تركي 2000 وسوار الذهب : اسمعوا واحكموا

[الثاقب]

شمروخ الله يهديه يبانا نجامله على حساب الحقيقة وهذا اللي زعله

[ابو ســاره]

انا اتحدى اذا المعنى على فيصل الرياحي

وش يقصد عبدالله بهالبيت

وش حصل وش ماحصل قبل ينبت لك شنب ..... الــدروب تزلـهـا والكـبـود تعلـهـا

[شمروخ ابن عايد]

المشاركة الأصلية كتبت بواسطة ابو ســاره

انا اتحدى اذا المعنى على فيصل الرياحي

وش يقصد عبدالله بهالبيت

وش حصل وش ماحصل قبل ينبت لك شنب ..... الــدروب تزلـهـا والكـبـود تعلـهـا

تابع الحفلة كلها يابو سارة , وأنت تفهم المقصود .

[لافيزي]

مشكووووووووووووووووووووووووووووووووور

[المرقاااب]

لاهنت يااشمرووخ
تحليل واافي
الله يقويك وترجع بالسلامه
شكرا صاحب الموضوع

[ابو فايح]

الأخ شمروخ حسب علمي

سوار الذهب وفيصل الرياحي الله يرحمه

إجتمعوا في حفله فالرياض عام 1427 او 1428

ولكن لم يلعبوا مع بعض وكان الوضع شبه عادي بينهم .

التوقيع

عالم تويتر abofayeh@

[شمروخ ابن عايد]

المشاركة الأصلية كتبت بواسطة ابو فايح

الأخ شمروخ حسب علمي

سوار الذهب وفيصل الرياحي الله يرحمه

إجتمعوا في حفله فالرياض عام 1427 او 1428

ولكن لم يلعبوا مع بعض وكان الوضع شبه عادي بينهم .

طيّب يابو فايح مالعبوا في الحفله اللي أنت قلتها !!!




يعني أن المحاورة التي في حفلة ( ليالي العرب 1424 ) ومنها هذا الطاروق في الموضوع كانت آخر محاورة يلعبها سوار الذهب والرياحي سوياً , وهذا شئ متأكد منه 100% .

[ابو ســاره]

يارجال ماطلع تركي 2000 الا الرياحي

وهذا كلام تركي 2000



عبدالله الميزاني والرياحي مابينهم شئ وما ادري كيف يالمطران حللتوا المحاوره وحطيت المعنى الرياحي وحطيتوا صورته مانقول الا الله يرحمه بس


فسرلي هالبيت :


المهم العب مع الروس مالعـب مـع ذنـب *** واصـل الطـره مـع لقـوم ولا خلـهـا
وش حصل وش ماحصل قبل ينبت لك شنب ** الــدروب تزلـهـا والكـبـود تعلـهـا



ان كنت تقول البيت الاول للرياحي اجل البيت الثاني لـــ لتركي 2000 بيت صريح ويخاطب تركي



عطنا تحليلك ولا تقولي اسمع المحاوره كلها

[شمروخ ابن عايد]

يابو سارة ومن يسال نفس سؤاله .











أنتم تعرفون النقض والفتل أو لا , ماني مستعد أعطيك دروس تخصصية من جديد , هناك موضوع مشهور يتحدث بتفصيل رائع عن هذه الأمور .






تركي وش قال :

بعد طالت غيبتك قوم ياسوارالذهب = قوم ياسوار الذهب والدروب ندلها


تكلم به كأنه يهرجك هرج عادي , يقول ( ياسوار الذهب بعد غيبتك الطويلة قم العب معي ) قال تركي هذا بعد ان رفض الرياحي اللعب مع سوار الذهب .



هذا أسمه طلب , يرد عليه سوار الذهب بقوله :

المهم العب مع الروس مالعب مع ذنب = واصل الطرقه مع القوم والا خلها

سوار الذهب يغمز في الرياحي الذي رفض اللعب معه في الطاروق السابق , لأنه ذنب للمسؤلين بسبب رفضه للعب في المحاورة السابقة لإن معناها كذلك , ثم يقول سوار الذهب ياتركي أنك اذا رغبت باللعب ومواصلة اللقاءات مع الرياحي فإن ذلك من حقك ولايهمني , ولفظة ( قوم ) لها دلالة قوية من سوار الذهب , وملابسات الخلاف السابق الذي تم فيه الإصلاح بين الشاعرين بسبب حفلة في الصمان وكان تركي من ضمن من سعى لإصلاحهم , وتلاقوا عدة لقاءات لم يكونوا يرتاحوا فيها لبعض , وكان الرياحي يريد العذر للتقاطع مرة أخرى .


هذا رد ونقضه .
























ثم يقول تركي كأنه يضع اللوم على سوار الذهب وأنه يوتر علاقاته مع الشعراء بضغطه عليهم وعدم مجاملته لهم , وهذا شئ لاينفعه فقال تركي واضعاً اللوم على سوار الذهب بمثل هذه التصرفات , وانها ستؤثر على تواجده في الساحة , فالأمور تحتاج لمجاملة ودهن سير مع كل الشعراء حتى لايتضايقون من لقاء بعض , فقال تركي :

أنت ودك تشعل النار وتزيد اللهب = مار حذرا لاتضيع السوالف كلها







يرد سوار الذهب بإن الأخطاء الحقيقية هي في تصرفات تركي الصغير السن الذي يوجه رجال كبار واعين لما يفعلون , وان أخطاء تركي وهفواته كبيرة في معانيه وتصرفاته في اللعب وليس فقط في شعره .

فقال سوار الذهب ناقضاً وراداً على بيت تركي السابق :

وش حصل وش ماحصل قبل ينبت لك شنب = الــدروب تزلـهـا والكـبـود تعلـهـا

آخر تعديل شمروخ ابن عايد يوم 28-Feb-2010 في 09:21 PM.

[رائد الكيرعاني القحطاني]

شمروخ


(والله انك شوّهت سمعة الشاعر الكبير في عيون محبّيه)

ارجو ان تكون واعي لما تقوله

وتترك عنك العنصريّة المقيتة !!!!!!!!!!!!!!!!!!!!