أوراق شــاعــــر

طي
X
 
  • التوقيت
  • إظهار
مسح الكل
المشاركات الجديدة
  • هلال العتيبي
    شــــاعر نظــم
    • Aug 2006
    • 541

    #61
    الورقة 21
    [poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    يازين شاب الامل في زحمة ظنونـك=قتلت ود الشعـور وعمـر الاحلامـا
    سجنت حرفي وانا مفتـون فعيونـك=ياما تمنيـت اصافـح ودّهـا يامـا
    الله حسيبي على اللي حال من دونك=واقف على الدرب عثرة طول الاياما
    ليتك تجمّل وتقبـل عـذر مفتونـك=لاتشتكينـي علـى بـاراك اوبامـا
    وياورد عندي فضول اداعب غصونك=واخاف من شوكك وعثرات الاقدامـا
    بادر بنفحة وصل واصيـر ممنونـك=ارسمك وانا كفـو شاعـر ورسامـا
    تعال نرسم شعاع الشمس من لونـك=واكتبك حرف(ن) تعذّر عنه الاقلامـا[/poem]

    تعليق

    • هلال العتيبي
      شــــاعر نظــم
      • Aug 2006
      • 541

      #62
      الورقة 22


      [poem=font="simplified arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
      الدّرر وش الدّرر غير الحكي من فمّك=والجواهر مااعتبرها غير هرج لسانك
      تسمح ارحل منك فيك ومن عذابك يمّك=تسمح ارحل من جنونك ف الهوى لجنانك.
      تسمح ابعثرك واشتّتك ثم المّك=واجمع اسراب القصيد التايهة ف احضانك
      تسمح أظما من رواك وتسمح اروى جمّك=سيدي شكّلني ولوّني بألوانك
      تسمح اسكن في شرايينك واخالط دمّك=واتربّع فالحشا وابات في وجدانك
      إن تعبت اتعب معك والقلب يحمل همّك=ودي اشاطرك لوعات الزمن واحزانك
      انت ياورد الحجاز اهواك واعشق شمّك=ليتني ياورد نحل(ن) ساكن(ن)ف اغصانك[/poem]

      تعليق

      • هلال العتيبي
        شــــاعر نظــم
        • Aug 2006
        • 541

        #63
        الورقة23
        [poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
        لبيّك يادرّة حروف القصيدة=ياسندريلا العشق يانبض مغليك
        يادانة(ن)جوف البحور البعيدة=ياحلم غواصٍ قضى العمر يرجيك
        اليا انكسر مجداف جدّف بأيده=ماانساه هول البحرذكْرك وطاريك
        معطيك عنوان الخفوق وبريده=على ضفاف الحلم ساري يناديك
        ماكنّك إلاّ قطرةٍ في وريده=من زود حبّك مازهد لحظةٍ فيك[/poem]

        تعليق

        • هلال العتيبي
          شــــاعر نظــم
          • Aug 2006
          • 541

          #64
          الورقة 24

          [poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
          يابخت نجد العذيّة بالذي زارها=زاد الخزامى خزامى والمشاتل ورود
          عطرتي انفاسها واشعلتي انوارها=زينٍ على زين وانتي مال زينك حدود
          حتى القلوب اقتحمتي عالي اسوارها=حبّك غزو مايردونه سريّة جنود
          بعْدك دمار القلوب وقربك إعْمارها=شوفي سهر عيني ورعشة خفوقي شهود[/poem]

          تعليق

          • هلال العتيبي
            شــــاعر نظــم
            • Aug 2006
            • 541

            #65
            الورقة 25
            [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
            ودّك تعـدّا حدّنـا ياحليـلـك!؟=ماعلمـوك انّاعرب دمّنـا حـار
            لوتجلب بزيفك ورجلـك وخيلـك=قدّمك عذابٍ منْزل وسيف بتـار
            نقدر من اطراف الجزيرة نزيلك=احدودنا موت وبراكين واعصار
            هذا جبل دخـان ياطـول ليلـك=بعده تشوف اجبال واجبال من نار
            هـذي رسالتنـا وعلّـم خليلـك=تبّت يداكم ياغريبيـن الاطـوار
            اللي يحوشك حوش واعمى دليلك=رماك فدْروب المهالك والاخطار
            يقول هذا دربك وشد حيلك=واللي يساق ويجري لحتفه0000[/poem]

            تعليق

            • !المرشدي الروقي!
              عضو
              • Nov 2009
              • 16

              #66
              صح السانك ولاعدمنا جديدك يالسنافي....مع تحيات :الخذامي

              تعليق

              • نــايف الــبــرقــــاوي
                عضو فعال
                • Apr 2009
                • 115

