الشاعر ضيف الله عماش العتيبي في برنامج شاعر العرب

[عبدالرحمن العضياني]

يشارك هذه الأيام شاعرنا الرائع ضيف الله عماش العضياني العتيبي في برنامج شاعر العرب في دورته الثانيه والمُقام في الكويت ويبث على تلفزيون قناة رواسي وكانت حلقة الشاعر ضيف الله العتيبي يوم الخميس الماضي وبقصيدة حلم السنين أعتلى الشاعر ضيف الله عماش العتيبي صهوة المسرح وقدم إلقاءاً حماسياً ووصفه الفليح بالشاعر المبدع والمتمكن وقال عنه بن شلاح أن أدواته كاملة ويتمتع بالشاعرية العالية ووصف الروقي قصيدته بالجميلة والمكتملة .
وقال أحد أعضاء اللجنه قبيله انجبت بندر بن سرور وخلف بن هذال ومستور العصيمي وحبيب العازمي وملفي المورقي حري ها ان تنجنب مثل الشاعر ضيف الله العتيبي نتمنى التوفيق لجميع شعراء العتبان المشاركين

ختامآ هذه قصيدة المشاركه للشاعر ضيف الله عماش العتيبي أتمنى أن تحوز على رضاكم كما حازت على رضى اللجنه

أدور الفرحة علـى هامـش الضيـق =وألقى الأمل ميت على شاطي اليـاس
والمشكله لامـات مـن دون تحقيـق = يبقى الهدف محصور من بين الأقواس
وإن جيت أبكشف مغلقات الصناديـق =أخاف لا تجتاحنـي شرهـة النـاس
السم لو يجـرع علـى فكـة الريـق = أخير من كشف السراير بـلا سـاس
تبدي بي الأفكـار روس الشواهيـق = وتبحر بي الأحلام مع كـل غطـاس
وإليا لزمـت النـوم مـاودي أفيـق = أخذت لي عن ضيقة الصدر مـرواس
حلم السنين اللـي عليـه المواثيـق =قفت به الأيـام مـع كـل نسنـاس
حظي يعاندنـي علـى كـل توفيـق = وأصبحت مما صار لي شايب الراس
أحيان أطيق الصمت وأحيان ماأطيـق = إذا الكلام يترجم شعـور وإحسـاس
ترجمـت ماأكنـه ببـدع الطواريـق = ونظمت عقد(ن) يشبه لعقد الإلمـاس
عقد(ن) يحلق في سما الشعر تحليق= ماسطروه اللي على بنـك الإفـلاس
ولو الكـلام يمـر مـن دون تدقيـق= كل(ن) لبس له ثوب من دون مقياس
الهـم غبـة والأمـانـي زواريــق =والدمع مثل الحبـر والخـد قرطـاس
نتايـج أحـداث المعانـاه والضيـق = اللي وطنها الصدر مع كـل الأنفـاس

[/poem]

[علي الحبابي]

كان مبدع جدا ماشاء الله عليه

وبالفعل كانت الحلقه مميزه

[الــــوافـــي]

الله يوفقه في مشواره وحنا مع ولد عمنا ويبشر ضيف الله كل خير وحنا معه
والله يوفقه

[عبدالرحمن الهيلوم]

بالتوفيق له

والله يسدد خطاه

[الجوراسي]

بالتوفيق له

ويجب مسانته حتى يصل الحلقة النهائية

[أبونواف]

نتمنى له التوفيق ..

[** أبو ندى **]

مشكوووووووور

[محمد العتيبي]

الله يبّض وجه الشاعر المبدع / ضيف الله بن عماش العتيبي

قصيده تفوق الوصف ..

نتمنى له التوفيق
...

التوقيع

للتواصل عبر twitter تويتر al_bargawy@

[مشاري]

قصيده رااائعه من شاعر متمكن.

بالتوفيق لأبو عماش ولو أني ارى بأنه كان الافضل يشارك الموسم القادم بشاعر المليون بدلاَ من هذا البرنامج القليل الفائده والشهره..


تحيتي

[@ـايل]

ياسلااام ...

ماشاء الله عليه ...وصح لسانه ...

وموفق خير ان شاء الله ...

لاهنت اخوي عبدالرحمن العضياني ...والله يعافيك...

...........

التوقيع

تويتر : AlHooL@