يا طاير الاشجان وش رايك بطاروق(ن) خفيف = نبى نسولف ونتناقش فالقضايا كلها
الله خلق خلقه وفيهم مبصر وفيهم كفيف = وناس(ن) تضيع القايله يا ناس وش نعملها

سولف وانا وياك ياسلطان للمجلس نضيف = كل العلوم الي ندٌور للمشاكل حلها
وش عاد ترجي من ردي الحظ والحال الضعيف = ماهو بزايد خير لكن القلوب يعلها

المشاركة الأصلية كتبت بواسطة طائر الاشجان (المشاركة 847246) الله الله سولف وانا وياك ياسلطان للمجلس نضيف = كل العلوم الي ندٌور للمشاكل حلها وش عاد ترجي من ردي الحظ والحال الضعيف = ماهو بزايد خير لكن القلوب يعلها

الاوله لازم يجازا من يبنط فالرصيف = من يشان يصحى للدروب الواسعه ويدلها
والثانيه وش واجب الجندي من اخوه العريف = اللي تمر ايام واحواله ما احد يفطلها

ياصاحبي بعض البشر مايردعه حدٌ الرهيف = من يوم عاشت فوق وجه الارض هذا دلها
الي حدا عن سكة الاجواد فاليوم الكليف = اخير له يقعد عوين الي تغزٌل غزلها

المشاركة الأصلية كتبت بواسطة طائر الاشجان (المشاركة 847255) ياصاحبي بعض العرب مايردعه حدٌ الرهيف = من يوم عاشت فوق وجه الارض هذا دلها الي حدا عن سكة الاجواد فاليوم الكليف = اخير له يقعد عوين الي تغزٌل غزلها

اليا لقا الصمله وشاف الوضع قدامه مخيف = والله ليركد والاوامر كلها يذعنلها
فريقنا واحد ما قسم بين اساسي ورديف = والناس فيها ناس ما ترسل ولو نرسلها

انا ادري انك تبذل المجهود يا عبداللطيف = مير البطاله زياده والخير مايحصلها
اهم حاجه لا لقيت الوجه والقلب النظيف = احرص عليها والعلاقه لاتطوي حبلها

المشاركة الأصلية كتبت بواسطة طائر الاشجان (المشاركة 847260) انا ادري انك تبذل المجهود يا عبداللطيف = مير البطاله زياده والخير مايحصلها اهم حاجه لا لقيت الوجه والقلب النظيف = احرص عليها والعلاقه لاتطوي حبلها

كل(ن) يجازا بعمله والي مشا السلم الشريف = من حقه يوصل ديار(ن) غايته ياصلها
حنا نبى الوحده لجل نرقا على الضلع المنيف = ونزيد غل اهل الكبود اللي قديم(ن) غلعها

متى تعوٌد حرٌة الروقه مثل جنة جنيف = يمكن بعد يوم القيامه ماهو طنيٌ قبلها
الواقع ان الجرح غاير والدوا زاد التزيف = ان كان مالله ردٌها من رحمة ٍ تنزلها