أوراق شــاعــــر

طي
X
 
  • التوقيت
  • إظهار
مسح الكل
المشاركات الجديدة
  • هلال العتيبي
    شــــاعر نظــم
    • Aug 2006
    • 541

    #91
    تم النشر في الأصل بواسطة ابراهيم الزراقي عرض المشاركة
    صح لسااانك ياهلال

    اوراق شاعر مبدع


    ارق التحياااااااا لشخصك

    اخوي ابراهيم الزراقي
    صح كلك ياأمير
    مرور من نور طال عمرك

    تعليق

    • هلال العتيبي
      شــــاعر نظــم
      • Aug 2006
      • 541

      #92
      الورقة 37

      قيــــــــــــــ1000ـــــــــــد



      احاول اكتب خاطرة

      واهرب من اغلال القصيد

      احاول اكتب خاطرة

      والقى القلم فيه ألف قيد

      تعثّر حروفي وهي في مهدها

      وفجأة أواريها الثرى في لحدها

      أحلى الآماني ماوفت في وعدها

      واحاول اكتب من جديد

      واهرب من اغلال القصيد

      احاول اكتب خاطره





      ياحلم خاويت السراب

      وياسور من دون أي باب

      ضيّعت أيام الشباب

      احاول اكتب خاطرة

      واهرب من اغلال القصيد





      تاخذني الذكرى بعيد

      واحاول اجمع طيف عيد

      والحلم يصحو من جديد

      والقاكــ ذكرى عابرة

      واحاول اكتب خاطرة

      احاول اكتب من جديد

      واهرب من اغلال القصيد





      اكتب على ضوّ الشموع

      واحارب اطياف الدموع

      عندي من العزّة دروع

      والقاكـــ ذكرى عابرة

      واحاول اكتب خاطرة

      واهرب من اغلال القصيد


      بقلمي

      تعليق

      • هلال العتيبي
        شــــاعر نظــم
        • Aug 2006
        • 541

        #93
        تم النشر في الأصل بواسطة الكنق 2011 عرض المشاركة
        صح السانك ياهلال

        مبدع
        الكنق صح كلك يالغالي
        مرورك فخر طال عمرك

        تعليق

        • هلال العتيبي
          شــــاعر نظــم
          • Aug 2006
          • 541

          #94
          الورقة 38

          [poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
          ياكثر ماحثيتها صوبك خطاي=ولاقدرت اوصل لخط النهاية
          انصاك مير اضيع ويضيع ممشاي=سراب يركز فاشْهب اللال رايه
          اتوه في صحراء الضما واطلب الماي=وسايلي تعْبت تبرّر لغاية
          الريح تعزف كنّها عازف الناي=تزيد من همي وتردف عنايه
          واشاور الطير المحلّق وش الراي=اكمل طريقي والآّ اعوّد ورايه
          واسمع صدى صوتي من اقصى المدى جاي=يحمل تعب صوتي ويحمل شقايه
          يقول من يشقى ورا خل نسّاي=يعوّد ادراجه لخط البدايه[/poem]

          تعليق

          • يوسف العازمي
            عضو ماسي
            • Aug 2009
            • 562

            #95
            صح لسان

            ولاهنت

            دمت بود

            تعليق

            • هلال العتيبي
              شــــاعر نظــم
              • Aug 2006
              • 541

              #96
              تم النشر في الأصل بواسطة يوسف العازمي عرض المشاركة
              صح لسان

              ولاهنت

              دمت بود
              صح قلبك ونبضك يايوسف
              أسعدني تواجدك طال عمرك

              تعليق

              • ابومتعب الرويس
                عضو نشيط
                • Aug 2009
                • 75

                #97
                ابدعت وش ماقلنا مانعطيك حقك
                تقبل مروري

                تعليق

                • هلال العتيبي
                  شــــاعر نظــم
                  • Aug 2006
                  • 541

                  #98
                  [quote=ابومتعب الرويس;1014963]ابدعت وش ماقلنا مانعطيك حقك
                  تقبل مروري[/quote

                  اخوي ابومتعب
                  نورت اوراقي
                  مرورك فخر طال عمرك

                  تعليق

                  • هلال العتيبي
                    شــــاعر نظــم
                    • Aug 2006
                    • 541

