 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
16-Dec-2006, 03:41 PM
|
رقم المشاركة : 41 | |||||
|
السلام عليكم ورحمة الله وبركاتة ... للرد والتوضيح بحدود الأدب والأحترام للأخ عقاب العنزي كتبت في ردك .. ((اول شي ابي اسألك كم عمرك ؟؟ وين داخلين حنا هوشه يوم تقول تراه حي موجووود رح قابله؟ماباقي غير تقول اطلعو على خط وتفاهمو هناك)))) بصراحه انا استغرب منك هالسؤال.. ؟؟ تسئل عن عمري يعني للتقليل من شئني؟؟ انا لو تبي اقول لك عمري واسمى وبيتي ؟؟ والا اذا عطيتك عنواني تبي تجي تهاوش؟؟ يعني علي حد قولك ما يختلف أثنين بشئ وتقابلو الا تهاوشو؟هذا الي انت تعرف!!! يعني ما عمرك سمعت بأحد اختلف مع رجال وقابله وتقهوا عنده وكلن اخذ من راس الثاني حقه وتراضو ؟؟؟ انا ما راح اتكلم عن سؤالك عن عمري .. لأنه سؤال بصراحه استغربه من واحد يتكلم عن قبيله كامله ويسئل السؤال ذا !!! (( لو ترجع اخوي لردودك السابقه وتشوف كلامك بموضوع( المليدا والضحك عالشوارب)< المحذوف كيف كان تهجمك كلامك.. وياليت الأداره ترجع وتشوف كيف كان كلامك وتحكم ؟؟؟ بعدين انا قلت (((يا عقاب العنزي اذا عندك شئ بقلبك ... تري فايز البدراني حى موجووووود بأمكانك تشوفه وتقابله وتطلع الي بقلبك عليه موب هنا تطعن بالظهر ؟؟؟ وبكل موضووع تسب وتطعن بالحروب))) يعني انا قلت حي موجوود رح قابله؟؟(( كلمتي ذي فيها غلط؟؟؟ ))انا قلت خذ سيف وسلاح وقابله؟؟ (( والا انت ما تقابل رجال مختلف معه بسالفه او قصه الا بسلاح وعنتره؟؟ ياخي انا تكلمت مع شخص عاقل ويفهم وقلت حي موجود رح قابله ما تكلمت مع وقلت رح هاوشه وانا قصدي من مقابلتك له انك تقول له الي بقلبك وبنفسك وتناصحه والا يناصحك موب الي نشوفه هنا من انتقاد غريب منك؟؟؟ هذا موو انتقاد هذا سب علني عالبدراني وبصراحه انا اشكر اخواني ذيبان والكعام وأبن مشيب علي الردود المهذبه والمحترمه والنقاش المهذب من غير اجحاف او سب كما وضح رسول الله صلى الله عليه وسلم بقوله : أتدرون مالغيبة؟ قالو: الله ورسوله أعلم, قال: هي ذكرك اخاك بما يكره ,قيل: أفرأيت إن كان في اخي ما أقول؟ قال: ان كان فيه ما تقول فقد اغتبته , وان لم يكن فيه ما تقول فقد بهته)))) رواة مسلم. هل بقولي البدراني حي موجود رح قابله غلط ؟؟؟ او لها دخل بسؤالك عن عمري ؟؟؟ أسف عالرد هذا لكن رديت عليه بنفس اسلوبه. انت كتبت (حتى شيبان حرب ما قرو هالمعارك وما سمعوها الا منه لكن تعتبر معارك علي ورق البدراني) وكان ردي عليك ((يعني علي قوله قبيله كامله بشيبانهاا وشبابها ما يعرفون اعلومهم وتاريخهم هو ما يدري ان كل معركه لها قصيده وكل قصيده وسالفه مشهود ))) لها من الطرف الآخر ؟؟؟ انا اسئل اصحاب العقول وأصحاب كلمة الحق؟؟ عن كتابتك ((حتى شيبان حرب ما قرو هالمعارك وما سمعوها الا منه لكن تعتبر معارك علي ورق البدراني) بالله الكلام هذا موب سب وطعن وأجحاف ؟؟؟ يعني خلاص اي قصه رواها البدراني بكتابه موب صحيحه علي قوله انها معركه علي ورق؟؟يعني كل معارك الحروب الي بكتب البدراني علي ورقه وقلم << علي حد قوله يعني خلاص شيباان حرب ماعندهم قصص الا قصص البدراني ؟؟؟ مافيهم الي يروي روايه صحيحه؟؟ وبكلامك شملت (شيبان حرب) وقلت المعارك يعني ما حددت( يعني كل معاركهم) انهم ما عرفوها الا من البدرااني ؟؟ يعني كل هالمعارك والقصيد الي فيها جااي علي ورقه وقلم ؟؟ للبدرااني<< اترك الرد لأصحاب كلمه الحق !!!! وبعدين اخوي الحقيقه بالعكس ما تضايق لكن الحقيقه بقصه وقصيده موثوقه ومشهود لها من الطرف الآخر وانت اعترضت علي قصه الحناكيه وجاب لك الأخ راع العرف القصه وقصايد شيوخكم ابن هذال وعبد ابن هذال و برجس بن مجلاد لكن انت الي منت راضي تقتنع وللمعلوميه القصه والقصايد معروفه من قبل يطلع البدرااني ..... بعدين انا يوم اقول (الحربي مع العنزي والعتيبي مع الحربي والعنزي مع العتيبي) أٌقصد ان كلنا اخوان وتحيزك لكل قصه لحرب تدخل فيها وتطعن فيها وبعدين(مالك الا ردود قليله؟ يعني ما دخلت الا عشان قصه المليدا وكتبت فيها وليتك بس طعنت بالبدراني لا حتي دخلت شيبانهم ان ماعندهم سوالف بقولك(ان شيبانهمما يعرفون معاركهم الا من البدراني ؟)) يعني تحيزك هذا انا وراع كلمه الحق وش يقول ؟؟؟ وبعدين اخوي انا ما تكلمت مثلك وقلت ان شيبان عنزه ما يعرفون معاركهم الا من ابن عباار؟؟ والا من غيره .. ولا سبيت وقللت من شئن القبيله بالعكس وانا والله ماودي اشارك لأني ادري ان هالسوالف لا تسمن ولا تغني من جوع لكن لما شفت كلامك موب بس عالبدراني وتقليلك من شئن قبيلتي كتبت ردي وياليت ترجع وتتذكر ردودك بموضوع المحذوف( المليدا)..... وانا أقول للأخوان من قبيلة عتيبه والله اتصفح المنتدي هذا من زماان وأقراء فيه واعرف اشياء ما اعرفها قبل ومثل ما احب اعرف اعلوم لربعي بعد احب اعرف اعلوم للقبائل الثانيه لكن أحيانا نشوف تجريح وتقليل لكن اشكر اخوي الكعام علي هذا النص : ((يا راس الشلفا السب مرفوض ولا ندري هم عيال عمي ولا متلبسين بعباة عتيبة لان من قال انا عتيبي او حربي وهو كذاب في هالمنتديات ماحد يدري عن صدقة وكذبة وانا اقول للأخون لا تسبون احد ابدو ارياكم بدون تجريح لحد والجميع مكلف برفض هالسب ومن شاف سب المفروض يبلغ الأدارة في الحال)) << الله يبيض وجهه عالكلمتين ذي والسلااام |