                #67
                [align=center]صح لساااااااااااااااااااااانك مليوووووووون يا مبدع اخ هلال العتيبي اهنيك على هالقصيد والابداع وننتضر جديدك

                تحياتي
                [/align]

                تعليق

                • هلال العتيبي
                  شــــاعر نظــم
                  • Aug 2006
                  • 541

                  #68
                  تم النشر في الأصل بواسطة !المرشدي الروقي! عرض المشاركة
                  صح السانك ولاعدمنا جديدك يالسنافي....مع تحيات :الخذامي
                  المرشدي الروقي
                  صح قلبك ونبضك
                  مودتي طال عمرك

                  تعليق

                  • هلال العتيبي
                    شــــاعر نظــم
                    • Aug 2006
                    • 541

                    #69
                    تم النشر في الأصل بواسطة نــايف الــبــرقــــاوي عرض المشاركة
                    [align=center]صح لساااااااااااااااااااااانك مليوووووووون يا مبدع اخ هلال العتيبي اهنيك على هالقصيد والابداع وننتضر جديدك

                    تحياتي
                    [/align]
                    [foq1]اخوي نايف البرقاوي
                    صح قلبك ونبضك
                    تواجدك فخر لاعدمتك
                    [/foq1]

                    تعليق

                    • هلال العتيبي
                      شــــاعر نظــم
                      • Aug 2006
                      • 541

                      #70
                      الورقة 26
                      [poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                      يامرحبا في بلادك وانت قلبك وطن=قلبك وطن يسكنه عشرين مليون قلب
                      من حد الاردن شمال اليا حدود اليمن=ومن الخبر شرق حتى ساحل الليث غرب
                      هذا هو الشعب يحسب جيّتك بالزمن=ويبادلك فرحه بفرحه وحبٍِّ بحب
                      سلامتك ماتقدّر سيّدي بالثمن=يافارسٍ تعشقك دولة ويهواك شعب
                      من شاف بسمة شفاتك مايشوف الحزن=بشاشة الوجه تكفي عن طعامٍ وشرب
                      مدّت يمينك تشابه ساريات المزن=ولمساتك الحانية رحمة وبلْسم وطب
                      كأنّك البحر جودٍ ماتقفاه من=وكأنّك النود ساعة بالبشاير تهب[/poem]

                      تعليق

                      • أسير القوافي
                        سعد السميري
                        • Nov 2009
                        • 590

                        #71
                        تم النشر في الأصل بواسطة هلال العتيبي عرض المشاركة
                        الورقة 26
                        [poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                        يامرحبا في بلادك وانت قلبك وطن=قلبك وطن يسكنه عشرين مليون قلب
                        من حد الاردن شمال اليا حدود اليمن=ومن الخبر شرق حتى ساحل الليث غرب
                        هذا هو الشعب يحسب جيّتك بالزمن=ويبادلك فرحه بفرحه وحبٍِّ بحب
                        سلامتك ماتقدّر سيّدي بالثمن=يافارسٍ تعشقك دولة ويهواك شعب
                        من شاف بسمة شفاتك مايشوف الحزن=بشاشة الوجه تكفي عن طعامٍ وشرب
                        مدّت يمينك تشابه ساريات المزن=ولمساتك الحانية رحمة وبلْسم وطب
                        كأنّك البحر جودٍ ماتقفاه من=وكأنّك النود ساعة بالبشاير تهب[/poem]

                        [align=center]

                        صح لسااااااااااااانك حتى ترضى ..



                        لاهنت أخوي .. هلال العتيبي




                        وأهنئك وأهنئ الشعب السعودي في سمو سمو سيدي الأمير سلطان بن عبدالعزيز في عودته لأرض الوطن سالما معافا ..



                        ننتظر ماتروق له نفسك
                        [/align]

                        تعليق

                        • هلال العتيبي
                          شــــاعر نظــم
                          • Aug 2006
                          • 541

                          #72
                          تم النشر في الأصل بواسطة أسير القوافي عرض المشاركة
                          [align=center]

                          صح لسااااااااااااانك حتى ترضى ..



                          لاهنت أخوي .. هلال العتيبي




                          وأهنئك وأهنئ الشعب السعودي في سمو سمو سيدي الأمير سلطان بن عبدالعزيز في عودته لأرض الوطن سالما معافا ..



