الا يالمعتصم دوب زان القاف دوبه=نبا ناخذ علومك ونعطيك البياني
كثر امن العرب شب ناره جوف ثوبه=غشيم(ن) ساق رجله على درب الهواني

الا ياشاعرٍ جيت في شعرك عذوبه=تفضل يا ابيض الوجه يا طلق اليماني
ترى يا صاحبي كلٍ يحمل ذنوبه=وانا مالي ومال الغشيم اللي يعاني

ترى بعض العرب ياولد تقل مغصوبه = تحسب اليوم ساعه وتجهل فالثواني
وانا لاقلت اله هد ينفخلي ذروبه = مصيره يستمر ويصحيه الزماني

تغني ياولد من طرب والا عجوبه=ترى من راقب الخلق مات من الجناني
كفيل الناس ربك وكلٍ له عقوبه=وكل انسان محسوب اله قول اللساني

نزلت السوق يالمعتصم وافهم سلوبه = ونفرق فالرخيصه ونفرق فالثماني
نبا نعطيك فرصه ولاهيب محجوبه = قريت اللوحه اللي على منفذ عماني

نزلت السوق لكن احذر تصبح جلوبه=ومنك العشر يا صاحبي ترجع ثماني
تركد قبل ياخذك عاصوف بهبوبه=تركد يا غليم ترى عودك لياني

انا أحسب لك وكلمتك ماهيب محسوبه =ولاابغا ...أردها .. وانت واحد من خواني
ترى اللي يقترب للرحا تطحن حبوبه =وكلٍ يعرف الجدي وسهيل اليماني