أوراق شــاعــــر

طي
X
 
  • التوقيت
  • إظهار
مسح الكل
المشاركات الجديدة
  • هلال العتيبي
    شــــاعر نظــم
    • Aug 2006
    • 541

    #46
    الورقة 16
    إهــــداء آخر للوطن


    [poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    موطني يامهبط الوحي ياوهج الشموس=يافنار العلم مهد الرسالة والنبي
    فيك بيت الله تهفو له اخيار النفوس=من بقاع الارض شرقيّها والمغربي
    ديرتي يامنهل النور فالوقت العبوس=يازهور العشق في كل حرفٍ يعربي
    لبّسوها آل السعود الحلي واغلى اللبوس=درعها الإسلام وسيوفها الشعب الأبي[/poem]

    تعليق

    • فايز بن سرحان الثبيتي

      مشرف منتدى قصائد الاعضاء

      • Nov 2008
      • 5247

      #47
      الله عليك ياهلال



      امتعتنا بكل ماتخط اناملك


      ونحن متابعين لكل جديد تضيفه



      ومتى ما امرت جاهزين لتنسيقها في صفحة واحدة تمهيدا لوضعها في ديوان خاص بك
      [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

      إذا شئت أن تحيا سليما من الأذى=وحظك موفور وعرضك صين
      لسانك لا تذكر به عورة امرىء=فكلك عورات وللناس السن
      وعينك إن أبدت إليك معايبا = فصنهاوقل يا عين للناس أعين
      وعاشر بمعروف وسامح من اعتدى=وفارق ولكن بالتى هى أحسن

      [/poem]

      تعليق

      • معلا إبراهيم الأسعدي
        شــــاعر نظــم
        • Feb 2007
        • 1405

        #48
        صح لسانك واعتلا شانك

        وبيض الله وجهك

        لاهنت

        دمت بخير


        تقبلوا خالص تحياتي
        أخوكم

        تعليق

        • عبد المجيد بن عريج
          عضو نشيط
          • Sep 2009
          • 33

          #49
          تم النشر في الأصل بواسطة هلال العتيبي عرض المشاركة
          يسم الله الرحمن الرحيم
          احبتي هنا سوف أعرض لكم مجموعة من أوراقي
          ومقاطع من قصائدي
          اكثرها لم تنشر على الأقل هنا
          أرجو أن تنال استحسانكم ورضاكم


          الورقة 1


          [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
          ياسيّد القاف هذا القاف لك وحـدك=ياباشة الحرف يانبضـه ووجدانـه
          ياساكـن القلـب لاقبلـك ولابعـدك=أحدن سكن فالفؤاد وزلـزل اركانـه
          ابطيت وانا اتحرّا وانتظلر وعـدك=وابدي لنو الحيـا واخيّـل امزانـه
          ياصاح لاورد فالدنبـا سـوى وردك=المختلف حيل ف/اشكاله وف/الوانه
          اطلب نجوم الثريا وابشـر بسعـدك=ويمكن اجيب القمر واقولّـك عانـه
          شاعرك مفتون في صيفك وفي بردك=لو تسكن الواق واق اوطانك اوطانه [/poem]


          هلال عزالله انك شاعر فحل يالقرم

          وبيض الله وجهك وليتك تنشر دوم مثلك نستفيد منه والجزاله منك وفيك

          يالذيب

          لاخلا ولاعدم


          مودتي لك

          تعليق

          • سلطان الاشراف
            عضو نشيط
            • Jul 2009
            • 77

            #50
            السلام عليكم ورحمة الله وبركاته 00


            هذا الشعر الحقيقي , هذا الإبداع بكل ماتحمله الكلمة من معنى , قمة الروعة أبيات جميلة من شاعر أجمل 00


