اقتباس:
المشاركة الأصلية كتبت بواسطة نواف العبدالله بن حسن
وفي ذلك يقول عبيد بن رشيد
يامن لقلب بين خمسة وعشرين=هجس وهاجوس وعدل ومايل
يدير في دولاب الافكار تسـعيـن=بالصدر ينثر دقهـــن والجلايــــل
اصبحت منهم خالي غير ثنتيـــن=سعدي* ومصقول يداوي الغلايل
وخماسي* غمق صوابه وجوزيــن=اليا كربواشحص المهار الاصايل
يادارنا من جاك جيناه عجليـــــن=بالليل نسري والصفر* والقوايــــل
فأن كان هم عنا بالانشادمحفين=من الراس مانحتاج دز الرسايــل
نأتي مع اول سربة فوق الالفين=كنا اشهر به ديدحان* المسايــل
حضر الجبل والبدو تأتي صليبين=يتلننا جملات سود الجدايــــــــل
جينا صباح وهم لنا مستكينيـــن=وثار الدخن من حر صلو الفتايــل
حصل لنا عقب المواكل وفا الدين=وراعي السلف ردت عل الجمايل
من فضل والي العرش عدل الموازين=صارت على القصمان وولاد وايل*
عجاجة تجلي صدا القلب ياحسين=دبيلة* ماهي بكل الدبــــــايـــل
كم ميمر راجوا عليه الغلاميــــــن=خلوا دماغه عن علابيه مايــل
ربعي مروية السيوف المسانيــن=خلوا صفا (بقعاء)من الدم سايل
واللي ذبحت بشذرةالسيف تسعين=منهم ولاني عن طردهم بسايل
واللي وطينا مايشوف المحبيــــــن=والكذب تنفاه العلوم الصمايــــــل*
جونا يبون ديارنا والبساتـــــيـــــن=يبغون منزلهم (قفار) و(حايــــل)
واليوم يبغونا وحنــــــا معيــــيــــن=نسند بحد السيف من جاء عايل
ونكس على ربعه بشر الفرامــين=فيدة عماهم* تايهين الدلايـــــــل
يصيح مثل البارحه مــاهنا شين=ولاحصل له غير قطع الوصايــــل
يقول جده يوم صولة هل الديــن=قادوه عليه ذاهبين الحمايـــــل
يعني عنزه لم تستطيع الاغاره على وجعنا الراس الا بعد النصره والمسانده
من حكام القصيم ثم بعد ذلك هربو شيوخ عنزه عن ارض المعركه خوفا من ابن رشيد
-----------------------------------------------------------------------------------------
منقول في مجمله من منتدى الطنايا |
عنزة لم يشترك منها في معركة بقعاء غير ابن ضبيان الدهمشي اما ابن مجلاد رفض الدخول لمهاجمة اهل حايل بعد النصر الاول في بقعاء .
هذا منقول من منتديات الرس
ــــــــــــــــــــــــــــــــــــــــــــــــــ ـــــــــــــــــــــــــــ
رد الشاعر الخطيب من اهل الرس على ابن رشيد
و يقول
انا احمد الي شدت العشر عشرين
ــــــــــــــــــــــــــــــ واهل القصيم اطفو معاميل حايل
ابطو يحسبون البطا يغدي الدين
ـــــــــــــــــــــــــــــ والدين مثل الوسم بين القـــبايل
ولا اسبكم يالي على الحرب قاسين
ـــــــــــــــــــــــــــــ مير الطغا قطع ايدين الاصـــــايل
ويالي ذبحت بشقرة السيف تسعين
ـــــــــــــــــــــــــــــ ياعنك فيها ماكسبت الـــنفــــايل
ذبحت ناس لهم يومين مضمين
ـــــــــــــــــــــــــــــ من الضما قد قلصن الصــــمايل
ونبي نجيب الفاس ونقطع الغين
ـــــــــــــــــــــــــــــ ونذكره عصر مضــــى بالاوائل
وتلاحظ اخوي البيت الي يقول فيه
يالي ذبحت بشذرة السيف تسعين
يعنك فيها ماكسبت النفايل
البيت السابق كان رد على بيت عبيد العلي الي يقول فيه
والي ذبحت بشذرة السيف تسعين
ايضا ولا ني عن طردهم بسائل
ومن الي يذكر في بقعا ان ابن رشيد بعد حاصر اهل القصيم ومنعهم عن الماء صار يمشي بين الاسرى ومعه قربة ماء وكل من طلب ماء ذبحه بالسيف .
وارجو اني ما اكون ازعجتك اخوي بس بغيت ابين بعض الحقايق الي ماعرفتها الا من قريب والا معذور وماقصرت والله شي حلو ان فيه من يهتم للامور ذي الي هي تاريخنا ومجدنا.
ولكن عندما تقرأ عن هذه الوقعه التي حدثت بين أهل القصيم وحلفائها من قبيلة عنزه
تجد قبل هذه الوقعه في نفس هذا المكان وقعات سابقه بين الدهامشه وبين أبن رشيد فقط وأنتصار الدهامشه بها وهي ثلاث وقعات ومن هذه الوقعات فزعة الشيخ غازي أبن ظبيان للمرأه المطرفيه التي سلب حلالها وقام بأسترداده لها من أبن رشيد وهذه القصيده التي قالتها عندما كانت تستنجد بالشيخ غازي أبن ظبيان :
لوا عذابي يوم راحـت جهاجيـل = راجوا عليها مسيحيـن اليدامـي
يا حي والله سربة من هل الخيـل = فوق المهار مثـورات العسامـي
متى تجينا خيل غـازي مقابيـل = تودع علي قطعان خصمه كتامي
عقاب السبايا متعب الكنس الحيل = زيزوم نمرا ما تهـاب الجهامـي
عبدالله الوادي وغازي كما السيل = والسيل ياطأ ما ارتفع من عدامي
بطراف بقعا مثل وبل المخاييـل = تصرخ بها حدب السيوف الهوامي
أنظر الي البيت الأخير من هذه القصيده تجد بأن المكان المسمي بقعا موجود بهذه القصيده وهذا دليل علي هزيمة أبن رشيد بهذا المكان
وسبب هزيمه أهل القصيم وحلفائها من عنزه بالمعركه الأخيره علي حسب الأستنتاج من كبار السن هو أنقسام الدهامشه وعدم مشاركة الشيخ قاعد بن مجلاد وعربانه من الزبنه وأبن صبر وعربانه من السلاطين وأيضا عدم مشاركة الصقور
وسبب عدم مشاركتهم هو أكتفائهم بالغنائم التي سلبوها من أبن رشيد بالمعارك السابقه التي حصلت مع أبن رشيد في بقعاء
أنما المعركة دارت رحاها فقط بين أهل القصيم ومعهم الحليف الذي بقي وهو الشيخ غازي أبن ظبيان وجماعته المحلف من الدهامشه وبين أبن رشيد وهنا أنتصر أبن رشيد فعلا علي أهل القصيم والشيخ غازي أبن ظبيان ويوجد بيت هنا دليل علي هذا الأنتصار
منقووول من منتديات الرسآخر تعديل وائلي يوم 09-Aug-2009 في 04:18 PM.