أوراق شــاعــــر

طي
X
 
  • التوقيت
  • إظهار
مسح الكل
المشاركات الجديدة
  • هلال العتيبي
    شــــاعر نظــم
    • Aug 2006
    • 541

    #241
    تجين نهرب من قيود الرتابة؟
    قبل مراويح السعد تضمحلي
    قيظ وعجاج ودرب يلهث سرابه
    وبروق تلمع فالعتيم وتولي
    مبطي وحرف النور احبه واهابه
    ليته على خد الشفق ينكتبلي
    لعلي القى بلسمي في رضابه
    واتوه في ريضان ورده وادلي
    مادامت ان حظي وحطك تشابه
    تعالي نغني على طير ياللي
    اماتعالي فاس والياس غابة
    واطلق سراح الياس واجيك كلي
    والا تعالي من علوك سحابة
    الياانتشا عطر المسا تستهلي
    وانا مااحب اجمع وجيه الغلابه
    واسرق فرحها واتوضا واصلي
    احب اعطربك حروف الكتابة
    وارسم شعاع النورمن وجه خلي

    تعليق

    • هلال العتيبي
      شــــاعر نظــم
      • Aug 2006
      • 541

      #242
      [align=center]يقول انا اوّل شخص يقرا جديدك
      .................... لو تنشره في كوكب الزهرة اقراه!!
      قلت البشـر يقلون حلون قصيدك
      ..................... وانا اتعجّب مثلهــم ويش حـــلاه!!
      واثــر عيونــك شيــرة الله يزيـدك!!
      .....................من الحلا والملـح والحسن والجـاه
      وشلون اجل لوتلمس الحرف بيْدك!!
      ....................كلي ثقة ل احصّل الشهـد بشفـاه!![/align]

      تعليق

      • هلال العتيبي
        شــــاعر نظــم
        • Aug 2006
        • 541

        #243
        [align=center]بشّــــر الاغصــان من شــقّ وطــرف
        ان لـــك في شرفــة الذكـرى مكــان
        يوم كـــان الحــرف بستــــــان وترف
        وانت فاحْضــان الجـداول غصـن بان
        ماذرفتك دمــــع اخـــــاف اليــــا ذرف
        تسقــط ويرحــــــل ربيــع الاقحــوان
        بانــي(ن) لك في معاليقـــي غـــرف
        فاــلمكــــان وخـارج حـــدود الزمــان
        وانت تزهــــى في عناقيــــد الشرف
        لاتنـــــــاش ولاتظــــــام ولاتهـــــــان
        دوك نبـــض القــلـب ياغـــصــنٍ ورف
        ردّ لــــه تــــــاج الفخـــر والعنفـــوان
        مــاعــرف ســـود النوايـــا لوعــــرف
        كان ماراهــــن ولاخســـر الرهـــان
        الشتــــات ارخـى كفوفـــه واغتـرف
        مــن يناـبيـــع المحبــــــة والحنــــان
        والجفــــــــا كيله وميزانــــه ســـرف
        يرهي ويعطـــي على الفرقا ضمان
        والكــــرى ودّع عيونــي وانصــــرف
        واطلــــق لطيفــك فالاعيان العنــان
        حي طيفـك صــــان ودّي واحتــــرف
        الوفا رغــــم ان راع الطــيـف خـــان
        ان وقفــــت امـــام شبّـاكـــه صـرف
        بلســـمٍ لاوجاعــي وسلّـــة امـــــان
        وان لمح نبضي عن النوـر انجــرف
        فزعته بسمة وشمــــــــع وشمعدان
        [/align]

        تعليق

        • هلال العتيبي
          شــــاعر نظــم
          • Aug 2006
          • 541

          #244
          البارح انصفت قلبي بالشعر والشعور
          .....................واسقيتني كاس فضّي من معين الغلا
          روّضت خفقة يراودها الزهو والغـرور
          ....................والنبـض جــدّد مواثيــق العهــد والـــولا
          لبا حضور يكفّي عن جميــع الحضور
          ................... رشفةمن الشهدتغني عن جميـع الحـلا
          متميّزٍ يالخزامــى بين كـل الزهــور
          ..................كـذا يكـــون الشــذا والزهــر والاّ فــــــلا

