طائر الاشجان !! طاروق خفيف

[سلطان بن دحيم]

يا طاير الاشجان وش رايك بطاروق(ن) خفيف = نبى نسولف ونتناقش فالقضايا كلها
الله خلق خلقه وفيهم مبصر وفيهم كفيف = وناس(ن) تضيع القايله يا ناس وش نعملها

[طائر الاشجان]

الله الله

سولف وانا وياك ياسلطان للمجلس نضيف = كل العلوم الي ندٌور للمشاكل حلها
وش عاد ترجي من ردي الحظ والحال الضعيف = ماهو بزايد خير لكن القلوب يعلها

[سلطان بن دحيم]

المشاركة الأصلية كتبت بواسطة طائر الاشجان

الله الله

سولف وانا وياك ياسلطان للمجلس نضيف = كل العلوم الي ندٌور للمشاكل حلها
وش عاد ترجي من ردي الحظ والحال الضعيف = ماهو بزايد خير لكن القلوب يعلها

الاوله لازم يجازا من يبنط فالرصيف = من يشان يصحى للدروب الواسعه ويدلها
والثانيه وش واجب الجندي من اخوه العريف = اللي تمر ايام واحواله ما احد يفطلها

[طائر الاشجان]

ياصاحبي بعض البشر مايردعه حدٌ الرهيف = من يوم عاشت فوق وجه الارض هذا دلها
الي حدا عن سكة الاجواد فاليوم الكليف = اخير له يقعد عوين الي تغزٌل غزلها

[سلطان بن دحيم]

المشاركة الأصلية كتبت بواسطة طائر الاشجان

ياصاحبي بعض العرب مايردعه حدٌ الرهيف = من يوم عاشت فوق وجه الارض هذا دلها
الي حدا عن سكة الاجواد فاليوم الكليف = اخير له يقعد عوين الي تغزٌل غزلها

اليا لقا الصمله وشاف الوضع قدامه مخيف = والله ليركد والاوامر كلها يذعنلها
فريقنا واحد ما قسم بين اساسي ورديف = والناس فيها ناس ما ترسل ولو نرسلها

[طائر الاشجان]

انا ادري انك تبذل المجهود يا عبداللطيف = مير البطاله زياده والخير مايحصلها
اهم حاجه لا لقيت الوجه والقلب النظيف = احرص عليها والعلاقه لاتطوي حبلها

[سلطان بن دحيم]

المشاركة الأصلية كتبت بواسطة طائر الاشجان

انا ادري انك تبذل المجهود يا عبداللطيف = مير البطاله زياده والخير مايحصلها
اهم حاجه لا لقيت الوجه والقلب النظيف = احرص عليها والعلاقه لاتطوي حبلها

كل(ن) يجازا بعمله والي مشا السلم الشريف = من حقه يوصل ديار(ن) غايته ياصلها
حنا نبى الوحده لجل نرقا على الضلع المنيف = ونزيد غل اهل الكبود اللي قديم(ن) غلعها

[محمد النخيش]

الله الله



مبدعين



صح ألسنتكم

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[سلطان بن دحيم]

ابو غازي

صح بدنك

لاهنت على المرور

[طائر الاشجان]

متى تعوٌد حرٌة الروقه مثل جنة جنيف = يمكن بعد يوم القيامه ماهو طنيٌ قبلها
الواقع ان الجرح غاير والدوا زاد التزيف = ان كان مالله ردٌها من رحمة ٍ تنزلها

سلطاان ولله ماعاد اشوف من النوم والصلاه جاتنا

صح لساانك وتشرفت بمجاراتك والليالي مقبله

تصبح على خير