أوراق شــاعــــر

طي
X
 
  • التوقيت
  • إظهار
مسح الكل
المشاركات الجديدة
  • هلال العتيبي
    شــــاعر نظــم
    • Aug 2006
    • 541

    #196
    [align=center]لاحقيني بالنظـــر يانظـرة الطـــرف اللعوبـــه
    عيدي النظرة على ماقالــــوا النظرة سلامـــا
    مزنةٍ ذعذع بها الغربــــي وجابتهـــــا هبوبـــه
    حولها شوقي يحوم ولجلها شوفي تسامــــا
    اقبلت مثل الربيــــع انوار وازهــــار وعذوبـــة
    عطرها واحساسها وانفاسها ورد وخزامـــى
    كنهـــا بستـــان وردٍ ماحدن يعرف دروبـــــــه
    غير قطرات المطـــر لاحوّلت فوقـه تهامــــى
    اشهداني جزت من درب الغرام وقلت توبـــه
    لين شفت اللي جبينه ناهـــبٍ بدر التمامـــــا
    ادعجٍ كن العطر يصنع من انفاسـه لثوبـــــــه
    يستبيح قلوب خلانه ولا يخشــى الملامـــــا
    ان تبسّم ماتشوف الاّ الشفق لحظةغروبـه
    وان تكلّـــم ودّي اغرق في ينابيـــع الكلامــا
    النسيـــم اليا تعـــداه استدار وعـــاد صوبـــه
    يحضنه باحْساس ويضمّه بلهفـــة واهتمامـا
    الله يبيحــه على تعذيبـــي ويغفـــر ذنوبـــــه
    كثر ماتصدر عن حياضــه معاليقـــي حيامـــا
    ان تغلّى تنخلق في خاطري مليــون حوبــه
    وان تخلّى راحت ضلوعي من الفرقاحطامـا
    [/align]

    تعليق

    • هلال العتيبي
      شــــاعر نظــم
      • Aug 2006
      • 541

      #197
      [align=center]ياحاجب النـــور بخيـــوط الظــــلام
      في ليلك النـــور يصحـــى ويْغفــي
      تعبث بليلــــك وترمــــي بالسهـام
      عن عمـــد ناوي بجرحي تحتفــي
      وانا اخبر الصمت خير من الكـــلام
      واليوم ابحكي لنفسي واكتفــــي
      أمّا اهدني ليل واسهرلـــه م انـام
      اضيع في طـــول ليلـــك واختفـي
      ابحث عن نجومـــه وبدر التمــــام
      من نورها اكتب قصيدي واحرفــي
      والاّ اهدني نور صبحـــك والوئـــام
      لعلّــــــي اهنــــا بضيّــــه وادّفــــي
      والاّ اهدني حرب مابعـــده سـلام
      والاّ اهدنـــي قرب مابعــــده نفـي
      وان صـــد نوّك ولاح البرق شــــام
      لمّيت وفد العتـــب في معطفـــي
      اخآوي الصمت وازهــــد فالكـــلام
      واشكي عذابك لنفسي واكتفـي[/align]

      تعليق

      • هلال العتيبي
        شــــاعر نظــم
        • Aug 2006
        • 541

        #198
        [align=center]بســــم الله ويالله عليك اتكالــي
        اوّل كـــــلام ادونــــه فالتويتــــــر
        ماهمنــــي لو الحسود اتكالــي
        اقسمت م اخضع للقلق والتويتر
        [/align]

        تعليق

        • خليل هليل الشيباني
          شـــاعــر
          • Oct 2011
          • 609

          #199
          صح السانكــ ياهلال

          اوراق رائعه من شاعر رائع

          تعليق

          • قيس العازمي
            عضو ماسي
            • Oct 2011
            • 903

            #200
            صح لساك ياهلال



            وسجل اعجابي بالورقه الثالثه



            من غير قصور فالباقيات



            تحياتي

            تعليق

            • هلال العتيبي
              شــــاعر نظــم
              • Aug 2006
              • 541

              #201
              تم النشر في الأصل بواسطة خليل هليل الشيباني عرض المشاركة
              صح السانكــ ياهلال

              اوراق رائعه من شاعر رائع
              خليل هليل
              صح قلبك وانا اخوك
              مرور من نور لاعدمتك

              تعليق

              • هلال العتيبي
                شــــاعر نظــم
                • Aug 2006
                • 541

