أوراق شــاعــــر

طي
X
 
  • التوقيت
  • إظهار
مسح الكل
المشاركات الجديدة
  • هلال العتيبي
    شــــاعر نظــم
    • Aug 2006
    • 541

    #226
    [align=center]منّي على خير العباد ازكى السلام
    ...............صلوا عليه وسلموا يالسامعين
    هيَا نعطَر يومنا باحْلى الكلام
    .............. اليوم جمعة عيد كل المسلمين[/align]

    تعليق

    • هلال العتيبي
      شــــاعر نظــم
      • Aug 2006
      • 541

      #227
      [align=center]تفداك نفسي يارسول الهداية
      .............. يفداك ابي وامي وكل المخاليق
      ويفداك من يرفع للاسلام راية
      ............... متسلّح بعلــم وهداية وتوفيق
      [/align]

      تعليق

      • هلال العتيبي
        شــــاعر نظــم
        • Aug 2006
        • 541

        #228
        ( عيد الوطن)
        عيدالوطن ماهوب فوضى وتعطيل
        خلق الله ولاهوب رقص وسماجة
        بعض السوايا ماتجي للرجاجيل
        عواجة ياكبرها من عواجة
        كم حاجة فالحال تحتاج توصيل
        وعطلوها اهل الكدش والسذاجة
        تجمهر وفوضة ورجة وتطبيل
        واشباح ترقص رقص خزي وغناجة
        اللي كما هذا عساه الغرابيل
        في ذمتي ماللوطن فيه حاجة
        اجدادنا كانوا هل الهجن والخيل
        ماورثونا المرقعة والهماجة
        اهل القناواهل السيوف المصاقيل
        ماساروا دروب الخنا والدواجة
        شوفوا حضارات البشر يالمهابيل
        اليعربي والفارسي والخواجة
        طموحنا وطموحهم والمحاصيل
        وافعالنا وافعالهم فالمواجه
        تعدوا المريخ والجدي وسهيل
        واخطر مرض شقيواولقيوا علاجه
        اخذوازلال العلم من راهي السيل
        والضايعين اخذوا غثاه وهماجه
        ليت الرعيل الاول يويق ويخيل
        اسواة ابن حيان والاابن ماجه
        والا ابن سينا وابن رشد المشاكيل
        شادوا فنار العلم واعلو دراجه
        وحنا على الالحان ياليل ياليل
        والكل منا ضايع في عجاجه
        هذا وطنا تاج عز(ن) كما قيل
        بري(ن)من اهل الصخب واللجاحة
        ياشين حظ اللي يهينه وياويل
        خبل(ن) يعكر فرحته وابتهاجه

        تعليق

        • هلال العتيبي
          شــــاعر نظــم
          • Aug 2006
          • 541

          #229
          [align=center]





          يادانة الساحـــــل الشرقي متى الله يريـــد
          يجيك غواصك المغــــروم والاتجيــــــن

          بحّار ومغامـــر وشاعر وعشّــاق صيـد
          يشقى ورا الصعب والدر النفيس الثمين

          يلاحق المستحيـــــل بكل فـــــجٍ بعيـــد
          ويضمّنه ذكريات مع حصـــــاد السنين

          ياخذ قراره بلا رجعــــة وراسه عنيـــد
          يمكن بلين الصخـــر لكن هو مايليــــن

          واليا نشدته وش انت من التعب مستفيد؟
          قال الشقا لو سدى في حشمة الزين زين

          ويقول انا مابذرت الود لجل الحصيد
          لا على شان تكبـــر شجرته فالوتين

          ويقول بعض البشر للروح جنّة وعيد
          طاريه عودة وفل ونرجس وياسمين

          هذا الغلا العف يبقى فالضمايررصيد
          ماعكرته الظنون وسطوة الحاسديـن

          مجرّد احساس طاغي يدّرج فالوريد
          يسير سير الدما ويشق صدر الحنين

          ان زار طيفك عيوني نبض قلبي يزيد
          تكرم عيونك وتكرم لجلهـــا كل عين

          غلاك بين الحنايــــا سرمدي مايبيــــد
          تذبل نجوم الليــــال ونور نجمك يـبين