|||||
|
|
|
|
|
|
|
|
|
|
17-Dec-2006, 01:02 AM
|
رقم المشاركة : 42 | |||||
|
الاخ عقاب العنزي
اترك فائز البدراني ابعطيك نصين و ابي تعطيني رايك الهمداني( ان قبائل حرب عند نزولها الى الحجاز ناصبتهم عنزة العداء فاجلاهم الحربيون الى اعراض خيبر ). جعفر المحابي ، قال : و ذكر لي محمود ان بني حرب لما صارت إلى قدس من الحجاز و بها عنزة و مزينة ، وبنو الحارث و بنو مالك من سليم ناصبتهم الحرب عنزة ، والذي أهاج ذلك أن رجلا حربيا و آخر عنزيا امتريا في جذاذ نخل ، فعدى الحربي على العنزي فضربه ضربة بتك بها يده ، فعدا بنو حرب يومئذ وهي ستمائة رجل ، فأجلوا من البلد عنزة إلى الأعراض من خيبر وقتلوا منها بشرا كثيرا ، ثم ناصبتهم مزينة الحرب وكانت أهل ثروة زهاء خمسة آلاف ، فقتلوا منها مقتلة عظيمة ، وأجلوهم إلى الساحل من الجار والصفراء و أرض جشم ، فهم بها إلى اليوم ، لا يدخلون الفرع إلا بجوار و ذمام من حرب . وبقيت سليم ، فناصبتهم بنو الحارث و بنو مالك من سليم ، وهم زهاء أربعة الآف ، و هم أهل الحرتين والنقيع فحاربوهم دهرا فأجلوهم من الحرتين و النقيع ، وقتلوا منهم عددا كثيرا و صارت بنو الحارث و بنو مالك لا يدخل منها الحرتين و النقيع داخل إلا بذمام من بني حرب ، وقد يبقى عليهم محمود لأن أمه جشمية من هوازن ، فلما غلبت بنو حرب على تلك البلاد و قهرت غيرها تعلقت بها قريش بأصهارها . |
|||||
|
|
|
|
|
|
|
|
|
|
|
17-Dec-2006, 02:05 AM
|
رقم المشاركة : 43 | |||||
|
السلام عليكم ورحمة الله وبركاته
مساكم الله بالخير يالربع ردا ً على الاخ راع العرف بقوله ( جبت لك قصايد من مشعان ابن هذال وبرجس المجلاد الخ00 ) متى جبتهن ؟؟ واذا انت صادق اوكي نزلهن بالمنتدى اذا هن قصايد معروفه لهم والحمدلله قصايد الفريس المشاهير امثال مشعان ابن هذال وبرجس المجلاد معروفه واكيد كل الناس تعرفها انت نزلها اول انت ترى عطيتني بيتين وعلى قولك انها واحد من رجال عنزه حتى اسمه غامض ماذكرته لكن اذا تبي بيوت مشعان ابن هذال اللي عليهن الكلام دوك هالبيتين حلفت انا يانجد مارخصك عندي00غير الزمن يوم انه علينا جـار سبعة سنينٍ مالمع فيـك بـارق00 مات الحلال ويبست الاشجـار اسأل اي شخص عن البيتين وراح يعطيك قصتها رغم ان القصه اتضحت بالبيتين ان نجد اجدبت سبع سنين لم تسقط عليها االامطار واجلت قبيلة عنزه لكن للأسف اشوف بعض ناس وجد فجوه برحيل عنزه من نجد وكل ٍ يقول حنا حنا جليناها والسبب الاكيد والمعروف الجدب والجوع وقلة الما ثانيآ -- ابي ازيدك من الشعر بيت عنزه جلت مرتين من نجد على وقت مشعان ابن هذال وعلى وقت ساجر الرفدي وبرجس المجلاد السبب الاول اجلاء مشعان ابن هذال هو القحط وهالبيتين تؤكد ذلك حلفت انا يانجد مارخصك عندي00غير الزمن يوم انه علينا جـار سبعة سنينٍ مالمع فيـك بـارق00مات الحلال ويبست الاشجـار اما المرحله الثانيه على وقت ساجر الرفدي (شيخ الشملان من عنزه ) وبرجس المجلاد (غدير الموت ) شيخ الدهامشه من عنزه والسبب كاآلاتي حينما احس الشيخ عبيد ابن رشيد حاكم حايل بهاك الوقت بخطر ساجر الرفدي وبرجس المجلاد ارسل قصيده للأمير عبدالله آل سعود امير حاكم نجد بهاك الوقت وقال له يامير انا جيتك مسير وبلاس -- باغن اشوفك يامضنة فؤادي اشوف انا يامير ناس ٍ من الناس -- ناس ٍ على حكمك تدور الفسادي الخ00 ويقصد بذلك ساجر الرفدي وربعه وبرجس المجلاد وربعه لأنهم مشكلين خطر هاك الوقت على عبيد ابن رشيد وهذا يعتبر من حنكة عبيد بن رشيد عشان يجليهم وفعلا اللي خطط عليه حصل وقال ابن سعود ياعبيد انت من عندي وانت من عندك لانهم كانو وقتها بالقصيم انت ياساجر الرفدي وبرجس المجلاد وربوعهم يوم جاهم النذير جلو وقصد ساجر الرفدي قصيدته المشهوره اللي منها هالابيات يوم انها نجد ٍ وانا من سكنها --- واليوم مايسكن بها كل ممرور شامت (لعبدالله ) وانا جزت عنها --- اللي يصبحنا على فجة النور وانا احمد الله مبتعد عن شطنها --- ومكيف ٍ مابين عرعر وابا القور < عبدالله يقصد عبدالله ابن سعود ترى هذي جلية عنزه الاوله من الدهور والثانيه تعاونو ابن سعود وابن رشيد ووقتها كلهم حكام اللي حكم حايل واللي حكم نجد وللمعلوميه ساجر الرفدي لم يسكت عن هذا بل غزا ابن رشيد عدة غزوات للدرجة انه رجع الغافلات ابل مشعان ابن بكر شيخ السويلمات ( اخو جحلا ) وهذا من السطر اللي براسه انه يغزي عبيد ابن رشيد والجميع يعرف قوة عبيد وقوة جيشه بهاك الوقت والحين قلت لك القصتين ومثبوتات بالقصايد ابي اسألك مذكور اسم فريس من قبيلة حرب انهم اجلونا ؟ بس بعض الناس يزعل من كلمة الحق ومثل ماقلت انت اول يوم لك ويوم عليك لكن انت تقول هالكلمه ولاتدري عن مضمونها وارجع واقولك الشيخ محمد ابن مشعان ابن موقد الحربي للحين موجود حي يرزق رح انشده وقل ابوك وش رده على عنزي يوم انه قال اجليتونا ياحرب قال ايه قال تحطها بحظك قال لاوالله ياولدي عنزه ماجلاها غير الدهور اذا واحد من عندكم شاهد بالحق تجي تقاضى مني انا ؟؟؟؟؟؟ واذا ماتبي تقتنع شي راجع لك والله ياخي انا بس حبيت اوضح لك الحقائق اللي جتنا من شيبانكم بعد والسلام مسك الختام |
