صوت وصدى

[فهيد مقعد الرويس]

اليكم بعد السلام عليكم قصيده وصلتني من نادر النمر ورديت عليها عسى ان تنال شي من الاستحسان

يافهيد لاتنشد عن الحال يافهيد = ناظر غيابي / كل ماله يزودي
كني أنا في حيد ,, والناس في حيد = بعدت حتى صرت بــ ( أقصى ) الحدودي
لو كنت لاراضي .. ولا محصل ٍ فيد = إلآ .. مشاريه ٍ بـ ( صدري ) قعودي
من جد ( ياكم لي ) .. وأنا أعيد وأزيد = علمت لين اليوم باحت سدودي
اللي ذبحني بالوله أتلع الجيد = اللي من عيونه إلين الخدودي
أغيب كلي وأخذ شوي وأعيد = وأرجع أغيب شوي وأصحى وأعودي
وإليا قرب مني وجاله تناهيد = ولديت عيني يم غض النهودي
أغيب أنا وياه ونرروح تأبيد = والعقل يفقدني ويفقد وجودي
هذي 3 سنين بالضبط تأكيد = على النقى حبه يذود ويجودي
هذي 3 سنين بالضبط تحديد = محبة ٍ بـ ( أسمي ) ورمزي وكودي
مصيونه ٍ ماشافها زيد وعبيد = بنت الشيوخ معربين الجدودي
واليوم من دون العلاقه مقاريد = مابين عذال وحقود وحسودي
ولن كان تبغى الصدق ياابن الاجاويد = أنا أختلف جوي / وشكلي / ومودي
يافهيد فيني جابت العيد يافهيد = اللي غلاها كل يوم ٍ يزودي

المردود

من يوم نادر سندا لعلم تسنيد=يمي فلالي عن جوابه صدودي
اختصني من دون كل الاواليد=وانا معه بابذل جميع الجهودي
ماحيدعن لازمك يالنمر ماحيد=وعقّب شنب من لاوفابالوعودي
وهجوس فكري حضّرت للمراديد=ومنّي حسب علمك تجيك الردودي
مال الشدايديالنمرغير صنديد=مثلك عليه الكايده ماتكودي
اصبر وتال الصبر قالوتحاميد=راح الكثير وبأذن ربي تعودي
تعودبعد انك تنول المقاصيد=يم السعوديه مرب السعودي
وشكيت لي من حب عليايابوزيد=والحب يانادر يفت الكبودي
حب الشرف ماينذكربه مناقيد=لكن اله ميثاق سلم وعهودي
كانه معك صادق ظبي الافاريد=لايشحنك راع الحسد والحقودي
ناسً على قولك يانادر مقاريد=لعلهم في مظلمات اللحودي
نبي نشرد حزب الاعوان تشريد=وتحل بامر الله جميع القيودي
لكن وين ديار منتوقت الجيد=ارسل عليه باقيات البنودي
ولاعاد ليه عقب علمك مقاعيد=حتى نفرح خاطرك بالعنودي
الي عليها غاديلك تناهيد=نجيبها بالجاه والاالنقودي
ان قاله الله رغم كل الحواسيد=وتعيش مع جو السعاده ركودي
هذا جواب فهيد واقبل من فهيد=ازكا تحيه من عبير الورودي
واسلم عدد ماغرد الطير تغريد=وماشيفت بروقً وسمعت رعودي

[المهنّــــد]

صح لسانك يافهيد

[فهيد مقعد الرويس]

المشاركة الأصلية كتبت بواسطة المهنّــــد

صح لسانك يافهيد

لاعدمنا تواجدك

المهند وصح بدنك

تقبل اطيب تحيه واجل تقدير

[عبدالله الجـــذع]

فهيد شاعر كبير

صح لسانك ولسان نادر

وعلى القوه


قصيدتان استمتعت بقرائتها كما هي
جل قصائدك الغالي فهيد

ننتظر جديدك

محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فهيد مقعد الرويس]

المشاركة الأصلية كتبت بواسطة عبدالله الجـــذع

فهيد شاعر كبير

صح لسانك ولسان نادر

وعلى القوه


قصيدتان استمتعت بقرائتها كما هي
جل قصائدك الغالي فهيد

ننتظر جديدك

محبك
.,

وجودك ياعبدالله

زاد من الابداع

لاعدمتك

وصح بدنك

تقبل اطيب تحيه