          فيك اختصرت الفرح والحب يااعزّ سيد
          وعن غير حبك ف انا من جملة التايبين

          انت اجمل اوراق عمري وانت بيت القصيد
          وانت الضنين الذي م ارضى بدالـــه ضنين

          اليـــا تخيلـــت وجهـــك طــــل فجــر جديـــد
          لو ترحل الشمس م اسأل راحت الشمس وين[/align]

          تعليق

          • هلال العتيبي
            شــــاعر نظــم
            • Aug 2006
            • 541

            #230
            [poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
            يقول اللي وهب قلبه لنهابه=عساه فداه من بد المخاليقي
            نهب قلبي وعلقني على بابه=وانامتغاضي وراضي بتعليقي
            قضيت اجمل سنين العمر طلابه=على كور النجيبة ناشفِ ريقي
            تسافرله وفود الشوق ورْكابه=وتنكف تحمل اطيافه مشاريقي
            اسواة اللول والمرجان ماعابه=رداة السوق وهروج المطافيقي
            وكاد ان المسا يبدا من اهدابه=واكيد ان الضيا من خده يفيقي
            لفى المرسال يسلم راس كتابه=حروفه حافز لحومي وتحليقي
            مزخرفلي حروف النور فكتابه=وانا ارسم نبض قلبي في طواريقي
            يقول الشعر يزهى بك وتزهابه=وانا اقول انت تزهابك معاليقي
            اليا ذعذع هواك وفاحت اطيابه=تبخّر كل همّي وانجلى ضيقي
            اطيّرلك حمام الود واسرابه=من اغصانٍ على معلوقي تويقي
            حروفك فاس وهموم الزمن غابة=وبوحك موسم اعيادي وتشويقي
            نهار ان الفرح يهديك جلبابه=اقول اشرق نجم سعدي وتوفيقي
            غلاك بوسط صدري ثبّت اطنابه=على وضح النقا مافيه تبريقي
            يليق الك الغلا ياجنّة احبابه=وفيّ العهد صداق المواثيقي[/poem]

            تعليق

            • هلال العتيبي
              شــــاعر نظــم
              • Aug 2006
              • 541

