إبراهيم الشيخي وحزام العصيمي

[الباااسل]

يسعدني أن أنقل لكم محاوره رائعه فتل ونقض محاوره حاميه جمعت النجمين
حزام العصيمي وإبراهيم الشيخي


إبراهيم الشيخي

هلا يامرحبا في محفل محمد ولد متـروك=نيابة عنه من باب الغلا والطيب والجيـره
حزام الشاعر اللي لاتقدم ماتجيه شكـوك=مخصص للغنا واللي مخصص للعطا غيره

حزام العصيمي

بقيت أنته وابن متروك والعب والجمال ابروك =وراع الطيب يبقى له مع اهل المعرفه سيـره
أنا ربي عطاني وأنت يمكن في العطا مشروك=وعز النفس يرفع منـزل الرجـال ويجيـره

إبراهيم الشيخي

الا ياليت من ساقوا دلال الكيف مازلّـوك=بعد ساقوا لك الجاوي وفّذة تمر تصبيـره
انا اعرفك عزيز النفس لكنّك شتمت اخوك=اجل فيها مذلّة لا عطوه الحمل وبعيـره؟

حزام العصيمي

تكلم وأنت ماعندك على بعض الكلام صكوك=لكن اللي سواتك يعتـذر وأقبـل معاذيـره
أنا وشلون أبشتم من على سطح القمر شالوك=لا لاهم معرف أبراهيم لا شـره ولا خيـره

إبراهيم الشيخي

دعيتوا وارضكم عطشى ومصراع السما مصكوك=واذا طـاح الحيـا فالمنطقـة كثـرو مداويـره
لك الله يوم ودوني علـى سطـح القمـر ودوك=لكن اصبحت في سطح القمر وامسيـت فالديـره

حزام العصيمي

يصير اللي يصير اللي عطوك العلم ماغشوك=وحساد النبي يوسف جمعهم تحـت تدبيـره
أنا وياك مازلنا سوى وأثباتنـا فـي البـوك=توقع لايغـرك واقـع الشعـر وجماهيـره

إبراهيم الشيخي

اقول اللي يحب الورد لايجزع لاشاف الشوك=ومن يبغى الرحق يصبر على لسعة دبابيره
انا ماغير طرقي وانت راع المنزل المبروك=لو انّه ضاق تالي الوقت من كثرة مساييـره

حزام العصيمي

ترى دون العسل دربين طين وشوك وأنت ارجوك=وش اللي تسلكه حتى العسـل تشـرب قواريـره
أنا خابرك شاعر تعرف المالك مـن الممكلـوك=لكـن الادمـي مملـوك للـوقـت ومقـاديـره

انتهت المحاورة
///::///::///
تـحـيـتـي

[عبدالله الجـــذع]

الله

, محاوره جميله من شعآر راإئعين

لاهنت على النقله المميزه يالغالي

محبك
,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[وافي الخماش]

آإبــدآإع من الشيخي وحزام لا هنت يالذيب تسلم يمناك ..

[دوسي زهراني]

لاهنت ياالغالي ..


شعار شباب مبدعين ذكرونا بمحاورات مطلق وصياف الله يرحمهم ..

[الباااسل]

تسلم يالجذع

وشاكر لك مرورك

[الباااسل]

لاهنت ياوافي

وتشكر على المرور

[الباااسل]

الله يرحم مطلق وصياف وفعلاً ماذكرت فهه محاورة مبدعيييين نجوم بحق


يعطيك العافيه يادوسي

[/عبد العزيز الجذع/]

محاورة رائعة..


لاهنت يا الباسل

[@ـايل]

ياسلاااام على المحاوره

الله يعطيك العافيه اخوي الغالي الباسل على نقلها

لاهنت وقواك الله

التوقيع

تويتر : AlHooL@

[ابو شرف]

لاهنت محاوره روعه ومعناها اروع.