          تعليق

          • هلال العتيبي
            شــــاعر نظــم
            • Aug 2006
            • 541

            #245
            [align=center]لا الريح ولا اليم ولا المجاديف
            ولاحظوظي والعزوم اوصلنّـي
            رغم اني مغامر وربّان حريف
            لكن مرسى لهفتي صـــد عنّـي
            يامقرب الغبّة ويامبعد السيف
            بانت علامات الغرق حسب ظنّي
            عودّت اصرّف هم قلبي تصاريف
            واستنهض الاشعار وابدع واغني
            وانثرلك الاحساس يازهرة الريف
            مــن هاجـسٍ سحايبه كــل فنـــي
            نبضي حقوق الوسم ماهومطرصيف
            برقـــه ينوض وراعديــــه يدني
            اليا عشقت اعشق بلا خدعة وزيف
            والياعطيت اجود من غــير منّي
            واسعى لرد الطيب ل اهل المعاريف
            لو واقعي خالف هجــوس التمني[/align]

            تعليق

            • هلال العتيبي
              شــــاعر نظــم
              • Aug 2006
              • 541

              #246
              [align=center]قم قهوني صوتك اللي بحته هيله
              لاوالله الاضرمت وزايد عماسي
              يغريني الكيف الاشقر في فناجيله
              من دلة ريحها يبري وجع راسي
              في جال جمر الغضا قرب معاميله
              ثم احمس احساسك الطاغي بمحماسي
              ... ون كان مامن جمر نشعل مشاعيله
              احطب جذوع الوله لو ينكسر فاسي
              في صوتك احساس معرف كيف تاويله
              اليا فقدته ليألي تقرع اجراسي
              هواك ناسك تهجاني تراتيله
              والشوق قبل ارسمه يرسم بكراسي
              اللي تقهوى كلامك ليلته ليلة
              وكاد يثمل وهو مايشرب الكاسي
              يانسمة الشرق هاتي لي تفاصيلة
              اتنفس آخر علومه واشهق انفاسي
              [/align]

              تعليق

              • هلال العتيبي
                شــــاعر نظــم
                • Aug 2006
                • 541

                #247
                [align=center]
                صاحبي ياعل مايلقاه عوق
                وان مشى دربٍ عسى الله يسمحه
                ياعسى تنصاه الافراح ويروق
                جوّه/ويارب حقّق مطمحه
                كلّما خيّل على المنشا بروق
                يحسب ان الارض خضرا مصبحة
                ويحسب ان الشوق يتبدّل بشوق
                والاماني في يديني ممرحة
                اتصاغر كلمتي لن قلت ذوق
                يا(نصيب) العمر مرة يمنحة
                انت معدن مانْجلب في كل سوق
                راس مال اللي هواك ومربحه
                مير قمت تكرر (اعذار)وطروق
                كن ودّك قلب خلّك تجرحه؟
                لاتلوم النبض والقلب الشفوق
                لهفة العاشق مرارٍ تفضحه
                وان نويت الهجرة وعزمك صدوق
                ودّعه قبل السفر واستسمحه
                بلّغه لاينتظر شمس الشروق
                واحرق اوراقه ودمّر مسرحه
                ماحصل منّي خلاف ولازهوق
                ولاخطاً واضح وعيني تلمحه
                ولاخبرت انك على الجفوة سبوق
                ادمح //الله كل ذنبٍ يدمحه
                شوفني كبلت لك هذا الخفوق!
                باعثه من دون ريشٍ واجنحة
                في ظهر لوري مع الاغراض فوق!
                للسموم وللهبايب تلفحه
                وفّ مابينك وبينه من حقوق
                وفي سراديب الجفا المر اطرحه
                وان ثبت ظلمه وطيشه والعقوق
                سامحه والا اسجنه والا اذبحه
                وان ذبحته خلّك بذبحه رفوق!
                واختر اسرع قاتل من الاسلحة
                واسكب ادموع الحزن من كل موق
                واحمله عاجل على اقرب مشرحة
                شوف وش تلقى بدمّه والعروق؟
                شي صعيبٍ ينفهم لو نشرحه؟!
                م انت لاقي (غيرك) بكل مْعلوق!
                انت قلبه وانت سعْده وفْرحه!
                [/align]