            هذا وهي مجموعة أوراق سلبت العقول , كيف لو كانت في ديوان 00000 قمة الإبداع


            أخوي هلال 00


            بيض الله وجهك وصح إلسانك , ومن الظلم أن لا تدون مثل هذه الأبيات ليس على شاشة الإنترنت فقط
            , ولكن من الظلم الكبير أن لايكون هذا الديوان مباعا داخل أسواقنا ومكتباتنا , ومن الجور أن تحرم هذه القصائد قبل أن تحرم هذه الشاعرية من ظهورها الإعلامي , بكل أشكاله المقرؤ والمسموع 00



            أنتظر مشاركتك في شاعر المليون , وأنا أضمن لك أحد المراكز الثلاثة الأولى على أقل تقدير , فأنت شاعر مبدع , وقصائدك راقية , وعتيبي يعني إزهل التصويت , وأبشر بالتصويت من جماعتي لأنك تستاهل 00


            أو على الأقل وأنا طالبك وقول تم 00



            ديوان ( بمعنى كتاب لقصائدك ) يباع في جميع دور النشر ( المكتبات ) ,وقبل ما تنزله عطني خبر , لأحظى بشرف إني أول من يشتري ديوان الشاعر المبدع ( هلال العتيبي ) 00 بكل أمانة


            جميع ما كتبت أعجبني , وخصوصا , 2 , 9




            هلال العتيبي , هلال العتيبي , هلال العتيبي , هلال العتيبي , هلال العتيبي , هلال العتيبي , هلال العتيبي


            ماني بمجنون , لكن أردد الإسم , لأني متأكد بأني سأسمعه يوم من الأيام في صحافتنا , ومجلاتنا , وبرامجنا , وقنواتنا , على مستوى المملكة العربية السعودية 00



            آسف للإطالة , ولكن إعجابي بشعرك جعلني أطيل الكتابة بدون لا أشعر , وأظن أني لم أوفي نصف شاعريتك حقها إلى الآن 00




            تحياتي 00 أخوكم سلطان الأشراف
            تم التعديل الأخير بواسطة سلطان الاشراف؛ 01-Oct-2009, 09:31 PM.

            تعليق

            • هلال العتيبي
              شــــاعر نظــم
              • Aug 2006
              • 541

              #51
              تم النشر في الأصل بواسطة ابن سرحان الثبيتي عرض المشاركة
              الله عليك ياهلال



              امتعتنا بكل ماتخط اناملك


              ونحن متابعين لكل جديد تضيفه



              ومتى ما امرت جاهزين لتنسيقها في صفحة واحدة تمهيدا لوضعها في ديوان خاص بك
              تسلم يأمير
              مايامر عليك عدو طال عمرك
              راقي وكلك ذوق ياابن سرحان
              باقي كم ورقة إذا أكملتها
              انا اعطيك خبر
              وعساك سالم وانا اخوك
              تم التعديل الأخير بواسطة هلال العتيبي؛ 05-Oct-2009, 08:53 PM.

              تعليق

              • هلال العتيبي
                شــــاعر نظــم
                • Aug 2006
                • 541

                #52
                تم النشر في الأصل بواسطة معلا إبراهيم الأسعدي عرض المشاركة
                صح لسانك واعتلا شانك

                وبيض الله وجهك

                لاهنت

                دمت بخير


                تقبلوا خالص تحياتي
                أخوكم
                ووجهك ابيض يامعلا
                صح قلبك ونبضك ياأمير
                مرورك فخر لاعدمتك
                اخووووووووك

                تعليق

                • هلال العتيبي
                  شــــاعر نظــم
                  • Aug 2006
                  • 541

                  #53
                  تم النشر في الأصل بواسطة عبد المجيد بن عريج عرض المشاركة
                  هلال عزالله انك شاعر فحل يالقرم

                  وبيض الله وجهك وليتك تنشر دوم مثلك نستفيد منه والجزاله منك وفيك

                  يالذيب

                  لاخلا ولاعدم


                  مودتي لك
                  ياهلا وغلا بأخوي عبد المجيد
                  صح قلبك وشهادتك وسام طال عمرك
                  نورت متصفحي ونا اخوك

