عدّ همّال الخيال اللي تلوح بروقه= مرحبا بك يا المراقب ( حاكم الغنّامي )

[علي فلاح العضياني]

عدّ همّال الخيال اللي تلوح بروقه= مرحبا بك يا المراقب ( حاكم الغنّامي ) !!!
حاكم اللي ما عطيته واجبه و حقوقه=ما أبرك من اللحظه اللي جابته قدّامي

التوقيع

(( رأس الحكمه مخافة الله ))

[عبدالمجيد العطاوي]

اسمحلي يابو فلاح لكنّ ميقاف حاكم من ميقافي استلم استلم لاهنت ..

البقا بالشاعر اللّي جاب زين اطروقه=قلتها عن صلب جدّي مسندي واحزامي
عادة احقوق الأوادم عندكم مفهوقة=وعندنا حاضر بحاضر .. والسداد ألزامي

[علي فلاح العضياني]

التّعنصر ما نباه يصير بين الروقه= كلبونا ربع و اخوان و عيال أعمامي
ليه مستعجل على واجبك قبل تذوقه ؟=ما دريت أنّه عليه أشارة استفهامي ( ؟؟؟ ؟

[فايز بن سرحان الثبيتي]

ليه مستعجل على واجبـك قبـل تذوقـه ؟
ما دريت أنّه عليه أشارة استفهامي ( ؟؟؟


ياسلام ياعلي


صح لسانك



وصح لسان العطاوي


متابع

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[عبدالمجيد العطاوي]

هرجتك منها النفوس المبغضة مزهوقة=وانت لا وقّعتها .. ختّمت انا الأختامي
العرب قالوا ولد مرزوق من مرزوقة=ما يعرف ان الكرم من عادة الأكرامي

[علي فلاح العضياني]

و الله إنّا نعرف الرجال من منطوقه=مار كالعاده قليل العرف ما ينلامي
كبد بعض الناس من نار القهر محروقه=يارد المحروم ضامي ثمّ صدّر ضامي

[عبدالمجيد العطاوي]

يااهل البيت المخرّق رقّعوا بخروقه=قبل يشلح ثمّ لا يشرا ولا ينسامي
نحمد الله ما جلبنا الحسد داخل سوقه=ومن ظلم يابن الكرم لابدّ ما ينظامي

[عبدالمجيد العطاوي]

يابو فلاح ان بغيت تكمّل وان بغيت تنهيها ترا الختام عندك وحنا والله ورانا مدارس وغثاء وبلاء عسى ربّك يهوّتها ...... وتصبح على خير

[علي فلاح العضياني]

اسرج حصانك مع الفرسان و اركب فوقه=أنت أشوفك للمعارك تركز الاعلامي
لا تحمّلّك بحملٍ فيه مالك طوقه=قفّل الموضوع و ارجع للفراش و نامي

[المعتصم بالله]

ههههه اي والله قفل الموضوع

صح الله لسانك يا علي يا عملاق مبدع لاهنت

ولاهان العطاوي