              #231
              [align=center]عــــــــام مــــضـــــى واقــــفـــــى ومـــــــــرت لــيــالــيـــه
              فــــــي كــــــل قـــلـــبٍ حــــــط بــصــمــــــة وتـــذكـــــــار
              الله يـــاكــــثــــر الـــعــــبــــر والـــقــــصــــص فــــــيــــــه
              لـــــو اقــــدر احصـــــي وشحصـــل فيــــه وشصــــــــــار
              احـــــــــداث هـــــــذا الـــــعـــــام والـــــلــي مـــوالـــيــــه
              فـيــهــــا عــبــــر لاهـــــــل الـبـصـيايـــــر والابــصــــار
              نـــــهـــــايـــــة الـــــقـــــذافـــي وحـــــســـــنــي الـبيـــــه
              وابـــن عــلــــــي والـعـنـــــف فــــي كــــل الاقــطــــــار
              واقـفــــى عـلــي صـالـــــح عــســــــى الله يـجـازيـــــــه
              بــعــــــد طــغـــــى وافــســد وشــعــب الـيـمــــن ثــــار
              وبــــشــــار جــــــــاه الــدور والــعـــلــــم نــاصـــيـــه
              يـــــــارب لايــبــطـــــي عــــلــــى الارض بــــشــــار
              عـــــام رحــــــل وادبـــــــر بـــــمـــرّه وحــــالــــيــه
              فــيـــه اسـطــعــنّ شــمـــوس ونــجــــــوم واقـــمـــار
              احــــــدن الــــيــا طــــرّوه بــالــخــيـــر يـــطـــريـــه
              واحـــدن يـــنـــوح ويـــــــذرف الـــدمــــع مـــــدرار
              كــــــم غـــالــي يــبــكـــي عـــلـى فـــقــــد غــالـــيه
              وآخـــــر قـــضـــى عـــامـــه مـــلـــذات واســـفـــار
              احــــــدن كــنـوز الـــــرزق والــخـــيـــر تــآتـــيـــه
              لـــوكــــان مـايــمــشــي لـــهــا خــمــســـة امــــتـار
              واحــــدن يــبــــى الــطــالات والــوقـــت حــاديـــه
              يــصــبــح ويــمــســي فـالـتـعــاســة والاعـــســــار
              والــعــمــر يـــجـري لـــيــــن يـوصل مــراســيـــه
              كــــــن الحيـــــــــــــــاة شـــراع والعمـــلر بحـــار
              يـــفــــخــر بــــــوقــت ضــاع فاللهووالــــتــــيـــه
              مـــــايـــــدري ان الـــــوقــت صـــارم وبـــــتـــار
              مــــن ســــــــــوّف يـــــغــره زمــانـه ويـــــرديـه
              الــجــهـــل والـتــســويــف تــــغـدي بــالاعـــمـار
              ويـابـخـت مـــن يـمـشــي عــلــى نــهــج وآلــيــه
              ولامــــشـى فــــي ســــكة الــــخــزي والــــعــار
              مــمــدوح بــــــيــن اولاد عـــمّــه وعــــانــــيــه
              مــــابـــــاق ولا دوّر لــ غــــــرّة الـــــجــــــــار
              يالله تـغــفــــر ذنـــــب عـــبـــدك وتـهــــديـــــه
              عــــافـه وجــنّـــبـه الــمــصايــب والاخــــطـار
              ثــــــم اجـــعـــل الــفـــردوس داره وواديــــــه
              مـــع الــنــي واصــحــابـه الـــغـــر الاخـــيــــار
              واكـتـب جـــنــــان الــخلـــد لامّـه ول ابـــيــــه
              نـــهــار كــــلٍّ لـــه مــــــقـــــــرّ ولــــــــه دار
              انـــــســان لـلــفــردوس سـعــيــــه يـــودّيـــــه
              وانـــــسـان تـغـــديــبــــه خــــطــايــاه للنــــار[/align]

              تعليق

              • هلال العتيبي
                شــــاعر نظــم
                • Aug 2006
                • 541

                #232
                [align=center]الصبـــح بلســــــم والمســــــا سلــة اوجــــــاع
                والحــــلم يذبـــــــــــل والولـــه يحتوينــــــــــي
                لـولا المـــــزون اللي لهــــاالنبــــض مطــلاع
                ظمــــــــا السنيــــــــن المستبــــــده روينــــــي
                اجتاز هقـــــوات البشــــــر حـــد الاقنـــــــاع
                ثـــــــم اتعثـــــــــــر بيــــن نفســــي وبينـــــي
                بينـــــي وبيــــن اوراقــي اخــــــلاف ونــزاع
                وبينـــي وبيـــن الحــــرف عشـــق وحنينــــي
                وبينــــي وبيـــن احلامــــي ذيـــابٍ جيــــــاع
                وبحــــرعلــــى صــــــدر الجفــــا يحترينـــــي
                اجـــدّف بشريانـــــي وقلــــــــــــبي اشــــراع
                وانخــــى العواصــــف ياهبــــوب اغرقينــــي
                واحــدى خفــــوق يحــتــــدم بيـن الاضـــــلاع
                كــــم يــوم تستفـــزع ضلــوعـــي يدينـــــــــي
                واضيع واقـــوم انشــد النـــاس مـــن ضـــــاع
                واحيـــــان ادل الـــدرب واقـــــــــول وينــــــي
                نظـرات عينـي للسـمـا مـــا اعـشــــق الـقــــاع
                مـــن خلـقـتـي مـاتـعـشـــــق الــقــــاع عـيـنــي
                [/align]

                تعليق

                • هلال العتيبي
                  شــــاعر نظــم
                  • Aug 2006
                  • 541

