضب الشيخ تركي بن حميد

ويذكر ان امرأة الشيخ محمد بن هادي ابن قرملة في الشق الثاني من البيت وتسمع ماكان يدور بين الشيخين وكما انها رأت الشيخ تركي بن حميد رحمه الله وهو قادم في البداية

فقالت

وراك ماعطيت بن حميد مطلوبة فقال اعجبك فقالت لا لكن الرجال جاك تسحب جوخته ثم قام من عندك جوخته الى نصف ساقه و الله انه ليصبحك بالخيل
حينما عاد الى قومه اجتمع اليه امراء القبيلة وتشاور معاهم وكان الرأي الأخير هو الحرب

ومن ضمن القصائد التي قيلت القصيدة السابقة

وبعدها حدث صلح بين الطرفين على أن يحترم كل منهم الجوار ويؤ دي كل منهم مايفقد من الآخر من خيل وإبل وفي نهاية المرباع فقد قحطان اربعاً من الخيل واخذ قعود عتيبي يدعى زبن قيل انه اخذ من المناديب الذين ارسلوا في أول الوقت فأدى تركي خيل قحطان ولم يأدي ابن هادي قعود زبن فأغضب ذلك تركي و قال

يازبن كرب فـوق مايطـرد النـوم=حرايـر يازبـن مـثـل الاهـلـه

الى آخر القصيدة

هذا مالدينا ياطيب

[محمد الذيابـــي]

,,

كفيتو ووفيتو


معلومات قيمه

اشكر الجميع

,,,,

التوقيع

التوقيع محمد الذيابـــي

[ذخر برقا]

اشكركم جميعا بدون استثناء