قرارة نجد للشاعر مطلق الحبردي

[مشاري الحبردي]

قصيدة للشاعر مطلق بن هادي الحبردي :

ياليتني خاويت ربعن طراريش = ومعهم تنشقت النسيم الذعاذيع
ودي بشوف أديار ربعن مداهيش = وشوفة هضابه وأبرق الخيل والريع
شوفة قرارة نجد ملفى الهتاتيش = ديرة رجالٍ بالوفا ذكرهم ذيع
دارن كسبناها على حزّب الجيش = وعنها معدين الرجال الطماميع
لعل يسقيها سحابٍ مراهيش = يظفي على كل الوطن والمرابيع
لينن سيله يركب الحزم والهيش= وبعده يصير العشب نبته تناويع
حتى تزين الفاطر أم العكاريش = وتلقى الزبيدي فالمحاجر مصاليع
ياطير ياللي بالهواء تنفض الريش = مالك على مرتع أربوعي مراميع
ماتوصل المكتوب ياطير وتعيش = أيضا وتعطيـني ردود المواضيع
بلغ تحياتي رجالٍ مداغيش = وحتى نساهم والصغار المراضيع
ربعي عيال العود ماهم دراويش = ألآد روق منزحين البواتيع
هم عزوتي وأن صار بالجو تشويش= وهم درعي الواقي سيوفٍ قواطيع