الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصائد الأعضاء (http://www.otaibah.net/m/forumdisplay.php?f=10)
-   -   قصيده جديده ارجو ان تحوز على رضاكم (http://www.otaibah.net/m/showthread.php?t=72317)

عبدالله الاصعر 10-Jun-2008 11:22 PM

قصيده جديده ارجو ان تحوز على رضاكم
 
الشعر اله قيمـه ورايـه ومرقـاب=وامـا رفعنـا قيمـتـه لارحمـنـا
حنا مقام الشعر نحسب له احسـاب=نرفع علـى راس الطويلـه علمنـا
نطلع مع الشعار في كـل محـراب=ماترتخـي بيـن النشامـا حزمنـا
اليا بدعنا القاف طوعنا الاصعـاب=جـزل الكـلام المعتبـر ماعدمنـا
قول على برهـان مانـي بكـذاب=الصدق والله شيمـة مـن شيمنـا
وليا شتمنا بارد الـراس وغتـاب=من غيبته يابـو محـارب سلمنـا
مدام ماهو من طويليـن الاشنـاب=فالقايمـه نشطـب عليـه ابقلمنـا
وتكفون ياللي عندكم حل الانشـاب=انـم لكـم بالعـز غايـات وامنـا
السوق حلوبـه هواميـر ينسـاب=وليـا تدهـور سوقنـا ماغنمـنـا
بوجيههم لازم تصكـون الابـواب=العز ياهـل المعرفـه لا عتصمنـا
الشعر اشوفه تالي الوقت منصـاب=يبـا يمـوت انمـا وقفنـا وقمنـا
جرحه عطيب وماتداويـه الاطبـاب=الا بيومـن فيـه نكـرب احزمنـا
اصبح ضحية كل فاشـل ونصـاب=الله يجازي مـن ضلمـه وضلمنـا
راحو عليه اهل الردى مثل الارهاب=وحنـا بغيـب ايامنـا ماعلمـنـا
لكن قوموا واحكمو كـل مضـراب=ليـا عمرنـا صفنـا مـا نهزمنـا
ولو شاب راسي غالي القول ماشاب=لرقاب صعبـات القوافـي وسمنـا
ون كان ماقالو صدق كـل ماجـاب=وجودنـا جعلـه يسـاوي عدمنـا
وقولن بلا برهـان فاشـل وكـذاب=والحـمـدلله فالطويـلـه علمـنـا


قصيدة الشاعر/عبدالله ضيف الله الاصعر الثعلي

المعتصم بالله 11-Jun-2008 12:58 PM

صح لسان الشاعر عبدالله الثعلي

قصيدة جزله ووافية من جزالة شاعرها

تحيااااتي

عيد العازمي 11-Jun-2008 01:43 PM

صح لسان الشاعر عبدالله الثعلي

قصيدة جزله ووافية من جزالة شاعرها

عبدالله الجـــذع 11-Jun-2008 01:50 PM

الله...

كفو والله

صح لسانك على هالجزله
ولاهنت يالغالي

لاتحرمنا جديدك

محبك
,

الذيبان 11-Jun-2008 05:35 PM

كفوووو والله وهذاا ماهووو غريب على (عبدالله ضيف الله الاصعر الثعلي)

وتحيااااتي


الساعة الآن »10:55 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd