بدايه من الضيفان عند المعازيب=انا ضيف من خنذف بحلة شبابه
سلامي على عتيبه هل العرف والطيب=رجال(ن)لهم بالوقت قدر ومهابه

نصيت الرجال الي تردٌ المطاليب = وشرواك حقه مثل حق القرابه
هلا مرحبا والضيف يلقى المواجيب = بعد جيت في حلة ربوعي عتابه

على كل ديره تطلع الشمس وتغيب=وحقي على الي قالها بالنيابه
يدوم البقى بالي يرد التراحيب=وكلن على قده تفصل ثيابه

ترانا نعرف الواجب ونعرف العيب = وبيت الكرم مفتوح ماصك بابه
ولا يالسناني قبل فتل الاشانيب= ترا مايحوف الذيب غير الذيابه

تقوله وانا ماقلت فيكم عذاريب=وتبقى الحقيقه واضحه من جوابه
وانا عارف ان الذيب ماياكل الذيب=ياطير السعد عينك لبرق السحابه

تحط العقارب داخل الكمٌ والجيب = تحسب العيون مربطه بالعصابه
انا اقدٌم النيه على الشك والريب = ونترك خطا الطيٌب وناخذ صوابه

بعد جابك الله فوق رووس المراقيب=وكلآ على الطرقه مولم زهابه
يطيح المطر بكره وتصفى المشاريب=تسيل الجبال العاليه بالشعابه