عبدالعزيز العازمي .. يسأل فواز العزيزي .. عن سبب تدني مستواه في الاونه الاخيرة ..!

[وافي الخماش]

السلام عليكم ..


محاورة اقيمت .. في احد المنتديات الادبية ..



تاريخ ..


6/9/1430هـ

عبدالعزيز العازمي × فواز العزيزي





..







عبدالعزيز العازمي



يامرحبا بين السما والارض من فوق السحاب
أمـا توصلـك الفضـا والا تـردك للثـرى

العام يافواز أشوفك مثل ابـن غانـم ذيـاب
واليوم يافواز ما أشوفك وانـا عينـي تـرى




فواز العزيزي

دام البقا وانا مكاني مع عزيزيـن الجنـاب
وانته عليك الله وامانه كل ماليلـك سـرى

كم واحد ن ماشافني لكن حاسب لي حساب
لكن حج مع الحجيج اللي يجون ام القـرى




عبدالعزيز العازمي

خل التسيد ما تحصل لا طعام ولا شـراب
ان كان مافكرت فحزامك ورديـت البـرى

حتى ولو تحظر حظورك ما يعوض فالغياب
يامل عينك كل ماحاولت حاربهـا الكـرى




فواز العزيزي

لابـارك الله فالـدروب اللـي نهايتهـا عــذاب
ولابـارك الله فالعـلـوم الـلـي نهايتـهـا زرى

لا طار ريش الصقر وش مكسبك من ريش الغراب
يامن على جبريل تبكي وانـت ماتعـرف حـرى







عبدالعزيز العازمي

ترى زكاة المال ما تخرج قبل يكمل نصـاب
عسى الزكاه الغاليه فالبيـع والا المشتـرى

الشيب ماهو عيب مير الطيب في عز الشباب
ومطير للألحاد لو عاشو مشايـخ واومـرى




فواز العزيزي

ياصاحبي بعض الظروف تشيبك وانته شباب
تقدمك خطوه وترجع بك ميـة خطـوه ورى

مطير سوو خير فاهل الخير ماسوو خـراب
كانك تخاف الموت كل الناس فالموت خشرى

آخر تعديل وافي الخماش يوم 31-Aug-2009 في 04:30 AM.