معركة عقاب بن محسن بن نحيت مع عبدالعزيز بن رشيد

[وائلي]

منقووووول من مضايف شمر

قال ابن سراح من كبار الجوف رد على ابن رشيد

ان جيتنا يا عبيد نفتح لك البـاب
ـــــــــــــــــــــــ حنا نقيف وفن ربعـك يخشـون
الجوف تلقى به خليفٍ وحطـاب
ـــــــــــــــــــــ ماهم فريق حروب عنكم يهجـون
والله لو جمعت ربعك والاجنـاب
ــــــــــــــــــــ ذي ديرة السراح عنها يحامـون
ياعبيد ماقصـدك زكـاة ونـواب
ــــــــــــــــــــ هذا بغى ضيمار ياعبيـد تكمـون
ياعبيد يوم انت رفيـق لحطـاب
ــــــــــــــــــ والدبس عند حسين يغرف بماعون
اللي دفس بربوعكم جر الاسباب
ــــــــــــــــــ اللي له الدفـاس ياعبيـد تبكـون


وقال عبيد ابن رشيد


يالله ياللـي عـالـم كــل مكـتـوم
ـــــــــــــــــــــــــ الطف بنا يـا عالـم السـر والغيـب
تجعل لنا عرض عن الشين معصـوم
ـــــــــــــــــــــــ يا واحد نزهت نفسـك عـن العيـب
أبن ادم مـا بيـن معطـى ومحـروم
ـــــــــــــــــــــــ من فضل من لا فيه شـك ولاريـب
يا طير ياللي حايـلِ تطلـب الحـوم
ـــــــــــــــــــــــ من فضل والي العرش مالك مطاليب
الضد من ضيمك غشيش ٍ ومضيـوم
ـــــــــــــــــــــــ ومقصـر نقصـة بطـق العراقيـب
عقب الطفاخ وكثرة الهـرج والـزوم
ــــــــــــــــــــــ صبـوا كثيـر علومهـم بالقوالـيـب
اللي فقد خلي مـن النـاس ماشـوم
ــــــــــــــــــــــ وحامـوا عليـه مورديـن المغاليـب
واضحى لنا الحربي من الناس ماسوم
ــــــــــــــــــــــ وسم يخلي الشاه ترعى مـع الذيـب
واللي صدر حاموا على راسه الروم
ــــــــــــــــــــــ وسـاق الزمايـل حزبـة والمهابيـل
والغربي انكف حصل اللوم والشـوم
ــــــــــــــــــــــ عقب الديـار وكسبهـن والحواريـب
هـو خابـر خرفيـة بـاول الصـوم
ـــــــــــــــــــــ صواقـع ترمـي مطرهـا دهاريـب
يلضي سنا برقه علـى كـل مزمـوم
ـــــــــــــــــــــ نهارها كاليـل مـن واهـج السيـب
منا القصير وجارتـه سكانهـا البـوم
ــــــــــــــــــــــــ وجنـود حطـاب لنـاره حطاطيـب
واعذر ما يجري على العبـد مقسـوم
ــــــــــــــــــــــــ وغـرب يريـد محمـد بالمزيريـب
في منزل يا خذ على التـرك معلـوم
ــــــــــــــــــــــــ من كحمل السلطان يا خـذ مطاليـب
واللي بقى امس يا خـذه منـه اليـوم
ــــــــــــــــــــــــ ولا ظنتـي يعطونـهـا بالتلاعـيـب
وعماك مثل اللي عن الديـد مفطـوم
ــــــــــــــــــــــ عقب السعه ضاقت عليـه المهاريـب
مثل البعير اللي عن الوقـف مشكـوم
ــــــــــــــــــــــ اعـذر براسـة عقـب رد المناديـب
وشيطانها عقـب التزاويـر مزكـوم
ــــــــــــــــــــــ والكذب مـا بقـى يتامـى الكذاذيـب
كل شرب من صافي الغبـن وهمـوم
ــــــــــــــــــــــ وجنحانهـم نتفـت ورش الذنانـيـب
واشكر ولاتكثر علـى نفسـك اللـوم
ــــــــــــــــــــــ مـا جـا محلـه ياربيـع السعابيـب
افعالنا تخبر اللـي صـار لـك قـوم
ــــــــــــــــــــــ نسري على المشعل وقدح المشاهيـب
والصبح نرخص نفسنا بـاول السـوم
ـــــــــــــــــــــ حق البيوت اللـي بوجـه المعازيـب
كم حد هندي مـن الضـرب مثلـوم
ــــــــــــــــــــ بايمان ربع مثـل عمـل القصاصيـب
وانا لغاراتك الـى المـوت مضمـوم
ــــــــــــــــــ تزيد هقواتك ولو شفـت بـي طيـب
والـى تعلينـا علـى كـل لاهــوم
ـــــــــــــــــــ يوم الوغى ننطـح وجيـه الجناديـب
لى غليت الاسعـار والـزاد معـدوم
ــــــــــــــــــ نلحق نقايـص بالرهـن والتراحيـب
لعيون من وسطه عن الردوف مهضوم
ــــــــــــــــــــ سلطـان باشـات البنـي الرعابيـب
بنت الكـرام اللـي مناعيـر وقـروم
ــــــــــــــــــــ من لابة مـا استلحقـت بالمشاعيـب
ترعى بظـل مـوردة كـل مسمـوم
ــــــــــــــــــــ غصـب بظـل مكدريـن المشاريـب
وخزني على باس الدهر راس شغموم
ــــــــــــــــــــ الليث ابو تركي مهـدي المصاعيـب
طير يخبط الطيـر وان هـد بجـزوم
ــــــــــــــــــــ هو منتهى نجـد وملفـى المراكيـب
بحـزم وتدبـيـر وراي ومفـهـوم
ـــــــــــــــــــ وان قيل من هو فاعرفوا منقع الطيب
راس الجهاد ان قال الديـن مرجـوم
ـــــــــــــــــــ قيدوم ربـع وان نخـى كـل يجيـب
وان صار له من حادث الدهر ملزوم
ـــــــــــــــــــ ناتي خفاف عقـب السـرا هراجيـب
واخدم لغاراته ولـو كنـت مخـدوم
ــــــــــــــــــ يكفية عن حكـي اللسـان التجاريـب
وختمي عدد ما يزهو الليـل بنجـوم
ــــــــــــــــــ مني على راعي الحرم والمحاريـب
سماه والي العرش راحـم ومرحـوم
ـــــــــــــــــ والرب يقبـل دعـوة العبـد ويثيـب


اما ابن مجلاد ياحربي دخل المعركة الاولى وانتصر واخذ غنائمه واشار عليهم بالتوقف الا انهم رفضوا وهذا رايه وهو حر به .