عدّ همّال الخيال اللي تلوح بروقه= مرحبا بك يا المراقب ( حاكم الغنّامي ) !!!
حاكم اللي ما عطيته واجبه و حقوقه=ما أبرك من اللحظه اللي جابته قدّامي

البقا بالشاعر اللّي جاب زين اطروقه=قلتها عن صلب جدّي مسندي واحزامي
عادة احقوق الأوادم عندكم مفهوقة=وعندنا حاضر بحاضر .. والسداد ألزامي

التّعنصر ما نباه يصير بين الروقه= كلبونا ربع و اخوان و عيال أعمامي
ليه مستعجل على واجبك قبل تذوقه ؟=ما دريت أنّه عليه أشارة استفهامي ( ؟؟؟ ؟

هرجتك منها النفوس المبغضة مزهوقة=وانت لا وقّعتها .. ختّمت انا الأختامي
العرب قالوا ولد مرزوق من مرزوقة=ما يعرف ان الكرم من عادة الأكرامي

و الله إنّا نعرف الرجال من منطوقه=مار كالعاده قليل العرف ما ينلامي
كبد بعض الناس من نار القهر محروقه=يارد المحروم ضامي ثمّ صدّر ضامي

يااهل البيت المخرّق رقّعوا بخروقه=قبل يشلح ثمّ لا يشرا ولا ينسامي
نحمد الله ما جلبنا الحسد داخل سوقه=ومن ظلم يابن الكرم لابدّ ما ينظامي

اسرج حصانك مع الفرسان و اركب فوقه=أنت أشوفك للمعارك تركز الاعلامي
لا تحمّلّك بحملٍ فيه مالك طوقه=قفّل الموضوع و ارجع للفراش و نامي