كــبـــتــن عــتــيــبــه ... وتـــركـــي الألــفــيـــن ..

[قادح شرار]

صبّحك الله بالخير ...

واستلم يا خالي :

ألا يا مرحبا بالشاعر اللي كل شِعّره زين = نظمّ ولاّ ملاعب .. كلها يعرف ينسقها
وش اللي ينقصك يا كبتن عتيبه عن الألفين = يا كود الغاية اللي ما قدرت إنك تحققها

[كبتن عتيبه]

الله الله

مـــــــــرحبا بك باقادح شـــــــرار

يدوم الك البقاء وأن افتخر في رفقة الغالين=وأقول أصحابي الغالين جعل الله يوفقها!!
وعام الفين راح وصار عقب الفين تسع سنين=وانا ماخذ حقوقي حاضر الدنيا وسابقها!!

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

آخر تعديل كبتن عتيبه يوم 24-Dec-2008 في 12:53 AM.

[قادح شرار]

الله الله

توكل وأحتزم بالله .. وروح أسبح بحر تسعين = وأنا خابرك شاعر تدعس الحيـّة .. وتسحقها
ألا يا مدّعي بسرور ... وأنته دوم حظك شين = تخاف إن السفينه لو يزيد الحَمّل .. يغرقها

[عبدالله الجـــذع]

الله الله



واصلوا والسهره اظاهر صباحي


مبدعين وربكم الله


محبكم

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[قادح شرار]

المشاركة الأصلية كتبت بواسطة عبدالله الجـــذع

الله الله



واصلوا والسهره اظاهر صباحي


مبدعين وربكم الله


محبكم

.,

حيـّاك الله يا عبدالله ....

ومنوّر الصفحة ....

[كبتن عتيبه]

الله الله

شرارك لايزيد ..ولا تقَرَّب ريحة البنزين=وتالع في جنوبك والثياب البيض تحرقها!!
ليا منّا لقينا القوم ماقلنا الطريق منين=نهار أنك تمد الرجل في دربك وتفهقها!!

[قادح شرار]

إذا إنك صاير ٍ بنزين .. والبنزين له شكلين = تخيّر بين شكلينه ...إذا تقدر تفرّقها
لا والله ضايع و تنشد رجال العرف >>دربي وين؟ = قبل تقلع هاذيك الطايرة ..ياليت تلحقها

آخر تعديل قادح شرار يوم 24-Dec-2008 في 01:26 AM.

[كبتن عتيبه]

الله الله

ولا ياصاحبي باللَه لا تلعب على الحبلين=ووقَّت ساعتك مثل العرب واظبط دقايقها!!
ترانا مانحط افلوسنا في منتجات الصين=ما نشري غير الاصلي والعرب نعرف حقايقها!!

[عبدالله الجـــذع]

الله

متابعين للصبح



ابداااااع

[قادح شرار]

سوالفنا تراها دارجه مابين ..قسّي ولين = تحت ظل المزون اللي يسرّ العين بارقها
وأنا بنشدك عن راع التميس اللي تعرفه زين = مايدري بأن رب الكون فوق الخلق .. يرزقها