|||||
|
|
|
|
|
|
|
|
|
|
|
17-Dec-2006, 02:14 AM
|
رقم المشاركة : 44 | |||||
|
الاخ عناد
انت تقول اجليتونا للخيبر هههه وراع العرف يقول للشمال يالربع ارسو على بر واتفقو وين اجليتونا بالضبط هههه انا بس خايف يجيني واحد ثالث يقول اجليناكم للجنوب وبخصوص القصه اللي تقولها اقسم بالله العظيم اني اول مره اسمعها لاسمعتها لا من شيبانكم ولا من شيباننا ولا من اي قبيله ثانيه وانا ملاحظ ماشاء الله ان القصص تنزل بشكل يومي اصبحت كالمطبوعات اليوميه لكن ابي اشور عليك شور واقولك ليه عاد ماتألف كتاب ولايهون اخوي راع العرف وتكتبون على هواكم مدام السالفه شد لي واقطع لك منها تستفيدون كمردود مادي ومنها تعلمون الاجيال القادمه تاريخ اجدادهم والسلام مسك الختام |
|||||
|
|
|
|
|
|
|
|
|
|
|
17-Dec-2006, 02:45 PM
|
رقم المشاركة : 45 | |||||
|
السلام للجميـع
اخوي عقاب العنزي طلبت مني الرد علي تعليقك ورديت بالأمس واشوفك تجاهلت ردي ورديت لراع العرف وعناد وتركت ردي ؟؟ هذا كان نص من كتابتك عن ردي ..>> (((((((( ؟؟ انا انتظر اثباتك بعدين يااخي ترى عيب تلفق كلام انا اللي كل اللي قلته عن موضوع فايز البدراني وتجنيه وافتراءه علينا كيف جعلتني اطعن واسب؟؟ عمومآ انا انتظر ردك وانك تثبت اني سبيت او طعنة قبيلة حرب ومواضيعي موجوده وياليت الجميع يقرأها اذا كان فيها جمله تجريحيه واحده فقط سوف اعتذر لكم جميعآ امام الجميع واذا كان العكس لا الزمك بالاعتذار لكن اريد منك ان تغير من طبائعك وان لا تتكلم بشيء لم اذكره انا بتاتآ ))))))))))<< بعدين اخوي انا ماني ملزوم ارد عليك او علي كل موضوع اعلق فيه لكن علي حسب طلبك رديت. |
|||||
|
|
|
|
|
|
|
|
|
|
|
17-Dec-2006, 11:49 PM
|
رقم المشاركة : 46 | |||||
|
اخي عقاب العنزي .........
شكلك ما تدري وين خيبر .. خيبر شمال المدينه و انا ذكرت من مصادر محايده و لا له داعي نذكر قصيدة ابن هذال و قصيدة عبده بعد ما اخرجوهم حرب من الحناكيه و بعدها عقلة الصقور و القحط اللي تتكلم عنه ما اخرج قبايل نجد ليش عنزه بالذات؟؟؟ |
|||||
|
|
|
|
|
|
|
|
|
|
|
18-Dec-2006, 02:33 AM
|
رقم المشاركة : 47 | |||||
|
شكرا ً وكثر الله خيركم ياعتابه على حسن الاستضافه وترك المجال للحوار الهادئ البعيد عن التنابز بالالقاب والله يزيدكم ورع وتقوى يااحفاد الفرسان الشجعان وبيض الله وجيهكم ................
هذي مشاركة الاخ عناد االه يطول عمره الاخ عقاب العنزي اترك فائز البدراني ابعطيك نصين و ابي تعطيني رايك الهمداني( ان قبائل حرب عند نزولها الى الحجاز ناصبتهم عنزة العداء فاجلاهم الحربيون الى اعراض خيبر ). جعفر المحابي ، قال : و ذكر لي محمود ان بني حرب لما صارت إلى قدس من الحجاز و بها عنزة و مزينة ، وبنو الحارث و بنو مالك من سليم ناصبتهم الحرب عنزة ، والذي أهاج ذلك أن رجلا حربيا و آخر عنزيا امتريا في جذاذ نخل ، فعدى الحربي على العنزي فضربه ضربة بتك بها يده ، فعدا بنو حرب يومئذ وهي ستمائة رجل ، فأجلوا من البلد عنزة إلى الأعراض من خيبر وقتلوا منها بشرا كثيرا ، ثم ناصبتهم مزينة الحرب وكانت أهل ثروة زهاء خمسة آلاف ، فقتلوا منها مقتلة عظيمة ، وأجلوهم إلى الساحل من الجار والصفراء و أرض جشم ، فهم بها إلى اليوم ، لا يدخلون الفرع إلا بجوار و ذمام من حرب . وبقيت سليم ، فناصبتهم بنو الحارث و بنو مالك من سليم ، وهم زهاء أربعة الآف ، و هم أهل الحرتين والنقيع فحاربوهم دهرا فأجلوهم من الحرتين و النقيع ، وقتلوا منهم عددا كثيرا و صارت بنو الحارث و بنو مالك لا يدخل منها الحرتين و النقيع داخل إلا بذمام من بني حرب ، وقد يبقى عليهم محمود لأن أمه جشمية من هوازن ، فلما غلبت بنو حرب على تلك البلاد و قهرت غيرها تعلقت بها قريش بأصهارها . ^ ^ ^ ^ ^ الاخ عقاب العنزي الظاهر انك كشفت اجلايه ثانيه لكم وانت ماتدري هذي ماللبدراني دخل فيها وهذي الاجلايه الاوله قلت لك لو اقتنعت بالردود الاوله كان فكيت نفسك من العلوم ذي يعني اول اجلايه من الحجاز ومن ثم من نجد شرايك ,,,,,,,,, صراحه شكلك مااقتنعت بالاجلايه التاليه وجتك الاجلايه الاوله الله يعينك الاوله من الحجاز والدليل الاثبات الهمداني وهو اقوى دليل مثله مثل ابن بليهد وابن بشر مافيه فرق وله حق الاقدميه ,,, هذا من ناحيه ,,, وهذا اكبر دليل والله يعينك كشفت نفسك وانت ماتدري هلوا عليك حرب من الادله مثل المارتين ,,,,,,,, لو بقيت على الاوله ابركلك ......... ((( الاخ عناد