                  #233
                  الله من نو مزونه مراديف
                  ...............برقه بنوض وراعديه يدنا
                  على ديار عندي احلى من جنيف
                  ..............ازهارها من كل لون وفنا
                  فوق السراة وعاليات المشاريف
                  ...............دار قبل تبنى فخرها تبنا
                  اديار قوم ماتعود مناكيف
                  .......... اليا دعى الداعي لخدمةوطنا
                  الطايف رجاله من جباله ونيف
                  ..........نحمي الذمار ويامن اللي زبنا
                  تاريخنا ساطع كما لمعة السيف
                  ............فرسان مانخلف للاجيال ظنا
                  بدو وحضر مثل السيوف المراهيف
                  .............في صفحة التاريخ كنا وكنا
                  ف حلالنا مانلتفت للتكاليف
                  ..........اهل السمينة واهل هيل وبنا
                  واليوم يطريلي هروج وتواصيف
                  ..........وافكارمن هيض المشاعر تعنا
                  ياهاجسي واليا بدعت المحاريف
                  .......... للي على درب المراجل تعنا
                  قله ترى بعض السوايا تصانيف
                  ............ولا هي بجايتلك على ماتمنا
                  المرجله ماهي مجرد سواليف
                  ...............ولاقصايد فالمجالس تغنا
                  المرجله راي سديد ومواقيف
                  .............. يشقا لها الرجال منا ومنا
                  حق الخوي ومقابل الجار والضيف
                  ..............عوايد يفخر بها الرجل منا
                  وطيب النبا تبراه دلة من الكيف
                  ............. اخير من زاد وصحون تدنا
                  في دار خبل مايعرف المعاريف
                  ............. روابعه فيها الكبر مستكنا
                  اليا هرج توافد الخزي والزيف
                  ............ومالت غصونه بالخوارم تثنا
                  واليا نخيته مثل شمس التراهيف
                  ..............عن العلوم الغانمات يتونا

                  تعليق

                  • هلال العتيبي
                    شــــاعر نظــم
                    • Aug 2006
                    • 541

                    #234
                    سلام تسليم(ن) انقا من نسيم الهدا
                    لاصحابنا واجب(ن) نبدابه ونبتديه
                    لي مطلب(ن) عندكم يااهل الكرم والندى
                    يامنهل الجود والمعروف بيض الوجيه
                    صلواعلى المصطفى المبعوث نوروهدى
                    اليوم جمعة صلاة الخلق تعرض عليه

                    تعليق

                    • هلال العتيبي
                      شــــاعر نظــم
                      • Aug 2006
                      • 541

                      #235
                      ماضاع حلمي على ممشاك لو ضاعي!
                      لعيونك اتعب بنات الريح واعسفها!
                      ويميل قلبي معك لن هب ذعذاعي!
                      لو ملت با انعم غصون الورد واترفها
                      تدري وش اعلى مراتب سلم اطماعي؟
                      القاك واصافح اللحظات واقطفها!
                      ماهيب قصة صراع الذيب والراعي
                      او حاجة جاهزة للخطف واخطفها
                      طاريك واحة زهرتستنهض ابداعي
                      لبيه ياجنة احساسي وزخرفها !!
                      حتى القصايد بدونك مالها داعي
                      مشاعري في غيابك مااعرف اصرفها
                      دنياك حلمي ومصيافي ومرباعي
                      وارض(ن) بكر يعجز التعبير يوصفها
                      احلم بشوفك وانا نايم وانا واعي!
                      واسكب طيوفك وموق العين يرشفها
                      ون ضفت سطرن جديدلصفحة اوجاعي
                      اوجاع الايام تعرفني وانا اعرفها
                      واليا ارتقيت وسمو النبض مطلاعي
                      عن طرقتي دفة الاشواق مااحرفها
                      مادام بحر الغلا ماضاق بشراعي
                      عادي لو احلامي التيار يجرفها !!

