ياشبابه شدووو الحيييل

[االسناني]

السلام عليكم جميع.......ومساكم الله بالخير

هذي اول مشاركه.........مع ها الطاروق..

بدايه من الضيفان عند المعازيب=انا ضيف من خنذف بحلة شبابه
سلامي على عتيبه هل العرف والطيب=رجال(ن)لهم بالوقت قدر ومهابه

[طائر الاشجان]

عليكم السلام هلا وغلا حياك الله بالنيابه عن اعضاء المنتدى

نصيت الرجال الي تردٌ المطاليب = وشرواك حقه مثل حق القرابه
هلا مرحبا والضيف يلقى المواجيب = بعد جيت في حلة ربوعي عتابه

[االسناني]

الله يبقيك ويبارك فيك.......

على كل ديره تطلع الشمس وتغيب=وحقي على الي قالها بالنيابه
يدوم البقى بالي يرد التراحيب=وكلن على قده تفصل ثيابه

[فايز بن سرحان الثبيتي]

السناني صح لسانك

وبيض الله وجهك

بداية تبشر بخير

ومرحبا فيك



طائر الاشجان رد وافي ماشاء الله

صح لسانك

ولا هنت

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[االسناني]

الثبيتي صح بدنك

وجهك ابيض


والخير بوجودك وجود شرواك........


البقااااااااااااااااااااااابك يالذيب

[طائر الاشجان]

ترانا نعرف الواجب ونعرف العيب = وبيت الكرم مفتوح ماصك بابه
ولا يالسناني قبل فتل الاشانيب= ترا مايحوف الذيب غير الذيابه

[طائر الاشجان]

ابن سرحان

صح بدنك شرفت ونورت

[االسناني]

تقوله وانا ماقلت فيكم عذاريب=وتبقى الحقيقه واضحه من جوابه
وانا عارف ان الذيب ماياكل الذيب=ياطير السعد عينك لبرق السحابه

[طائر الاشجان]

تحط العقارب داخل الكمٌ والجيب = تحسب العيون مربطه بالعصابه
انا اقدٌم النيه على الشك والريب = ونترك خطا الطيٌب وناخذ صوابه

[االسناني]

بعد جابك الله فوق رووس المراقيب=وكلآ على الطرقه مولم زهابه
يطيح المطر بكره وتصفى المشاريب=تسيل الجبال العاليه بالشعابه