انت تقول اجليتونا للخيبر هههه وراع العرف يقول للشمال يالربع ارسو على بر واتفقو وين اجليتونا بالضبط هههه انا بس خايف يجيني واحد ثالث يقول اجليناكم للجنوب وبخصوص القصه اللي تقولها اقسم بالله العظيم اني اول مره اسمعها لاسمعتها لا من شيبانكم ولا من شيباننا ولا من اي قبيله ثانيه وانا ملاحظ ماشاء الله ان القصص تنزل بشكل يومي اصبحت كالمطبوعات اليوميه لكن ابي اشور عليك شور واقولك ليه عاد ماتألف كتاب ولايهون اخوي راع العرف وتكتبون على هواكم مدام السالفه شد لي واقطع لك منها تستفيدون كمردود مادي ومنها تعلمون الاجيال القادمه تاريخ اجدادهم والسلام مسك الختام ))) ^ ^ ^ ^ ^ هههه لاهنت ,,, الله يعينك وانصت زين لااوصيك (( الاجلايه الاولى )) هي كما ذكر الهمداني بالضبط اجلوا قبيلة حرب قبيلة عنزه الى خيبر دير بالك هذي الاولى للحين القبيله العزيزه عنزه ماوصلوا >>> الشمال <<< توهم بخيبر ومن بعد اجلاء حرب لقبيلة عنزه ووصولهم خيبر أجلوهم إلى الساحل من الجار والصفراء و أرض جشم ، فهم بها إلى اليوم ، هذا كلام الهمداني ولاتفرح هذي الاجلايه الاولى ,,,,, بعدها جت اجلايتهم من نجد الى >>>> الشمال ,, ركز معي الى الشمال ,, واجلايتهم للشمال هذي الثانيه عرفت الاجلايه الثانيه الى الشمال ........ (((( الاجلايه الثانيه ))) ردا ً على الاخ راع العرف بقوله ( جبت لك قصايد من مشعان ابن هذال وبرجس المجلاد الخ00 ) متى جبتهن ؟؟ واذا انت صادق اوكي نزلهن بالمنتدى اذا هن قصايد معروفه لهم والحمدلله قصايد الفريس المشاهير امثال مشعان ابن هذال وبرجس المجلاد معروفه واكيد كل الناس تعرفها انت نزلها اول انت ترى عطيتني بيتين وعلى قولك انها واحد من رجال عنزه حتى اسمه غامض ماذكرته ^ ^ ^ ^ هذا كلامك ياعقاب >>>> خاف الله ياعنزي ولاتكذب الرياجيل انت تعرف اني جبت لك العلم الوكاد في موضوع (( معركة المليدا والضحك على الشوارب )) وكانت ذيك مشاركتك الاولى ولكن الاداره حذفوا الموضوع بسبب تعديك على قبيلة حرب وخروجك من صلب الموضوع اللي بين حرب وعتيبه وغير كذا شتمت حرب وذميتهم ولفقت علوم من وحي الخيال ومن اهزوجات بعض ربعك وجبت قصايد تذم حرب ورديت عليك بالمثل لكن الاداره حذفت الموضوع >>>>> وانا لااعترض على الاداره لحذفه الموضوع من حقها تفعل ماتريد فهذا منتداهم وحنا ضيوف والضيف في حكمت معازيبه ,,,,,,, .................................. ((واذا انت صادق اوكي نزلهن بالمنتدى اذا هن قصايد معروفه لهم والحمدلله قصايد الفريس المشاهير امثال مشعان ابن هذال وبرجس المجلاد معروفه واكيد كل الناس تعرفها انت نزلها )) ^ ^ ^ ^ هذا كلام الاخ عقاب العنزي طيب ماهي مشكله انزلها لك بس ماهو تروح تدور عذر وتقول مكسره وماهي حقيقيه لأنها معروفه بشهادت الكثيرين ,,,, الاخ عقاب حنا نعرف مثل مالكثيرين يعرفون ان المعارك واجلاية عنزه من نجد على يد حرب كانت متتابعه ماهي على فهمك انها جت حرب ونزلت نجد وجلوا العنوز جلاء جماعي ,, لالاهي معارك نتائجها جلاء قبيلة عنزه من نجد واحتلال حرب لديارهم ,,, واولها الحناكيه ومن ثم عقلة الصقور ومن ثم دخنه ومن ثم ساق (( وادي الرمه )) والشواهد كثيره ولكن نذكر لك القصائد وترك الحكم لعقلك وحسن استقبالك للمعلومات ,,, معركة الحناكيه من المعروف لدى رواة حرب ان معركة الحناكيه بين حرب وعنزه انقضت بجلاء قبيلة عنزه ونزولهم عقلة الصقور وهي لفخذ الصقور من عنزه .. واول مانزلوا الحناكيه اللي بها ابن هذال من شيوخ عنزه المشهورين وكسروهم حرب طبعا انزاحو الى عقلة الصقور ومن ثم جلا ابن هذال ومن معه من عنزه الى الشمال وبقى الشيخ برجس ابن مجلاد في وادي الرمه وبساق بالتحديد ومعه قسم من عنزه .... ً واليك ياعقاب قصيدة ابن هذال اللي يتوجد فيها على ديرته : ياراكب اللي نيهـا يــــكبـس الكـور***مايلحـق المدمـول نابـي قراهـا تمشي من النقرة على شقةالنـور ***والعصر بالخبراء تثنـي عضاهـا لياجيت لي عــقاب وحجاب وسرور ***قل أفزعـو قـدام يسكـر هواهـا ياديرتي برق المحفر مـــــــع القـور ***بالقيظ نشرب من شهاليـل ماهـا يامابنينـا دونهـا بنيــــــــــــة السـور***ويما طردنا ضدنـا عـن حماهـا واليوم غيم جوهـا بـر وبـــــــــــحـور***وصار الثميدي هورعدها وماهـا الحربي الي ديـــــرتة من ورا الغـور***داري ودارك يلعمـاري ولاهــا يضدنا ضد الطغـم قـدم بـــــــــــابـور ***ويسوقنا سوق الجمـال بعصاهـا ياعقاب مانصبر على الغبن والـــجور***النار في كبـدي تزايـد لضاهـا هبـت هبايبهـم ومشــــــــالـهـم دور***وتـرء اليـال أدور الـي بغاهـا سمعت يالعنزي هالبيت : الحربي اللي ديرته من ورى القور *** داري ودارك يالعماري ولاها بتقول مايقصد انها دارت معركه ,, ههه اقولك اقرى البيت اللي بعده يضدنا ضد الطغم قدم بابور *** ويسوقنا سوق الجمال بعصاها عرفت الحين معنى ,,, وشهد شاهد من اهلها لا ومن شيوخكم ومن ألسنتهم اللي بعده قصيدة مسعود عبد ابن هذال أمس الضحى عديت