ألا يا مرحبا بالشاعر اللي كل شِعّره زين = نظمّ ولاّ ملاعب .. كلها يعرف ينسقها
وش اللي ينقصك يا كبتن عتيبه عن الألفين = يا كود الغاية اللي ما قدرت إنك تحققها

يدوم الك البقاء وأن افتخر في رفقة الغالين=وأقول أصحابي الغالين جعل الله يوفقها!!
وعام الفين راح وصار عقب الفين تسع سنين=وانا ماخذ حقوقي حاضر الدنيا وسابقها!!

توكل وأحتزم بالله .. وروح أسبح بحر تسعين = وأنا خابرك شاعر تدعس الحيـّة .. وتسحقها
ألا يا مدّعي بسرور ... وأنته دوم حظك شين = تخاف إن السفينه لو يزيد الحَمّل .. يغرقها

المشاركة الأصلية كتبت بواسطة عبدالله الجـــذع (المشاركة 787413) الله الله واصلوا والسهره اظاهر صباحي مبدعين وربكم الله محبكم .,

شرارك لايزيد ..ولا تقَرَّب ريحة البنزين=وتالع في جنوبك والثياب البيض تحرقها!!
ليا منّا لقينا القوم ماقلنا الطريق منين=نهار أنك تمد الرجل في دربك وتفهقها!!

إذا إنك صاير ٍ بنزين .. والبنزين له شكلين = تخيّر بين شكلينه ...إذا تقدر تفرّقها
لا والله ضايع و تنشد رجال العرف >>دربي وين؟ = قبل تقلع هاذيك الطايرة ..ياليت تلحقها

ولا ياصاحبي باللَه لا تلعب على الحبلين=ووقَّت ساعتك مثل العرب واظبط دقايقها!!
ترانا مانحط افلوسنا في منتجات الصين=ما نشري غير الاصلي والعرب نعرف حقايقها!!

سوالفنا تراها دارجه مابين ..قسّي ولين = تحت ظل المزون اللي يسرّ العين بارقها
وأنا بنشدك عن راع التميس اللي تعرفه زين = مايدري بأن رب الكون فوق الخلق .. يرزقها