                          ننتظر ماتروق له نفسك
                          [/align]
                          أسير القوافي
                          صح قلبك ياأمير
                          مرورك فخر طال عمرك

                          تعليق

                          • هلال العتيبي
                            شــــاعر نظــم
                            • Aug 2006
                            • 541

                            #73
                            الورقة 27
                            في حفل تقاعد ثلاثة من الزملاء
                            هذا الأسبوع حثيتهم على الزواج
                            ولكن لاحياة لمن تنادي هههههههه


                            [poem=font="simplified arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                            سلام الله والهاجس على بنّه طغى هيله=بدع زين البيوت وحافها واحسن قوافيها
                            يصب الكيف الاشقر من دلاله في فناجيله=يسوقه في يدين رجال تاخذها وتعطيها
                            سعد واقبال وابراهيم محور حفلنا الليله=لهم منّا الوفاء والطيب والازهار نهديها
                            تحيه صادقة يامنبع النور ومشاعيله=شموع(ن)تحترق لجل الدروب ومن مشى فيها
                            أكيد انتم مقابيس الدجى وانتم قناديله=معين(ن)مانضب يطوي بلاد الله ويسقيها
                            لكم درع الوفا والكل منكم مابخس كيله=يدير الشور والصعبه يعقّلها ويثنيها
                            أثرْكم//في رياض المعرفه فاحت مداهيله=وجيش العاديات النقع ثاير من مواطيها
                            وخط اقلامكم ميدان تصهل فالوغى خيله=نواياكم خيول الخير معقود بنواصيها
                            وفيتوا في عطاكم كل فارس حسب تحصيله=وشيّدّتوا حصون العلم وارسيتوا مبانيها
                            وانا اقول المعلم واجب(ن)مدحه وتبجيله=سواة الغيث يسقي جرهد البيداء ويحييها
                            ونبى نخرج عن الموضوع ونغيّر تفاصيله=هروج(ن)مانبى النايد من العربان يوحيها
                            يقولون التقاعد زين للي ماسكن حيله=يدوّر له برنسيسه تدفّيه ويدفّيها
                            اليا شفت الحبيب الاوّلي جفّت مناهيله=وقام يسفّط الافراح بالدّور ويطوّيها
                            تمتّع بالسياسه والدها والمكر والحيلهولاتقضي حياتك خرص(ن)معلّق ف اذانيها
                            علاك بقوم(تؤبرني) أو(اتْنيّل قتك نيله)=وهات الدّرّه اللي ماتخجّل وجه شاريها
                            تسوّي في حنايا الصدر تدويره وتحويله=تلمّع حلمك المهجور وايّامك تحليها
                            ومن ضاعت علومه ينتخي بأمّه وتدعيله=عسى ربه ييسرله اليا كثرت دعاويها
                            أمّا مسيار وإلاّ كهلته تعطف وتاويله=يتنّح عندها تقعد تفليه ويفلّيها
                            ومن فاته قطار العرس يالاصحاب عزّيله=يقرّط في عجوزه ويتجوّد في علابيها
                            يعذّر في جميع احلامه ويقْصب معاميله=وريعان الفشيله والنقد لاعاد يبديها
                            وانا خابر سعد في صدره هروج(ن)لها طيله=مرار يقولها ومرار يجْحدها ويخفيها
                            وابراهيم ابْلش أهل جياد وكدي بتهاويله=يسرّح كارثة والثانيه حالا يضوّيها
                            واقبال مسوّي المحجاه ومجهز درابيله=يطير الصيد وهو يرفع البندق ويرخيها
                            وانا اقول استريحوا خلّوا العرس لرجاجيله=سواة (مسّفر)اللي لن نواى حاجه يسوّيها
                            ابن حمدان ابن حمدان من ياصل مواصيله=يقول الثالثه لن دبّر الرحمن ناويها
                            وصلاة الله عدد مالاح بارق وانحدر سيْله=على من بلّغ الدعوة وصاغ اجمل معانيها[/poem]

                            تعليق

                            • العتيبي أبا غيث
                              عضو ماسي
                              • Mar 2008
                              • 552

                              #74
                              [align=center]لأخ الغالي
                              الشاعر هلال العتيبي
                              صح الله لسانك ملايين ولا فض فوهك عزيز
                              قصائد جميلة أستمتعت في هذه المساحة العطرة
                              أخوك العتيبي أبا غيث كان هنا فتقبل مرورة وردة
                              لك مودتي الخالصة [/align]

                              تعليق

                              • هلال العتيبي
                                شــــاعر نظــم
                                • Aug 2006
                                • 541

                                #75
                                تم النشر في الأصل بواسطة العتيبي أبا غيث عرض المشاركة
                                [align=center]لأخ الغالي
                                الشاعر هلال العتيبي
                                صح الله لسانك ملايين ولا فض فوهك عزيز
                                قصائد جميلة أستمتعت في هذه المساحة العطرة
                                أخوك العتيبي أبا غيث كان هنا فتقبل مرورة وردة
                                لك مودتي الخالصة [/align]

                                اباغيث العتيبي
                                مرور من غيث طال عمرك
                                صح قلبك ياأمير

                                تعليق

                                العمل...