                  تعليق

                  • هلال العتيبي
                    شــــاعر نظــم
                    • Aug 2006
                    • 541

                    #54
                    تم النشر في الأصل بواسطة سلطان الاشراف عرض المشاركة
                    السلام عليكم ورحمة الله وبركاته 00


                    هذا الشعر الحقيقي , هذا الإبداع بكل ماتحمله الكلمة من معنى , قمة الروعة أبيات جميلة من شاعر أجمل 00


                    هذا وهي مجموعة أوراق سلبت العقول , كيف لو كانت في ديوان 00000 قمة الإبداع


                    أخوي هلال 00


                    بيض الله وجهك وصح إلسانك , ومن الظلم أن لا تدون مثل هذه الأبيات ليس على شاشة الإنترنت فقط
                    , ولكن من الظلم الكبير أن لايكون هذا الديوان مباعا داخل أسواقنا ومكتباتنا , ومن الجور أن تحرم هذه القصائد قبل أن تحرم هذه الشاعرية من ظهورها الإعلامي , بكل أشكاله المقرؤ والمسموع 00



                    أنتظر مشاركتك في شاعر المليون , وأنا أضمن لك أحد المراكز الثلاثة الأولى على أقل تقدير , فأنت شاعر مبدع , وقصائدك راقية , وعتيبي يعني إزهل التصويت , وأبشر بالتصويت من جماعتي لأنك تستاهل 00


                    أو على الأقل وأنا طالبك وقول تم 00



                    ديوان ( بمعنى كتاب لقصائدك ) يباع في جميع دور النشر ( المكتبات ) ,وقبل ما تنزله عطني خبر , لأحظى بشرف إني أول من يشتري ديوان الشاعر المبدع ( هلال العتيبي ) 00 بكل أمانة


                    جميع ما كتبت أعجبني , وخصوصا , 2 , 9




                    هلال العتيبي , هلال العتيبي , هلال العتيبي , هلال العتيبي , هلال العتيبي , هلال العتيبي , هلال العتيبي


                    ماني بمجنون , لكن أردد الإسم , لأني متأكد بأني سأسمعه يوم من الأيام في صحافتنا , ومجلاتنا , وبرامجنا , وقنواتنا , على مستوى المملكة العربية السعودية 00



                    آسف للإطالة , ولكن إعجابي بشعرك جعلني أطيل الكتابة بدون لا أشعر , وأظن أني لم أوفي نصف شاعريتك حقها إلى الآن 00




                    تحياتي 00 أخوكم سلطان الأشراف
                    ا[frame="1 80"]خوي سلطان الأشراف
                    صح قلبك ونبضك
                    مرورك وسام
                    وشهادتك أفخر بها طال عمرك
                    كفو والله كفو ونعم بالاشراف ترليون
                    عساني ماأعدمك يالغالي
                    اخوووووووك
                    [/frame]

                    تعليق

                    • هلال العتيبي
                      شــــاعر نظــم
                      • Aug 2006
                      • 541

                      #55
                      الورقة 17
                      [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                      ياورود الطايف احساسي الليلة قصيد=والحروف اغصان يلعب بها ريح الصبا

                      كلّما ذعذع نسيم المشاعر من جديد=ذكّر المشتاق عهد المودّة والصبا

                      أنت ياللي شوفك وقربك وطاريك عيد=يالطيف الروح مسموح ياعذب النبا

                      أنت بس آمر تدلل وشتحب وتريد=لو طلبت سهيل والمشتري قلنا جبا

                      شوف كم لك في بنوك المحبة من رصيد=كنك أكبر تاجرٍ حط ماله فالربا[/poem]

                      تعليق

                      • هلال العتيبي
                        شــــاعر نظــم
                        • Aug 2006
                        • 541

