درهمي ياهجوس الفكر والليل ساري=ماصلك يم رجمٍ يقنب الصوت ذيبه
والله أني مع الأجواد كاتب وقاري=شيخ قومٍ يزيد الطيب من زود طيبه

حضر الهاجس الي سمع حالت طواري=بعد ماسمع صوت الذيب جاوب قنيبه
والله اني ماعامل غير بنكن تجاري=مير وين الصحيب الي يقدر صحيبه

ليه تنقل صميلك في عدود المطاري=الزم الدار دامك تحت نخوة عتيبه
ترتجي سنبله من حال زاده عواري=لاتجي في محلٍ فيه شكٍ وريبه

هب يالاأنتل الي سلقطك في دياري=هنا هناك لي سمعه وصيتن و هيبه
كل تاجر يحل بسوق بايع وشاري=مير من يصبغ اللحيه يبا ابان شيبه

مايذل الشجاع ومتحزم بالسواري=لانوى رأس شيخِ من دياره يجيبه
ماجهلنّا حديث الترمذي والبخاري=واختلفنّا على سكان جده وطيبه

صاحبي في مساره يعترض في مساري=مير راع الشبح مني لاياخذ ضريبه
أنت دكتور لكن قدم الاستشاري=أرسم الرمز حضك يوم جاكم طبيبه