                #202
                تم النشر في الأصل بواسطة قيس العازمي عرض المشاركة
                صح لساك ياهلال



                وسجل اعجابي بالورقه الثالثه



                من غير قصور فالباقيات



                تحياتي

                صح قلبك ياقيس
                عطرت اوراقي وانا اخوك
                مودتـــــــــــــي طال عمرك

                تعليق

                • هلال العتيبي
                  شــــاعر نظــم
                  • Aug 2006
                  • 541

                  #203
                  [align=center]كلــــك نظـــر يامغـــرقِ قلبــــي اغـــراق
                  في بحــــر من شعـــر وفصاحة وتعبيــــر

                  ويــن انت ساريبي على درب الاشـواق
                  وانا تعبــــت مـــن السهـــر والمشاويــــر

                  تقطف وتمــلا من ثمـــر صدري اطبـــاق
                  يامهــدر اشواقـــي بــدون اي ّ تبريـــــــر

                  خل الغلا يمسي علـــى صـــدر الاوراق
                  وانتــه وانا والحب نصبــح على خيــــــر

                  صحيــــح لك فالقلـــب طلّـــة ومشراق
                  شمسٍ تبدد ظلمـــــت الصــــدر وتنيـر

                  اخيــــل حرفــــك كنــــي اخيــــل بـراق
                  مـــع كل نوضـــة بارق افــــز واطيـــــــر

                  لو طالت الرحلةحشى ماثْني الساق
                  ينصـــــاك شوقـــــي والنوايـــا مغاتيــر

                  لكنّي اخشى من عبث جرح الاعماق
                  نهـــــار تغزينــــي جيوشــــه مغاويـــــر
                  [/align]

                  تعليق

                  • هلال العتيبي
                    شــــاعر نظــم
                    • Aug 2006
                    • 541

                    #204
                    [poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                    الوقت يجمع ويفْرق والسواير تسير=والحبّة العايرة ماهي لماعونها
                    وانا على سجّة الهاجوس مالي خشير=اكتب بيوتي واقنّدها بمضونها
                    ياطير وش قيمة الجنحان لو ماتطير=اليا الديار امحلت واليا انكفا لونها
                    لاتنتظر تزهر الواحة ويصحى ضمير=الغيمة اللي بكور الغيث فردونها
                    العيد بيّن ونعرف ليلته من عصير=واهل الفراسة مع الخبرة يعرْفونها
                    والكذب مهما زمانه طال حبله قصير=الجمة الراهية تلقاه من دونها
                    عاد انت ياللي على نبضات قلبي تغير=حصّنت نبضات قلبي عنك فحْصونها
                    شكـرا علـى الجـرح !!ماقصَـرت خيـرك كثيـر=اثـرالـجــمــايــل كــــــــذا الـــعـــالـــم يـــردونـــهـــا؟؟
                    اسواتـك اسواةالاعـمـى الـلـي يـقـود البصـيـر=قــصــتـــك يـاصـعـبــهــا عـــنــــدي ويــاهــونــهــا
                    ليه الوفاء عند بعض الناس قطعة حصير؟=حسب الطلب تفرش وفي سـاع يطوونهـا!!
                    مــانـــي مـجــازيــك وابــذكـــرك دايــــــم بــخــيــر=مـثـلــي يـحـافــظ عــلــى الاســــرار ويـصـونـهـا
                    كنـت احسبـك بحـر مالـه قـاع واثـرك غـديـر=خـيّــبــت هــقـــوات روحـــــي فــيـــك وظـنـونـهــا
                    ودّعــــــت ســمــومــك الــمــشــؤم والـزمـهــريــر=لعل بقـعـا تـحـوش احــلامـــك بـشـونـهــا[/poem]

                    تعليق

                    • فهد الدقيس
                      عضو نشيط
                      • Aug 2011
                      • 68

                      #205
                      يا لطيف .. اهنيك على هذا السبك وهذا السرب اللغوي الرائع

                      كم تمنيت انها تطول وتطول ..

                      دمت ودامت أوراقك يا نبع .. وصح السانك ..

                      اخوك : فهد الدقيس "

                      تعليق

                      • هلال العتيبي
                        شــــاعر نظــم
                        • Aug 2006
                        • 541

                        #206
                        تم النشر في الأصل بواسطة فهد الدقيس عرض المشاركة
                        يا لطيف .. اهنيك على هذا السبك وهذا السرب اللغوي الرائع

                        كم تمنيت انها تطول وتطول ..