                        #56
                        الورقة 18
                        [poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                        تمهّل قبل ترحل اليا عالم النسيان=وتنسى الذي لاهو بناسي ولاداله
                        ولاعافك الخاطر ولاملّك الوجدان=هذ الهرج من قاله هذ الهرج من قاله
                        غلاك وهواك وكل شيٍّ على ماكان=على حطّة ايدك كل شيٍّ على حاله
                        هنا فوضويّتك وجنونك لها عنوان=وهنا الذكريات وصادق الحب واطلاله
                        وهداياك تملأ باحة الصدر والاركان=وينبّض لك الخفاق في مجمل احواله
                        سقى الله زمان الوصل ياسيّد الخلان=زمانٍ شربنا الهيل من غالي ادلاله[/poem]

                        تعليق

                        • هلال العتيبي
                          شــــاعر نظــم
                          • Aug 2006
                          • 541

                          #57
                          الورقة 19

                          [poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                          ودي أزورك واشوفك يابعد حيـي= لكن بعـد المسافـة بيننـا حايـل
                          ياليتني في مرابـع حاتـم الطيـي= في مرقبٍ نايفٍ وابدي على حايـل
                          ياسلطنة خافقي وجنونـي وغيـي=الشوق لك من مشاريف الحشا سايل
                          ياشرقي وغربي وياشمسي وفيـي=شيّدت لك في فؤادي معلـمٍ طايل
                          ان قلت من نور وجهك يشرق الضيي=ردّيه عنّي اليا قالوا من القايل
                          وان قالوا انتي كما باقي البشر عيي=قولي انا البدر في مرقابه الهايل
                          أمّا أنا في غرامك ماحدن زيي=حتّى لوانّي من هموم الزمن شايل
                          إن قلت زانت وحلمي صار متهيي=كذا اعترضها الحقاف وحظّي المايل[/poem]

                          تعليق

                          • فايز بن سرحان الثبيتي

                            مشرف منتدى قصائد الاعضاء

                            • Nov 2008
                            • 5247

                            #58
                            لله درك ياهلال

                            متابعين لكــــ ولاوراقك الفاخره
                            [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

                            إذا شئت أن تحيا سليما من الأذى=وحظك موفور وعرضك صين
                            لسانك لا تذكر به عورة امرىء=فكلك عورات وللناس السن
                            وعينك إن أبدت إليك معايبا = فصنهاوقل يا عين للناس أعين
                            وعاشر بمعروف وسامح من اعتدى=وفارق ولكن بالتى هى أحسن

                            [/poem]

                            تعليق

                            • هلال العتيبي
                              شــــاعر نظــم
                              • Aug 2006
                              • 541

                              #59
                              تم النشر في الأصل بواسطة ابن سرحان الثبيتي عرض المشاركة
                              لله درك ياهلال

                              متابعين لكــــ ولاوراقك الفاخره
                              ياااااهلا ياابن العم
                              تشرفني وتسعدني متابعتك ياأمير

                              تعليق

                              • هلال العتيبي
                                شــــاعر نظــم
                                • Aug 2006
                                • 541

                                #60
                                الورقة 20
                                [poem=font="simplified arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                                حي الله اللي فوق هام الغلا فوق=اللي رماني في بحور المودّة
                                اتوق له واتوق واتوق واتوق=توق الغريق لمنقذ يمدّ يدّه
                                اليا قريت حروفه ارتاح واروق=تقول بحّار (ن) ولف بحر جدّة
                                وألاّ حجازي شايف(ن)نو وبروق=مع كل نوضة برق شوفه يلدّه
                                الله يفرج ضيقة الصدر ياذوق=يابلسم احساسي وعطره وندّه
                                ياللي عليك من الحلا والبها طوق=مثل طلوع النور ماعنك صدّه[/poem]

                                تعليق

                                العمل...