في روس الطوايل""في راس عالي معتلـي مـن هظابـة والدمع من عيني علـى الخـد ســــــايـل""يشداء هماليل المطـر مـن سحابـة ولالـوم عينـي تبكـي أولاد وايــــــــــــل""نثـارت الـدم الحـمـر بالحـرابـة ركبو عليهم حـرب فـوق الأصــــــــــــايـل""اللـة لايقـرب دارهـم فـي ترابـة أقفـوا عليهـم منزحـيـن الـــــــــــــقبـايـل""وأشتب بأطراف المرجـس ضبابـة تشوف قرط الزلـم وسـط الــــــمسايـل""والسيف مـن دم الجماجـم خضابـة وأسرج ريع أضلم من ضوح الــــــــفتايـل""مثل شعاع الشمـس حـزت غيابـة ستيـن يـوم صابريـن الــــــــــــــحمـايـل""وستين يـوم القبـس غلـق زهابـة وأقفـو عليهـم ناطحيـن الــــــــــــدبـايـل""مثـل القطيـع الـي تحوفـة ذيابـة وزاعو مرويـت الغلـب والـــــــــــسلايـل""وخلو غـراب البيـن محـدن درابـة مستجنبـيـن زاهـيـات الــــــــــــــدلايـل""دون الحلايـل والعرابـأ الطـلابـة ياليتني معهـم علـى وســـــــــق حائـل""ولاشفت نجر الشيـخ مـع الكسابـة أدنـى منازلهـم شــــــــــــمـالـي حـائـل""أقفاء ضعنهم والعصـاء فـي عقابـة هاه وشرايك : يقول ولالوم عيني تبكي اولاد وايل بتقول يمكن على شان الدهور ويتوجد عليهم لكن اسمع البيت اللي بعده ... ركبوا عليهم حرب فوق الاصايل *** الله لايقرب دارهم في ترابه ماقال جلاهم الدهر قال ركبوا عليهم حرب بعدين يقول وخلوا غراب البين محدن درابه .. يعني خلوه يعني يعني جلوااتركوه وغراب البين العبد وكلنا عبيد لله ,,,, بعدين يقول .. ياليتني معهم على وسق حايل وبعدها يقول ادنى منازلهم وادنى معناها اقرب .. وباقي قصيده لعبد ابن هذال ماذكرتها البركه بذي تكفي... استوعبت ,,باقي للحين اسمع ... شبيب ابن نحيت وبرجس ابن مجلاد طبعا ً برجس من شيوخ الدهامشه وفارس مايهاب الموت وكل القبايل يعرفونه ويهابونه ولقبه غدير الموت وشبيب ابن نحيت ( راعي الحيزا) لايجهله احد من قبايل نجد................. قال برجس هالبيتين يوم درى بزحف قبيلة حرب جهة وادي الرمه ويقصد انه بيحتمي ارضه وملكه يقول برجس يخاطب شبيب ابن نحيت : شبيب لاتطب الشعيب ** العود موصيني عليه ورد شبيب ابن نحيت متحديه وقال : والله لااطب الشعيب ** والعود للعن وا؟؟؟؟؟؟؟؟؟؟ وايضا ً يقول برجس متحدي حرب ويخاطب ساق الضلع المعروف في اطراف وادي الرمه وهي من نوع الحداء: ياساق يالضلع الطويل ** آمــــــن وحنا نحتميك لعيون منسوع الجديل ** الحربي ماوالله يجيك وبعد نزول حرب وادي الرمه وجلاء قبيلة عنزه الى الشمال الى غير رجعه قال حادي من حرب : ياساق يالضلع الطويل ** آمن وحرب ٍ تـــحتميك والوايلي قفى ذلــــ؟؟ ** اللي حلف لك مانجيك فرقى خليلن من خليل ** خلاك لو وصي عــــليك وازيدك من الشعر بيت : عيون الجوا مع ساق واوثال والغاف ** قبلك حدينا برجس الشيخ عنهن جونا وجيناهم عـــــلى كل مـــزهاف ** ياما حدينا الــــوايلي عن نزلهن هل اكتفيت ياعقاب العنزي ووالله ثم والله انه ماودي اقلب الماضي واجيب العلوم اللي تزعلك لكن انت حديتني وانا ماودي لأننا في الوقت الحالي اخوان وجيران وانساب لكن لابد من اظهار الحقيقه اللي اتوقع انها مره عندك لكن الكرام المنصفين من قبيلة عنزه يقرونها ويعترفون بها وانت انا من وجهة نضري انك صغير السن ومتعصب لقومك ولكن التاريخ لايغير الغضب منه قيد انمله وعساك ماتجي بكل موضوع وتقول حرب يقولون انهم طلعونا من نجد ولا عندهم دليل ومعروف ان فيه قصايد لكل معركه وعلى قولة االاخ عناد ليه بس عنزه اللي جلوا من الدهور ليه ماجلة عتيبه مثلا ً او مطير او اواواو مع العلم ان حلال القبايل واجد واعدادهم كبيره وخصوصا ً الهيلا بس هذي حجة الضعيف ياعقاب مع احترامي لك...... تقبل فائق احترامي وتقديري يااخي العزيز .. واتمنى ان نقاشي واثباتي كان يليق بمنتدى قبيله بحجم عتيبه الهيلا ... والله من وراء القصد .................. |
|||||
|
|
|
|
|
|
|
|
|
|
|
19-Dec-2006, 07:35 PM
|
رقم المشاركة : 48 | |||||
|
السلام عليكم ورحمة الله وبركاته
مساكم الله بالخير مروي الضميان بخصوص كلامك لماذا تتجاهل ردودي ياعقاب العنزي وترد على عناد وراع العرف سوف ارد عليك بالرد الوافي واقول لك انظر لكلامك جيدا ً وسوف تعرف لماذا تجاهلت ردودك اما بخصوص كلام الاخ راع العرف انا اقول له نعم انا لم اقتنع بكل الادله الذي اتيت بها لأنها بالمختصر المفيد اتت من كتب مؤلفينكم ولم نسمع بها الا من رواة حرب والدليل على ذلك كلامك حينما قلت (واولها الحناكيه ومن ثم عقلة الصقور ومن ثم دخنه ومن ثم ساق (( وادي الرمه )) والشواهد كثيره ولكن نذكر لك القصائد وترك الحكم لعقلك وحسن استقبالك للمعلومات ,,, معركة الحناكيه من المعروف لدى رواة حرب ) < انظر جيدا ً ( لدى رواة حرب ) ؟؟ هل تريد ان يذكرو الحقائق على حساب ربعهم وقبيلتهم ؟؟ لماذا لم تأتي بااثباتات من رواة خارج قبيلة حرب وقبيلة عنزه اضرب لك مثال كالراوي الامير المرحوم محمد احمد السديري ( من قبيلة الدواسر ) ليس حربي ولاعنزي مامصلحته حينما يقف بجانب قبيلة عنزه ؟؟ او تأتي بالراوي منديل الفهيد والذي عرف عنه الصدق والامانه لكن جميع ادلتك واقاولك من ( مؤلفين من نفس قبيلة حرب ) اذا ٍ لاعجب اذا عرف السبب ولو تلاحظ يااخي راع العرف ان المعارك الذي ذكرتها مثل الحناكيه وعقلة الصقور كانت ( من استنتاج مؤلفين قبيلة حرب ) وبالتحديد بعد اصدار كتاب ابطال من الصحراء للامير الراحل محمد احمد السديري رحمه الله فابدأ الهجوم على كتابه بشراسه والسبب بسيط جدا ً انه ذكر جميع الحقائق بكل نزاهه لكن للأسف بالوقت هذا كل ٍ يعتقد ربعه احسن ناس ولايريد عليهم اي حرف يقف ضدهم وانت تعلم جيدا ً ان الخلاف الذي حصل في كتاب ابطال من الصحراء بالتحديد على بيت سعدون العواجي حينما وصف معركته مع ابن فرهود كالقطيع الذي تنفر منه الذئاب والبيت كالآتي جينا وربعه قوطره من نحانا 00 مثل (القطيع اللي نحته الذيابه ) فحصل ذلك الوقت ماحصل من شكاوي على مؤلف الكتاب واحتجاج لماذا يذكر البيت هذا فكان رد الامير محمد احمد السديري لست من قال هذا البيت بل سعدون العواجي انا مجرد ناقل والتاريخ لايزيف اما بخصوص كلامك ( وغير كذا شتمت حرب وذميتهم ولفقت علوم من وحي الخيال ومن اهزوجات بعض ربعك وجبت قصايد تذم حرب ورديت عليك بالمثل لكن الاداره حذفت الموضوع ) انا استغرب حقيقه الكذب الواضح منك ومن مروي الضميان واصراركم اني شتمت وسبيت قبيلة حرب وكل مافي الحكايه انني انقل ابيات لسعدون العواجي وابيات للأبن معيتق الشملاني هل تريدون اني اخفي هذه الابيات لكي اراعي شعوركم ام تريدون ان اقف مكتوف الايدي وارى اجحافكم وتلفيق لبعض القصص واصمت ؟؟ واليك قصة الحناكيه أما قبيلة العمارات من بشر من عنزة فقد كانت تملك الحناكية وكان تتنقل في المناطق المجاورة لها والعطن الذي في المدينة هو مكان إبل آل هذال والوعيرة ، وقد ذكر في بعض المصادر وجود لال هذال مشايخ العمارات في منطقة الفريش ، يقول المؤلف حمد الجاسر في كتابه المعجم الجغرافي صفحة 1088 المجلد 2 : الفريش من قرى منطقة بدر في إمارة المدينة ، ويسيل الوادي من الطرف الشرقي لجبل ورقان وله روافد من الاطراف الشمالية وهو على بعد 48 كيلا من المدينة المنورة .. وقد ذكر جون لويس بركهارت في كتابه رحلات في شبه جزيرة العرب صفحة 290 ما نصه : ودخلنا واديا عريضا يسمى الفريش وسهل الفريش وفقا لما يقوله العصامي المؤرخ كان مسرحا لمعركة شرسة بين شريف مكة وقبيلتي الظفير وعنزة البدويتين في سنة 1063هـ ..انتهى وفي سنة 1111هـ سجن الشريف سعد بن زيد شريف مكة مائة شيخ من عنزة وتم تتويج الشيخ هذال بن عدينان الحبلاني شيخ مشائخ على عنزة .. وماهذه الاخبار الا دلالة على تواجد عنزة في منطقة الحناكية وما جاورها من قرى المدينة المنورة ونستدل من الموروث الشعبي القصصي أنه عندما كان العمارات بقيادة شيخهم إبن هذال يقطنون ماحول الحناكية ويتنقلون في المناطق التي من غرب المدينة في منطقة بدر مكان تواجد قبيلة صبح من حرب ذكر منديل الفهيد في صفحة 124 الجزء الثاني أبياتا لابنة أمير قبيلة صبح من بني سالم من قبيلة حرب حيث كان الشيخ ابن هذال قبل نزوحهم الى نجد قاطنين عندهم وحان وقت الفلاحة والماء مشروب من كثرة الادباش وأمير صبح استحى من الشيخ ( ابن هذال ) حتى لايبين له حاجتهم بالفلاحة لان معيشتهم على الله ثم الفلايح فقالت البنت ( ابنة أمير صبح ) هذه الابيات تبين لهم ما حدث وعندما سمعها الشيخ( ابن هذال ) شدوا الى ماء غيره فقالت : يا شيخ قل للبدو عنا يشـــــدون ـــــــــــــــــــــــــــــ نبي نقطب جونا بالزروعـــــــي نبي انسقم غوشنا لايضيعـــــون ـــــــــــــــــــــــــــــ الغوش لجتهم علينا تروعـــــــي أنتم لكم جيش وخيل تعنـــــــون ـــــــــــــــــــــــــــــ وأرزاقكم لا حظبن الجموعـــــي وانتم ليا طاح الحياء له تنوعون ـــــــــــــــــــــــــــــ فوق الجمال محنيات الضلوعـــي كم سهلتن في عصير تبنـــــــون ـــــــــــــــــــــــــــــ يتلي ضعفكم كل بيض فروعـــي شدو بعد ماسمعو قصيدة ابنة امير صبح من بني سالم من حرب لحاجة حرب الماسه للمياه ولكثرة الادباش يعني هذا تعتبر جماله لأننا لم ننازعكم بالقوه على المناهل بل حينما سمعنا القصيده رحلنا تقدير للظروف الصعبه لكن للأسف الجماله قوبلت بتلفيق القصه وقلتم انكم ارغمتمونا على الخروج بالرغم القصيده اعلاه توضح ذلك 00 وهذا الحدث على وجه التقريب في القرن الثاني عشر الهجري ، ويدل على أن العمارات ومشائخهم الهذال يستطيعون التنقل وذلك لانهم فرسان وأن تواجدهم في هذا المكان بسبب الجدب والقحط الذي في تلك المنطقة..