                    #99
                    الورقة 39

                    [poem= font="simplified arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                    السحاب اللي من المنشا رفيّه=استباح الروح وعيوني سحرها
                    نوض برقه يخطف الابصارضيّه=شاقني واثّر على العين ونظرها
                    هلّي الما يالمزون العقربيه=غيمة الحرمان مانقّبل عذرها
                    احتويني في مجال الجاذبية=واحيي آمالٍ عثا القيظ بزهرها
                    كل غصن صابه الوقت بشظيّة=والجفاف اجتاح الاوراق وشجرها
                    مبطي ادعي خالقي وارفع يديّه=واترجّى نوّةٍ يهمي قطرها
                    مير حظّي ساق غيمة نرجسيّة=ساع ذيّرها الهوا واجهى مطرها
                    الهوى المجنون عاكسها شويّة=لين عكّر جوّها واعمى بصرها
                    واتركتني في سراب المهمهيّة=في صحاري طوّق احساسي خطرها
                    غيمة الحرمان راعدها قضيّة=صوته يزلزل ثرى البيد ومدرها
                    مير لا يمطر ولايصدق نويّه=مااغرق البيدا ولا سيله حدرها
                    من عذابه حط فالوجدان كيّة=مااحدن يسبر مداها من كبرها
                    من كبرها كنّها مقلع طميّة=تقْل نيزك طب من فوق وحفرها
                    ورغم هذا لوقسى وقتي عليّه=نفسي المولى على العزة فطرها
                    مارْجي المقفي ولااعاين نحيّه=والغيوم الذاهبة مامْشي فاثْرها[/poem]

                    تعليق

                    • هلال العتيبي
                      شــــاعر نظــم
                      • Aug 2006
                      • 541

                      #100
                      الورقة 40
                      [poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                      جابك الحظ مدري كيف ومنين جيت=ياطبيب الخفوق وجرحه السرمدي

                      جيت مثل المطر شنّة ورنّة وصيت=في نواصيه برقٍ لامعٍ وبْردي

                      احسبنِّي نسيتك واثرني مانسيت=ساع شفتك وقلبي صار يعدي عدي

                      فز ماكنّ ودّه في ضلوعي يبيت=لولا انا ماسكن حدب الضلوع بيدي

                      قام يهبد بلا يمِّة وكنّه ونيت=سايقه ورعٍ اقشر والمرافق ردي

                      ذبّوا الريع والماطور مافيه زيت=وحطّموا كل شيٍّ فيه حتى البدي

                      مير ثبتّ في ميقافي ولا مشيت =وإلاّ انا لومعي حيلة لاجيك اجْهدي

                      ردّني عنْك مبدن راسخٍ به ربيت=ديني وعقلي وخوفي حدنّي حدي

                      ادري انّك بخير وفالحياة اهتنيت=كل هذا وربّي من دواع اسْعدي

                      فرحتي فرحة كويتي بنصر الكويت=يوم عاد لبلاده وادبر المعتدي

                      أنت نبراس في ضيّه كتبت وقريت=كلّ حرفٍ شجيّ وكلّ حرفٍ ندي

                      وانت بدرٍ على شلال نورك سريت=من ضياك استنير وفي سناك اقتدي

                      يارعى الله ليالٍ في سمانا بديت=مااعرف سهيل والزهرة ونجم الجدي

                      كلّما اشوفك ابدع لك من الشعر بيت=يوم كنتوا وكنّا والبساط احمدي

                      أذكر انّك على اقفال الضماير سطيت=واذكر انّك سرقت النوم من مرقدي[/poem]
                      تم التعديل الأخير بواسطة هلال العتيبي؛ 17-Apr-2010, 08:07 PM.

                      تعليق

                      • هلال العتيبي
                        شــــاعر نظــم
                        • Aug 2006
                        • 541

