المعتصم اقرب

[الوليد الحافي]

الا يالمعتصم دوب زان القاف دوبه=نبا ناخذ علومك ونعطيك البياني
كثر امن العرب شب ناره جوف ثوبه=غشيم(ن) ساق رجله على درب الهواني

آخر تعديل الوليد الحافي يوم 19-Apr-2008 في 10:08 PM.

[المعتصم بالله]

الا ياشاعرٍ جيت في شعرك عذوبه=تفضل يا ابيض الوجه يا طلق اليماني
ترى يا صاحبي كلٍ يحمل ذنوبه=وانا مالي ومال الغشيم اللي يعاني

[الوليد الحافي]

ترى بعض العرب ياولد تقل مغصوبه = تحسب اليوم ساعه وتجهل فالثواني
وانا لاقلت اله هد ينفخلي ذروبه = مصيره يستمر ويصحيه الزماني

[عيد العازمي]

شاعر الحفاه --- المعتصم بالله



صحت الالسن والابدان



متاااااااااااااااااابع

[الوليد الحافي]

العازمي

ياهلابك


وصح بدنك متابعتك تشرف

تحيتي

[المعتصم بالله]

تغني ياولد من طرب والا عجوبه=ترى من راقب الخلق مات من الجناني
كفيل الناس ربك وكلٍ له عقوبه=وكل انسان محسوب اله قول اللساني

[الوليد الحافي]

نزلت السوق يالمعتصم وافهم سلوبه = ونفرق فالرخيصه ونفرق فالثماني
نبا نعطيك فرصه ولاهيب محجوبه = قريت اللوحه اللي على منفذ عماني

[الوليد الحافي]

المعتصم بالله

صح لسانك

ونكمل بكره

ورانا دوام

[المعتصم بالله]

نزلت السوق لكن احذر تصبح جلوبه=ومنك العشر يا صاحبي ترجع ثماني
تركد قبل ياخذك عاصوف بهبوبه=تركد يا غليم ترى عودك لياني

[الوليد الحافي]

انا أحسب لك وكلمتك ماهيب محسوبه =ولاابغا ...أردها .. وانت واحد من خواني
ترى اللي يقترب للرحا تطحن حبوبه =وكلٍ يعرف الجدي وسهيل اليماني