وكانوا وقت الشيخ منديل الهذال وأحد أبنائه ، وقد إنتقل العمارات من الحناكية بعد أن أٌقحطت إلى نجد للبحث عن موراد أفضل وأخصب وسكنت قبيلة العمارات في القصيم وكانت بريدة عد لآل هذال إشتراه منهم راشد الدريبي ، وفي عهد الشيخ جديع بن منديل الهذال الملقب راعي السمرا وأبن عمه ماجد بن عبدالله الهذال ومجلاد بن فوزان شيخ الدهامشة كانت قبيلة العمارات ممتدة من خيبر إلى القصيم وكان للدهامشة منطقة الحائط والحويط وللصقور من العمارات منطقة عقلة الصقور التي عرفت بإسمهم وهناك مكان يسمى أشقر بن هذال وهو تل مرتفع بالقرب من المذنب في القصيم وللسلقا المناطق المتاخمة حول حائل ، والقاريء لاحداث التاريخ يجد أخبار متعددة عن العمارات في أمكان مختلفة في قلب نجد ، قاد العمارات الشيخ مهلهل بن منديل الهذال في فترة العقدين الاولى من القرن الثالث عشر الهجري 1214هـ تقريبا ونزلوا في منطقة الاسياح قاطنين طوال فترة الصيف بجوار محمد الفهيد الاسعدي من عتيبة وساعدوه على إعادة إجراء عين بالاسياح وإبعاد التراب الدفين على هذه العين وذكر العبودي في معجمه أن محمد الفهيد أخذ يتلمس مكان العين حتى وجد أثارها ولانه لم تكن لديه القدرة المادية على إعادة بعث العين وإستنباطها طلب من صديقه مهلهل بن هذال من عنزة وقبيلة العمارات أن يساعدوه ببعض الجمال في وقت القيظ لكي تعاونه على العمل ، ومن ثم بعد مدة إنتقلوا إلى ملج ونطاع في شرق الجزيرة العربية بقيادة الشيخ مهلهل بن منديل الهذال ، وفي سنة 1220هـ مع ظهور القحط الشديد المعروف في تلك السنة والذي إستمر سبع سنين في نجد والحجاز وطال الجزيرة العربية حتى يبست الاشجار وأكلت الجيف وغلا كل شيء وقد قال الشيخ عبدالله بن ماجد بن عبدالله الهذال قصيدة يتوجد على نجد وما أصابها من قحط بعد أن هاجر بقسم من العمارات إلى الشمال يا نجد لاجاك الحيا نادي لنا @@ وشبي لنا براس المقوقي نار يا نجد لاجاك الحيا وصي لنا @@ وان زان وقتك فارسلي عمار عبدٍ خذاله زوجه من هل القرى @@ شارت عليه وطاوع الاشوار ومن طاوع العذرا على غير صايب @@ يصير كما اللي ضاع بالنهار جلس قليل الفود من شان الغنم @@ وخلا بنات الهرش معنا ابكار حلفت انا يانجد مارخصك عندي @@ مير الدهر والوقت فينا جار سبعة سنين مالمع فيك بارق @@ مات الحلال ويبست الاشجار جرتي علي وانا معذي جنابك @@ واليوم سكنك شاوي وحمار حاميك انا يانجد بالرمح والقنا @@ في لابة تسقي الخصيم امرار حنا شبات الحرب صبيان وايل @@ ملجأ الضعيف مدلهين الجار حنا أهل العادات اخوان بتلا @@ الى جفتنا الدار نلقا لنا دار <البيت يؤكد ان قبيلة عنزه لاتقطن بمكان معين بل ترهي على ابلها وتطرد خلف المرعى اينما كان لاجارت علينا الديرة وامحلت @@ نلقا لنا ابدار العدو معبار نجي على وضح النقا ونرهب العدا @@ ما كننا الا يمهم زوار يانجد شفي فيك طيرة وعيرة @@ وغمر الحطب لاحط فوق النار أقفيت من عندك بنمرا ضرية @@ عسامها يغطي الجبال اغبار أدنا منازلنا بوادي النعايم @@ واقصى منازلنا بغار انشار هل تريد اثبات اقوى من ذلك ؟؟؟؟ وللمعلوميه انا اتيت قصيده عبدالله بن ماجد الهذال واتيت بقصيده للأبنة امير صبح من بني سالم من قبيلة حرب ( لكي اثبت لك ان في تلك الفتره الجميع يعرف سبب هجرة عنزه سواء من قبيلة حرب او عنزه او سائر القبائل والقصائد كثيره لكن اتيت بااثنتين كرد قوي على كلامك وعلى قصائد لم نسمع بها الا منكم حتى لو انسبتموها الينا وبخصوص آخر كلامك حينما قلت ياعقاب هذي حجة الضعيف انا سوف ارد عليك بهذه القصائد المذكوره اعلاه بسبب الهجره اما بخصوص جملتك ( حجة الضعيف ) انا لاانزل نفسي الى مهاترات والفاظ لايقبلها احد لنفسه والسبب لأن معدني واصلي لايسمح لي اتلفظ بهذه العبارات والسلام مسك الختام |
|||||
|
|
|
|
|
|
|
|
|
|
|
19-Dec-2006, 07:57 PM
|
رقم المشاركة : 49 | |||||
|
وعلى فكره يااخ راع العرف انا متصفح جيد في هذا المنتدى في جميع اقسامه فلفت انتباهي
انك اكثر عضو محتج؟؟ مثل الموضوع الذي كان عنوانه مارق والضبط والموضوع الاخر الثعاليه يقتلون عوض ابو راسين من اشهر فرسان حرب الخ000 فااكثر من موضوع محتج على مصداقيته هذا يدل على تعصبك الشديد وانك لاتريد اي حرف يذكر ضد قبيلتك بالرغم ان الرجال العقلاء يعرفون تمامآ ان المعارك يوم لصالح قبائلهم ويوم ضدهم وصراحه لم افهم ماذا تفكر به هل تطالب الجميع باإن يقول حرب القبيله الوحيده الذي لم تهزم ؟؟ يااخي انا مشارك في منتدى شمر واقرا معارك بين شمر وعنزه بااقلام من اشخاص من قبيلة شمر وارد عليهم لاهنتم ويعطيك العافيه لأني اعلم جيدا ً المعركه هزمنا فيها وكذلك حينما اذكر معركه انتصرت فيها عنزه على شمر يردون بنفس الرد ويقولون لاهنت على هالنقل وفي انتظار جديدك لأنهم يعلمون ان المعارك يوم لك ويوم عليك لكن انت مانت مقتنع بالطيب بالقوه تبي قبيلتك ماتنهزم هذا والله ولي التوفيق |
|||||
|
|
|
|
|
|
|
|
|
|
|
20-Dec-2006, 03:43 AM
|
رقم المشاركة : 50 | |||||
|
الاخ عقاب العنزي