                تعليق

                • هلال العتيبي
                  شــــاعر نظــم
                  • Aug 2006
                  • 541

                  #248
                  [align=center]الصبـــح بلســــــم والمسا سلــة اوجــــــاع
                  والحــــلم يذبـــــــــــل والولـــه يحتوينــــــــــي
                  لولا المزون اللي لهاالنبض مطــلاع
                  ظمــــا السنيــــــــن المستبــــــده روينـــــي
                  اجتاز هقوات البشر حـــد الاقنــــــاع
                  ثـــــــم اتعثـــــــــــر بيــن نفســــي وبينــــي
                  بيني وبين اوراقي اخــــــلاف ونزاع
                  وبيني وبين الحرف عشـــق وحنينــي
                  وبيني وبين احلامي ذيابٍ جيــــاع
                  وبحرعلى صــدر الجفــــا يحترينـــي
                  اجدّف بشريانـــــي وقلـــــــــــــــبي اشــــراع
                  وانخى العواصف ياهبوب اغرقينـي
                  واحدى خفوق يحتدم بين الاضلاع
                  كــــم يوم تستفــــزع ضلوعـــي يدينــــــــــي
                  واضيع واقوم انشد الناس من ضاع؟
                  واحيان ادل الدرب واقــــــول وينـــي!
                  نظرات عيني للسما م اعشق القاع
                  من خلقتي ماتعشـــــق القـــــاع عينــي
                  لي مع هل المعروف مصيف ومرباع
                  ومن غيرهم تفتّك حلقي يميني
                  ولاني خفيف اطير مع كل ذعذاع
                  اجفى الردي واخاوي الغانميني
                  وافي وراع المد اجازيه بالصاع[/align]

                  [align=center]اسمي علم واللي يبيني لقيني[/align]

                  تعليق

                  • هلال العتيبي
                    شــــاعر نظــم
                    • Aug 2006
                    • 541

                    #249
                    [align=center]لحوووول من جرح فالوجدان متلوّي
                    ....................من كلمةٍ دزهاــ في تالي كتابــه
                    ياليت صدر الشمالي كان متروّي
                    ..................انكان يلقى بدل جابة ميــة جابــة
                    احيان تحتار ماتدري وش تسوّي
                    .................اليا نصاك الصباح بقسـوة عتابــه
                    انواري وبلسمي وانفاسي وضوّي
                    ................مهد الروى والكلا والطير واسرابه
                    هو يخبر انه سماي وارضي وجوّي
                    ............... وانا اخبر اني غــلاه وظلّي اهدابـه
                    ولا على غير مرباعه همى نوّي
                    .................حتى كساه الخزام وفاحت اطيـابـه
                    مير اكتشفت ان قلبه ليّنٍ توّي
                    .................وهو بكف الموادع ينــزع اطنابــه
                    [/align]

                    تعليق

                    • هلال العتيبي
                      شــــاعر نظــم
                      • Aug 2006
                      • 541

                      #250

                      مـاعــاد احبـــك قلتهــا مـن لسانـــي
                      بيني وبينـي ماسمعهــــا اي مخلـوق
                      والقاك منهـا بعـــــد لحظـــة تعانــي
                      اثر ان لك جاسوس في كل معلـوق!
                      ياطــول صبري من غــلاك الآنانـي
                      اليـا فهقتـــه قـــال مانــي بمفهـــوق
                      متربّـــعٍ بيـــن الضلـــوع المحانـي
                      ولا يعوقه عن رواق الحشـا عــوق
                      ايه انت الاول وانـت ثالـث وثانـي
                      متـوّجٍ بالقلــب ولا انـت مسبــوق

                      تعليق

                      • هلال العتيبي
                        شــــاعر نظــم
                        • Aug 2006
                        • 541

                        #251

                        واقدارنا اللي مع بعضنا رمنا
                        والهاجس اللي من غلاتك تشكل
                        م احب اكون الا كما ما اتمنى
                        يعني على ماقالوا الكل فالكل
                        طرقت باب الود منــا ومنـــا
                        الين متني من كثر مااطرقه كل
                        يابوصلة نبضي وشمعة زمنا
                        مافيه مخلوق بغرامــه ينكل
                        امااهدني ورد الهوى دون منا
                        والا تذاكر رحلتــي واتوكــل