                        #101
                        الورقة 41
                        [poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                        الغيم لو داعب جبـال السـراوات=الشعر ينبت مـن ربـاه ووهـاده
                        ياللي تحرضني على بدع الابيات=ماعادلـي فالشعـر شـفِّ وراده
                        احسن منه لو انّي اقرالـي آيـات=بعد الفريضة في بيـوت العبـادة
                        والاّ اركع اليا هوّد الليل ركعـات=وقت السحر والليل مسدل سـواده
                        وارفع يديني تالي الليـل لحظـات=لحظات ربّـي يستجيـب لعبـاده
                        اوقات فيهـا تسّتحـب المناجـاة=ومغادر فراش الدفـى والوسـادة
                        تجري بنا الدنيا بـدون اتجاهـات=احيان نغوى عن دروب الرشـاده
                        واحيان نمشيها على كيف ماجات=ماهيب حسـب المعرفـة والارادة
                        ندلّهـا مـرات ونضيـع مـرات=ولا كل مخلـوقِ يحصّـل مـراده
                        بين الفرح والحزن نقطع مسافات=فيهـا نـدوّر للونـس والسعـادة
                        احلامنا كالغيـم غطّـا مساحـات=لكن مايصفـى لـلارض بـوداده
                        المسعد اللـي ماغـدا فالمتاهـات=قـدّم لنفسـه قبـل تبلـى جـداده
                        والشعر ماهو من عظيم الكرامات=هرْج العـرب والابجديّـة مـداده
                        مليون شاعـر عانهـم فالقنـاوات=شباب واطفـال وبنـات وعـواده
                        كلَّ يقـول انـا زعيـم المهمـات=الفـارس اللـي ماتعثّـر جـواده
                        ثلثينـه مهايـط ورب السمـاوات=يحتـاج جـرّاح ودوا فالعيـادة
                        الشعر يبقى حي لو شاعره مـات=وبديوي الوقداني اصْـدق شهـادة
                        وفالحاضر الراهن رموز وعلامات=وكلِّ يدوّرلـه مثـل مـن بـلاده
                        اشعارهم تاريح مجد وحضارات=وتبقى على صدر الفصاحة قـلادة[/poem]

                        تعليق

                        • هلال العتيبي
                          شــــاعر نظــم
                          • Aug 2006
                          • 541

                          #102
                          الورقة 42

                          [poem=font="simplified arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                          الــورد للورد من يستاهله غيرك=مساك ورد وصباحك ورد يالغالي

                          ياكبر سطوتك في قلبي وتأثيرك=مزروع فاحْساسي وفي شرفة آمالي

                          الورد ينطق ب احاسيسك وتعبيرك=يسأل عن اوضاعي وينشد عن احوالي

                          نهب خفوقي وحلّق فالفضاء طيرك=ارجوك خلّه معك في برجك العالي

                          احلى مشاوير فالدنيا مشاويرك=لو في صحارى النفود وفالخلى الخالي

                          اشراقة الروح من فجرك وتنويرك=مع كل نبضة غلا تطري على بالي[/poem]

                          تعليق

                          • عبدالله الفهد الاسعدي
                            عضو ماسي
                            • Nov 2009
                            • 616

                            #103
                            [align=center]
                            اخ هلال

                            لست بحاجة الى شهادتي

                            ولكن الحق يقال انت بارع بكل المقاييس


                            استمتاع كامل مع كل نص شعري فاخر

                            دمت موفق لكل خير
                            [/align]

                            تعليق

                            • رايدالجعيد
                              عضو فعال
                              • Mar 2007
                              • 130

                              #104
                              الله أكبر الله أكبر الله أكبر

                              بيض الله وجهك

                              شاعر سبك و حبك و معنى و جزاله و و و و و و و و

                              و لا بد أن تثبت هذه الأوراق المكتوبة بماء الذهب من شاعر مبدع


                              رووووووووووووووووووووووووووعة

                              تقبل إعجابي و مروري

                              و صح لسانك مليوووووووووووووووون

                              تعليق

                              • هلال العتيبي
                                شــــاعر نظــم
                                • Aug 2006
                                • 541

                                #105
                                الورقة 43
                                [poem=font="simplified arabic,5,teal,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                                علامك تجر النوح ياطاير الاشجان= وانا اخْبرك لوضاقت عليك الوساع تطير

                                تسلّفني الجنحان يامطلق الجنحان=اخذ كلّ شيِّ واعطني كل شي ياطير

                                ولابيننا كاسب ولابيننا خسران=ترا السالفة تغيير لمجرّد التغيير

                                اليا كنت متميّز وتشْدو على الاغصان=تغرّد على خضر النوامي ضحى وعْصير

                                فأنْا افخر بنفسي وافخر بربعي العتبان=اخاوي هل الطالات واعشق نوايا الخير

                                واليا كنت ترقى فوق لمعانق الامزان=تسبّح بحمد المعتلي صاحب التدبير

                                ف انا اسجد لربي واعبده واقرأ القرآن=واصلّي على خير البشر مشعل التنوير

                                واحب الملك والشعب واموت فالاوطان=واقدّر رجال العلم واهل الفكر تقدير

                                واحب الرماية والشعر واخضر الالوان=تولّعت فالاهلي وتوّي وراع صغير[/poem]

                                تعليق

                                العمل...