لاالومك على حميتك لقبيلتك عنزه فوالله ان دل هذا انما يدل على ان هناك رجل وافي لقبيلته ويريد الذود عنها وتستاهل عليها حبة خشم ولكن عندي لك سؤال : لو اجيب لك ابيات شعر للشاعر محمد الحداري واسمعها لك وش بتسمع ماراح تسمع الا الهجاء اللاذع لقبيلة عنزه وهذا الشيئ وش اسمه هل اسمه مدح ام شتم وسب ثاني شي هذي قصايد بين اثنين وعيال قبايل اللي هم عبد الرحمن ابن معيتق العنزي ومحمد الحداري الحربي الاول مات الله يرحمه ويغفرله ولايجوز عليه الا الرحمه وندم اشد الندم قبل وفاته رحمه الله لما سببه من عنصريه بين ابناء القبيلتين وطبعا ً هو اللي بدا الله يرحمه والثاني حي ومتندم اشد الندم على ماقاله على قبيلة عنزه ولي صلة قرابه فيه وسمعتها من لسانه وهو يقول سمعت بعد نهاية قصايد حرب وعنزه بسنين ا ن ابن معيتق مريض وبالمستشفى ومشرف على الموت يقول وقلت في نفسي لازم اروح ازوره ويقول بدون شعور مانتيهت لنفسي الا وانا عنده ويوم جيته وسلمت عليه قال انت مين قلتله انا رفيقك ولاعرفني ويوم قلت له اسمي وهو يجلس يبكي ويقول سامحني على ماسويت وقال انا مسامحك بس انت سامحني وسامحه>>> تلاحظ معي ان الحقد امتد للقبيلتين بسبب شاعرين الكل منهم اخذ يظهر عيوب قبيلة الثاني لسنين المهم انهم تصافوا قبل وفاة ابن معيتق ولكن هل يبقى اتوقع انه عاقل يردد هذه القصائد اللي ماخوذ خيرها وهل الشاعر محمد الحداري مدح قبيلة عنزه حتى نزعل حنا لاحاقدين على عنزه ولاشي الحداري جاب اللي عنده وابن معيتق جاب اللي عنده والموضوع انتهى والظلم وانا اخوك شين وابن معيتق قابل ربه وهو يوم قصد عمم على قبيله كامله ماسمى شخص بعينه وانت اللي قلته بهاكلموضوع تعميم واكيد اذا بتقول بقبيلتي قصايد وبتستنقصها وبتعمها بالردى باازعل وابسوي وافعل وهذا اعتداد بالنفس وحنا لنا وزننا بين القبايل واللي مايزعل من الاهانه ماهو رجال واعتقد لو اجيب لك بيت واحد لمحمد الحداري بعنزه والله ماتمرح الليل من القهر هذا بالنسبه لاابن معيتق وانا بااعطيك نصيحه ياعقاب الامور ذي مايفتخر فيها الا الناقص هالقصايد السب والشتم يعتز فيها الناقص وماخوذ خيرها كلن فيه حقه من الاجواد لاتحاقر الرجاجيل ياكلونك واما كتاب ابطال من الصحراء جا فيه محمد السديري الله يرحمه وذكر هزايم لحرب بطريقه استنقاصيه وغير الحقايق فيه والهزيمه ماتزعل احد هذي هي الحرب نصر وهزيمه حنا نقول لك ان الكتاب فيه معلومات مغلوطه ماقلنا حنا انتصرنا على عنزه والكتاب حطها هزيمه حنا نعترف ان المعركه اللي بالكتاب انهزم فيه قسم من قبيلة حرب وليس قبائل حرب مثل ماذكر السديري وكتاب ابطال من الصحراء ذكر معركتين لحرب مع عنزه الاولى هزيمه لقسم من حرب الثانيه انتصار لقبيلة حرب عى عنزه ولكن ذكر هزيمة حرب بالتفصيل وبالقصائد اللي تخص عنزه هنا مافي مشكله بعدين ذكر انتصار حرب على عنزه ولم يذكر قصيدة الطرف الآخر عرفت تحيزالسديري لعنزه وبالنسبه لبيت الشعر ماازعلنا بيت الشعر لانه قاله عبد ابن هذال بقصيدته يوم انتصرت حرب على عنزه بمعركة الحناكيه يقول وأقفـو عليهـم ناطحيـن الــــــــــــدبـايـل""مثـل القطيـع الـي تحوفـة ذيابـة يقصد عنزه والبيت اللي قاله السديري ماازعلنا هو كتبها كتابه وهل يعقل ان توصف قبيله كامله بهذا الوصف علما ً انه كلام والكلام لاينقص من قيمة احد شيئ ولكن اللي يده بالنار ماهو مثل اللي يده بالما وانت نفسك ياعنزي لو وصفت قبيلتك بهذا الوصف لن ترضى وستغضب وهذا طبيعي جميع القبائل تغضب وتزعل ولكن هل على قبيلة عنزه لاوالله معاذ الله لكن على شخص بعينه ولانعمم على اناس بخطأ شخص واذا على القصايد عندنا وعندك خير ............ بخصوص كلامك اني اعترض على كل شي انا صراحه اعترف ان حرب قبيله تنتصر وتنهزم مثلها مثل قبايل الجزيره العربيه ولكن ارد اذا جاب احد قصه وذكر انتصاره ولاذكر انتصار الخصم ,, مثلا ً انتصرت قبيلة س على قبيلة ص ولكن قبيلة ص عادت وهزمت قبيلة س يجي واحد يقول انتصرت قبيلة سين على قبيلة ص ويسكت عندها اجي ان وكملها واقول وعادت قبيلة ص وهزمت قبيلة س عرفت بعض ردودي ليه اعارض فيها ......... بعدين معركة الحناكيه وقصة جلاء عنزه : صراحه انت متذبذب مره تقول جلوا عنزه من الدهور ومره تقول من قصيدة بنت شيخ صبح اللي مدري من وين ملفقها صراحه اثبت لي انك مفلس من الاثبات وانا جبت لك القصايد اللي انت طلبت لكنك ابيت ان تصدقها لااعلم لماذا وان هجيت من ابن هذال جتك قصيدة برجس وان هجيت من قصيدة برجس جتك اللي بكتاب الهمداني وان استغرب من عدم اقرارك مع ان كل الشواهد تثبت الحقيقه وصراحه بعد تذبذبك بردك الاخير امتنع عن الرد عليك ولكن يبقى لي عليك حق التحيه لحميتك ولتعصبك لبني جلدتك ولكن تبقى اجلاءتهم من الحجاز لاغبار عليها علما ً ان اجلاءتهم من نجد ايضا ً لاغبار عليها ....... تحياتي ....... اشكر ادارة منتدى عتيبه الهيلا على سعة صدورهم ..... راع العرف مع دربه مشى عســاس ** يبا ينصى له اجواد ٍ شقـــــرديه ولااحب الردي لالاولا الاخــــــساس ** ولاانصى الامن ابه الطيب ماريه رفيق ٍ لي من عتيبه عريب الساس ** هذا من روس برقا صافي الــنيه |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
| انواع عرض الموضوع | |
|
|
 |
 |
العرض العادي
