قصيده جديده ارجو ان تحوز على رضاكم

[عبدالله الاصعر]

الشعر اله قيمـه ورايـه ومرقـاب=وامـا رفعنـا قيمـتـه لارحمـنـا
حنا مقام الشعر نحسب له احسـاب=نرفع علـى راس الطويلـه علمنـا
نطلع مع الشعار في كـل محـراب=ماترتخـي بيـن النشامـا حزمنـا
اليا بدعنا القاف طوعنا الاصعـاب=جـزل الكـلام المعتبـر ماعدمنـا
قول على برهـان مانـي بكـذاب=الصدق والله شيمـة مـن شيمنـا
وليا شتمنا بارد الـراس وغتـاب=من غيبته يابـو محـارب سلمنـا
مدام ماهو من طويليـن الاشنـاب=فالقايمـه نشطـب عليـه ابقلمنـا
وتكفون ياللي عندكم حل الانشـاب=انـم لكـم بالعـز غايـات وامنـا
السوق حلوبـه هواميـر ينسـاب=وليـا تدهـور سوقنـا ماغنمـنـا
بوجيههم لازم تصكـون الابـواب=العز ياهـل المعرفـه لا عتصمنـا
الشعر اشوفه تالي الوقت منصـاب=يبـا يمـوت انمـا وقفنـا وقمنـا
جرحه عطيب وماتداويـه الاطبـاب=الا بيومـن فيـه نكـرب احزمنـا
اصبح ضحية كل فاشـل ونصـاب=الله يجازي مـن ضلمـه وضلمنـا
راحو عليه اهل الردى مثل الارهاب=وحنـا بغيـب ايامنـا ماعلمـنـا
لكن قوموا واحكمو كـل مضـراب=ليـا عمرنـا صفنـا مـا نهزمنـا
ولو شاب راسي غالي القول ماشاب=لرقاب صعبـات القوافـي وسمنـا
ون كان ماقالو صدق كـل ماجـاب=وجودنـا جعلـه يسـاوي عدمنـا
وقولن بلا برهـان فاشـل وكـذاب=والحـمـدلله فالطويـلـه علمـنـا

قصيدة الشاعر/عبدالله ضيف الله الاصعر الثعلي

[المعتصم بالله]

صح لسان الشاعر عبدالله الثعلي

قصيدة جزله ووافية من جزالة شاعرها

تحيااااتي

[عيد العازمي]

صح لسان الشاعر عبدالله الثعلي

قصيدة جزله ووافية من جزالة شاعرها

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[عبدالله الجـــذع]

الله...

كفو والله

صح لسانك على هالجزله
ولاهنت يالغالي

لاتحرمنا جديدك

محبك
,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[الذيبان]

كفوووو والله وهذاا ماهووو غريب على (عبدالله ضيف الله الاصعر الثعلي)

وتحيااااتي