شيخ قومٍ يزيد الطيب من زود طيبه!!! القريب يتفضل

[عيد بن مرضي]

درهمي ياهجوس الفكر والليل ساري=ماصلك يم رجمٍ يقنب الصوت ذيبه
والله أني مع الأجواد كاتب وقاري=شيخ قومٍ يزيد الطيب من زود طيبه

[الحوووووت]

حضر الهاجس الي سمع حالت طواري=بعد ماسمع صوت الذيب جاوب قنيبه
والله اني ماعامل غير بنكن تجاري=مير وين الصحيب الي يقدر صحيبه

[عيد بن مرضي]

ليه تنقل صميلك في عدود المطاري=الزم الدار دامك تحت نخوة عتيبه
ترتجي سنبله من حال زاده عواري=لاتجي في محلٍ فيه شكٍ وريبه

[الحوووووت]

هب يالاأنتل الي سلقطك في دياري=هنا هناك لي سمعه وصيتن و هيبه
كل تاجر يحل بسوق بايع وشاري=مير من يصبغ اللحيه يبا ابان شيبه

آخر تعديل الحوووووت يوم 30-Oct-2009 في 01:01 AM.

[عيد بن مرضي]

مايذل الشجاع ومتحزم بالسواري=لانوى رأس شيخِ من دياره يجيبه
ماجهلنّا حديث الترمذي والبخاري=واختلفنّا على سكان جده وطيبه

[الحوووووت]

صاحبي في مساره يعترض في مساري=مير راع الشبح مني لاياخذ ضريبه
أنت دكتور لكن قدم الاستشاري=أرسم الرمز حضك يوم جاكم طبيبه

آخر تعديل الحوووووت يوم 30-Oct-2009 في 01:54 AM.

[الحوووووت]

الليل يا عيد وينك ؟

[عيد بن مرضي]

المعذره يالحوووووت


غداً لنا تكمله بأذن الله

[الحوووووت]

عادي ياطويل العمر الله معاك

[معجب العتيبي]

الحوت وعيد


صحة السنتكم


طاروق حماسي

التوقيع