ياليتني خاويت ربعن طراريش = ومعهم تنشقت النسيم الذعاذيع
ودي بشوف أديار ربعن مداهيش = وشوفة هضابه وأبرق الخيل والريع
شوفة قرارة نجد ملفى الهتاتيش = ديرة رجالٍ بالوفا ذكرهم ذيع
دارن كسبناها على حزّب الجيش = وعنها معدين الرجال الطماميع
لعل يسقيها سحابٍ مراهيش = يظفي على كل الوطن والمرابيع
لينن سيله يركب الحزم والهيش= وبعده يصير العشب نبته تناويع
حتى تزين الفاطر أم العكاريش = وتلقى الزبيدي فالمحاجر مصاليع
ياطير ياللي بالهواء تنفض الريش = مالك على مرتع أربوعي مراميع
ماتوصل المكتوب ياطير وتعيش = أيضا وتعطيـني ردود المواضيع
بلغ تحياتي رجالٍ مداغيش = وحتى نساهم والصغار المراضيع
ربعي عيال العود ماهم دراويش = ألآد روق منزحين البواتيع
هم عزوتي وأن صار بالجو تشويش= وهم درعي الواقي سيوفٍ قواطيع

المشاركة الأصلية كتبت بواسطة ابن صنهوت (المشاركة 933320) ربعـي عيـال العـود مـاهـم دراويــش ....ألآد روق مـنــزحــيــن الــبــواتــيــع هم عزوتي وأن صار بالجو تش .........ويشوهم درعـي الواقـي سيـوفٍ قواطيـع صح السان مطلق ولاهنت يا مشاري بيض الله وجهك لاهنت