                        تعليق

                        • هلال العتيبي
                          شــــاعر نظــم
                          • Aug 2006
                          • 541

                          #252
                          [align=center]في إحدى جلسات الانتظار المملة كتبت
                          على جوالي هذه الخربشة
                          ارجو ان تنال ولو اليسير من رضاكم

                          مشوار ودروبك عنا
                          واحساسك قطوف وجنا
                          اقراك حرف من وميض
                          واكتبك حرف من سنا
                          واقول من قلبي اقول
                          طيب وانا؟؟

                          ياما على دربك مشيت
                          وياما سهرتك مااشتكيت
                          احفظ بيوتك بيت بيت
                          واقراك حرف من وميض
                          واكتبك حرف من سنا
                          واسخر احساسي ثنا
                          واقول واللهفة تقول
                          طيب وانا؟؟

                          اخالف ظنوني واجيك
                          وابيع نفسي واشتريك
                          واحط نبضي في يديك
                          واقراك حرف من وميض
                          واكتبك حرف من سنا
                          واجمع لك اوقات الهنا
                          واقول واحساسي يقول
                          طيب وانا؟؟ا

                          طيب وانا؟؟
                          ايوه انا
                          اكيد انا
                          انا انا
                          ابيك تاخذني اكيد
                          هناك للنجم البعيد
                          تكتب لي احساسك قصيد
                          وتعيش لي وتعيش بي الفين عيد
                          وتغادر اوكار الانا
                          لجلي انا لجلي انا
                          لجلي انااااااااا[/align]

                          تعليق

                          • هلال العتيبي
                            شــــاعر نظــم
                            • Aug 2006
                            • 541

                            #253
                            [align=center]شيدت لك فالقلب قصر لحالك
                            ماحوله اﻻبيت مهجور وخيام
                            خذ راحتك ماعندك اﻻ حلالــك
                            وانت تخبر مالك معادين واخصام
                            كم حول وانا مااشرب اﻻ زﻻلك؟
                            وان ماشربته تمسي هجوسي حيام
                            وﻻاتقهوى اﻻ مــن ابهى دﻻلـــك
                            عن غيرها حالف لو اضرم مية عام
                            وان شفتني في لحظة ارسم خيالك
                            ﻻتبتئس هـــذي خياﻻت رســام
                            احاول استنهض مكامن دﻻلــك
                            وتجي واجيك بلهفة تجمح هيام
                            واليا هما قطر الندى اظهر جمالك
                            الصبح يندا والغـــلا صبح اﻻيام
                            [/align]

                            تعليق

                            • هلال العتيبي
                              شــــاعر نظــم
                              • Aug 2006
                              • 541

                              #254
                              [poem=font="simplified arabic,6,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
                              البارح انصفت قلبي بالشعر والشور=واسقيتني كاس فضي من معين الغلا
                              روّضت خفقة يراودها الزهو والغرور=والنبض جدد مواثيق العهد والوﻻ
                              لبا حضورٍ يكفي عن جميع الحضور=رشفة من الشهدتغني عن جميع الحلا
                              متميّزٍ يالخزامى بين كل الزهور=كذا يكون الشكل واللون واﻻ فلا
                              العطر منك يتعطّر وانت عطر العطور=من عاش في دنيتك لو ساعةٍ ماسلا
                              اليا كتبتك قصايد يشعل الحرف نور= واليا وصفتك ملا مح غار ريم الفلا
                              منزلك قلب هواك وعوج اﻻضلاع سور= عيون تحمي عيونك من عيون الملا
                              مارْتبت من شرهة الحاسدوحقدالغيور =شرهة مهي فالسنع لقيتها للخلا[/poem]

                              تعليق

                              • هلال العتيبي
                                شــــاعر نظــم
                                • Aug 2006
                                • 541

                                #255
                                تدري متى تسقط كرامتك فالارض؟
                                اليا لحقت انســان وهــو مقفّــي!

                                يتعبك ويسحّبك بالطول والعرض
                                وبالغلا اللي تضمــره يستخفّــي

                                على القلوب الحب ماينفرض فرض
                                الحــب ناتــج جمع شــفٍّ بشفــي

                                تعليق

                                العمل...