                      تعليق

                      • هلال العتيبي
                        شــــاعر نظــم
                        • Aug 2006
                        • 541

                        #236
                        المناجيم
                        سلام تسليمة عدد مبدا النجوم الساريات
                        اللي على وجه السما الرحمن راسمهارسم
                        لربوعنا اللي طالوا ونالوا جميع المكرمات
                        حتى نجوم الليل بامر الله وسمناها وسم
                        بين المناجيم ونجوم الليل اواصر راسخات
                        ان ما منحناها سمو الذات نهديها الاسم
                        اولاد ناجم من ثبيت اهل الفعول الطايلات
                        في حرب والاسلم والا طيب اخذنا اوفر قسم
                        احلالنا بنيت على صم الجبال الراسيات
                        لضيوفها الترحيب قبل العود الازرق والدسم
                        منا المشايخ والعوارف والرياجيل الثقات
                        واهل القنا والسيف يوم الشدة وضيق النسم
                        من صفوة الهيلا كريمين السجايا والصفات
                        ربعي حسام ابن الوليد ان ثارت الهيجا حسم
                        لطامة العايل عتيبة فالعصور الماضيات
                        اللي سقاهم كاس مر يجرعونه كاس سم
                        واليوم في عهدالحضارة والعلوم النافعات
                        في دولة آل سعود عم النور وانزاح العسم
                        جنود في جيش الوطن للدين والدولة حمات
                        اليا دعانا خادم البيتين قلنا ابشر وسم
                        حب الوطن والدين ثابت نطلب الله الثبات
                        وايضاعلى حبك ياابومتعب تقاسمنا قسم
                        مالك شبيه الا المزون الغاديات الرايحات
                        اللي تبشر بالحيا والخير فبكور الوسم
                        انت الرياح المرسلة بالغيث ياجزل الهبات
                        الشعب جسم ودم وانت النبض فعروق الجسم
                        سخاك فاق النيل والعاصي ودجلة والفرات
                        واليا ابتسمت الشعب حظه طاب والسعد ابتسم
                        والفضل لله ثم للي لمنا بعد الشتات
                        صقر الجزير جمع الاضداد يوم الله قسم
                        نهض جناح النصر والتمكين في كل الجهات
                        حتى بناها صرح لو حوله زلازل ماانقسم

                        تعليق

                        • حفيد المسنحاني
                          عضو ماسي
                          • May 2010
                          • 473

                          #237
                          صح الله لسانك كلماتك جميله ومعانيها ثمينه

                          تعليق

                          • هلال العتيبي
                            شــــاعر نظــم
                            • Aug 2006
                            • 541

                            #238
                            تم النشر في الأصل بواسطة حفيد المسنحاني عرض المشاركة
                            صح الله لسانك كلماتك جميله ومعانيها ثمينه

                            حفيد المسنحاني
                            صح كلك نورت اوراقي طال عمرك

                            تعليق

                            • هلال العتيبي
                              شــــاعر نظــم
                              • Aug 2006
                              • 541

                              #239
                              [align=center]تبختري والعبي حبل الرسن في يدي
                              يامهرةالشوق دوك الصدر مضمارخيل
                              اي والله احلى صباح بطلـتك يبتـــــدي
                              ركض وفروسيـه وكــّر وفـــّر وصهيـــل
                              ابعسفك في ميادين الغـــلا السرمدي
                              وانثرجموحك على شاطي بحورالخليل
                              لو قايضوني على بيعك بنجم الجــدي
                              لله ماابيعك ولا ارضى غيرخيلي بديـل[/align]

                              تعليق

                              • هلال العتيبي
                                شــــاعر نظــم
                                • Aug 2006
                                • 541

                                #240
                                [align=center]ناح الحمـــام وعــــــوج الاضــــلاع روشان
                                نوحه لعب في كــــل معلــــوق وادمــاه
                                وده يذكّـــر قلبـــي بماضــي انســـــــان
                                انســــان تغليــــه المشاعــر وتهــــــــواه
                                ورديـت للطيــــــر المغــــــرد بالالحــــــان
                                تسمّعوا في نبض قافـــي ومعنــــــــــاه
                                ياطيـر سلملــــــي على عالـــي الشان
                                وقلّـــه هـذ الهـــرج المــــدوّن وفحـــواه
                                عنوانك مسجـّـل علـــــــى كــل شريـان
                                عانه على مسراح دمــــــي ومضـــــواه
                                ماتــــــــدري انــــك للاحاسيـس ربـــان!؟
                                اليا عصف بحـر الهوى واصطفـق مــــاه
                                قلبك وطن فارق على كـل الاوطــــــان
                                وانته زمــــــــن يحرم على الروح تنساه
                                [/align]

                                تعليق

                                العمل...