                        دمت ودامت أوراقك يا نبع .. وصح السانك ..

                        اخوك : فهد الدقيس "
                        اخوي فهد الدقيس
                        صح قلبك ونبضك ياأمير
                        مرورك فخر لاعدمتك

                        تعليق

                        • هلال العتيبي
                          شــــاعر نظــم
                          • Aug 2006
                          • 541

                          #207
                          [align=center]تو اشرقـــت يازيـــد شمس الحقيقــة
                          ماعـــــاد باقـــي شي يمكـــن تخفّيه
                          سيل الغرور اللي جمح مـــع مضيقـه
                          جــــرّح ثرى واشجـــار واحجـــار واديــه
                          واللــــــي لسانــــه عـن مراده يعيقــه
                          فاته قطــــار الشوق ماعــــاد يمديــــه
                          اقــــــول يابخـــــت الطيــــور الطليقـــة
                          عكــــف المخالــب كل مزبــان تبديـــه
                          وانا بشــــر مانــي حسيب الخليقــــة
                          كــــلٍّ علـــى كيفــــه ورايـــــه يقديـــه
                          قلبـــي وطـــن واقفـــال صدري وثيقـة
                          ماكــــل ماينقــــــال اجيبــــه ووديـــــه
                          شاعــر واحب الـــورد واعشق رحيقه
                          واكتب عبــارات الغـــزل والشعــر فيــه
                          ايضا واحـب الصعب وامشي طريقـــه
                          من خلقتي يغريني الصعــب واغريــه
                          الاّ الســراب اخشاه واخشـى بريقــه
                          واكــــره صحــاريـــه ودروبـــه وطاريــــه
                          مانـي وهــم خل الوهــم في حريقــة
                          انا الهـــلال اللي تشـــوّق مساريـــه
                          وين انت يوم ازهــــار قلبـــي حديقـة
                          ضيعتهــــا بالبعــــد والصـــد والتيــــــه
                          وانكان في صدرك من الصمت ضيقـة
                          مغليك فـــي صدره عتــاب ومشاريــه
                          صـــارت تقاذفنــــا البحــــور العميقـــة
                          كلٍّ يجـــدّف ما عـــرف وين وشاطيــه
                          ويبـــات طفـــل الحلـــم مابــل ريقـــه
                          ماكل غيمــــة ساقهـــا الحـــظ ترويـــه[/align]

                          تعليق

                          • خليل هليل الشيباني
                            شـــاعــر
                            • Oct 2011
                            • 609

                            #208
                            الله الله الله

                            صح السانكــ ياهلال

                            وبيض الله وجهك يامبدع

                            تعليق

                            • هلال العتيبي
                              شــــاعر نظــم
                              • Aug 2006
                              • 541

                              #209
                              تم النشر في الأصل بواسطة خليل هليل الشيباني عرض المشاركة
                              الله الله الله

                              صح السانكــ ياهلال

                              وبيض الله وجهك يامبدع
                              ووجهك ابيض ياخليل
                              صح قلبك ياأمير
                              مودتـــــــــــي

                              تعليق

                              • هلال العتيبي
                                شــــاعر نظــم
                                • Aug 2006
                                • 541

                                #210
                                [poem= font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                                يانسمة الشرق هبّي خاطري ضايق=احساسي الليلــــة الوانـــه رماديّـــة
                                يحيي هشيم الغــــلا ذعذاعك الرايق=اليـــــالفيتيني بنسمـــــات ورديّـــــة
                                هواك لو جار في عين الرضى لايـــق=والسخط ماله بمــوق العين امآريّـــة
                                لاتجعليـــن المسافـــة بيننـا عايــــق=وبلا سبب تقتلين احلامنــا الحيّــــة
                                عسى مزون السحــاب تهــل وتوايـق=علـى ربوعٍ لهــــا حوليــن مسنيّــــة
                                يصبــح ثراهـــــا بنوّيـــر الحيــا فايـــق=وتصيـــــر ريضـــان وازهـــارٍ رمنسيّــة
                                ويصد غدر الزمـــان بوجهـه البايـــــق=ونلبس ثيــــاب الفرح لو كـــان عاريّـــة[/poem]

                                تعليق

                                العمل...