الهيـــــــــــــلا *** منتدى قبيلة عتيبة - عبدالعزيز العازمي .. يسأل فواز العزيزي .. عن سبب تدني مستواه في الاونه الاخيرة ..!

عبدالعزيز العازمي .. يسأل فواز العزيزي .. عن سبب تدني مستواه في الاونه الاخيرة ..!

السلام عليكم ..

محاورة اقيمت .. في احد المنتديات الادبية ..

تاريخ ..

6/9/1430هـ

عبدالعزيز العازمي × فواز العزيزي

..

:)

عبدالعزيز العازمي

يامرحبا بين السما والارض من فوق السحاب
أمـا توصلـك الفضـا والا تـردك للثـرى

العام يافواز أشوفك مثل ابـن غانـم ذيـاب
واليوم يافواز ما أشوفك وانـا عينـي تـرى

فواز العزيزي

دام البقا وانا مكاني مع عزيزيـن الجنـاب
وانته عليك الله وامانه كل ماليلـك سـرى

كم واحد ن ماشافني لكن حاسب لي حساب
لكن حج مع الحجيج اللي يجون ام القـرى

عبدالعزيز العازمي

خل التسيد ما تحصل لا طعام ولا شـراب
ان كان مافكرت فحزامك ورديـت البـرى

حتى ولو تحظر حظورك ما يعوض فالغياب
يامل عينك كل ماحاولت حاربهـا الكـرى

فواز العزيزي

لابـارك الله فالـدروب اللـي نهايتهـا عــذاب
ولابـارك الله فالعـلـوم الـلـي نهايتـهـا زرى

لا طار ريش الصقر وش مكسبك من ريش الغراب
يامن على جبريل تبكي وانـت ماتعـرف حـرى

عبدالعزيز العازمي

ترى زكاة المال ما تخرج قبل يكمل نصـاب
عسى الزكاه الغاليه فالبيـع والا المشتـرى

الشيب ماهو عيب مير الطيب في عز الشباب
ومطير للألحاد لو عاشو مشايـخ واومـرى

فواز العزيزي

ياصاحبي بعض الظروف تشيبك وانته شباب
تقدمك خطوه وترجع بك ميـة خطـوه ورى

مطير سوو خير فاهل الخير ماسوو خـراب
كانك تخاف الموت كل الناس فالموت خشرى

لاهنت اخوووي واافي

اقتباس:

المشاركة الأصلية كتبت بواسطة المرقاااب (المشاركة 910226)

لاهنت اخوووي واافي

..

ولا انت ..

شكراً ع ـالتواجد ..

..

نقل موفق يالوافي ..

وصحت ألسن الشعار ..

اقتباس:

المشاركة الأصلية كتبت بواسطة قادح شرار (المشاركة 910312)

نقل موفق يالوافي ..

وصحت ألسن الشعار ..

ارحب ..

يا .. قادح ..

لاهنت ع ـالتواجد ..

اقتباس:

المشاركة الأصلية كتبت بواسطة ضاامي وفااا (المشاركة 910454)

http://www.samysoft.net/forumim/shokr/1/sdfsdfs.gif

وفيك ..

لآهنت ع ـالتواجد ..

اقتباس:

المشاركة الأصلية كتبت بواسطة وافي الخماش (المشاركة 910202)

لابـارك الله فالـدروب اللـي نهايتهـا عــذاب
ولابـارك الله فالعـلـوم الـلـي نهايتـهـا زرى

لا طار ريش الصقر وش مكسبك من ريش الغراب
يامن على جبريل تبكي وانـت ماتعـرف حـرى

الله الله الله

فواز شاعر قوي ويسير في خطى ثابته وواثقه وعلاقته طيبه مع جميع الشعار

للأمانه تستهويني محاورات هذا الشاعر الجميل

وبدون قصور في الشاعر الكبير // عبدالعزيز العازمي خليفة حبيب العازمي

وافي الخماش

بيض الله وجهك على انقل الموفق

طيب ولا تجيب الا طيب

تقبل تحياتي

ابو فيصل الحربي

فوااز
لا طار ريش الصقر وش مكسبك من ريش الغراب
يامن على جبريل تبكي وانـت ماتعـرف حـرى

عبدالعزيز

الشيب ماهو عيب مير الطيب في عز الشباب
ومطير للألحاد لو عاشو مشايـخ واومـرى

فوااز
ياصاحبي بعض الظروف تشيبك وانته شباب
تقدمك خطوه وترجع بك ميـة خطـوه ورى

مبدعين

وصحت السنتهم

محاورة رااائعه

ولاهنت

ياوافي الخماش

على النقل الجميل.

محاورة مميزة