عبدالعزيز بن جامع (يرحمه الله)

[شجاع السواط]

الله يرحم الشيخ عبدالعزيز بن جامع والحقيقه ماينلحق مداه لا بالطواريق ولا بغيرها .. لكن هذي مرثيتي وابتهالاتي ..

ان السنين الغبر ماتمحي مواقيف الرجال=تبقا الرجال مأرخه باقوالها وافعالها
الوقت ينجب كل يومٍ من شغاميم العيال= ناس ٍ تجي وتروح والأيام هذا حالها
بس الدهاه اللي مآثرهم على روس الطوال = روس الشيوخ اللي تظلل ربعها بظلالها
على عدد عـد الأصابع لو بغيت أضرب مثال = ما كل من تنجب ولد يقدر يطيّب فالها
وأنا يحز بخاطري شمس ٍ تقفاهـا الزوال = وغيبة رجال ٍ ما يجي بين الرجال أمثالها
البارحة مات أبن جامع ياكريمين السبال = شيخ ٍ يغلق فالعلوم أخفافها وثقالها
مات الكريم أبن الكرام بليلة ٍ غير الليال = شد الرحال وغيره رجالٍ تشد أرحالها
عز الله أنه راس مال اللي بليا راس مال = وعز الله انه عزوة اللي عزوته يرثالها
حاتم عتيبه غاب زوله مير ذكره لايزال=له قصةٍ تبقا وتبقا فالحياه اطلالها
في ملتقى الهيلا مضيّف ربعه اخيار الجمال=و200 راس من الغنم سيقت بدرب جمالها
ساق الهدايا ماحسب فيها جنيه ولا ريال=كرّم بني عمه وطيّب فالها وعقالها
ضرب مثل بان الكرم لاهل الكرم سهل المنال=وماهو بسيط لناس تعبد قرشها وريالها
والله ماجا بيني وبينه جواب ولا سؤال=لوكان شفّي شوفة عتيبه وكل ابطالها
الطيّب من الناس يستاهل ليا عاش الوصال= وان مات تبكيه العيون وينتثر همّالها
وعبدالعزيز الشيخ تبكيه الرجال بكل حال=وتبكيه نجد ورملها وسهولها وجبالها
اعزّي الروسان وافين المكارم والخصال=واعزّي عتيبه جميع شيوخها واطفالها
واعزّي صحون الشبب والعود واصناف الدلال= اللي تقدم للضيوف وينشرب فنجالها
يالله وحنا طالبينك في خشوع ٍ وابتهال=تغفر لبن جامع ذنوبه دقها واجلالها
وتنزله في دار خلد وفي نعيم وفي ظلال=وانته كريم وتجزي الحسنه بعشر امثالها

اخوكم شجاع السواط

آخر تعديل شجاع السواط يوم 17-Apr-2008 في 11:47 PM.

[ربوع نجد]

صح لسانك

الله يرحم أبو جامع ويسكنه فسيح جناته

[مرزوق حمدان العتيبي]

يالله وحنا طالبينـك فـي خشـوع ٍ وابتهـال
تغفر لبـن جامـع ذنوبـه دقهـا واجلالهـا
وتنزله في دار خلد وفي نعيـم وفـي ظـلال
وانته كريم وتجزي الحسنـه بعشـر امثالهـا

آآآآآآآآآمين آآآآآآآآآآآآمين اللهم ارحمه واغفر له يا ارحم الرحمين ..
..
المبدع الجزل الشهم ابو عبد الله ... جعل عيني ماتبكيك ...
صح لسانك مدد بلا عدد ..
جزله وافيه ضافيه جات في وقتها ... وهذي عوايدك ..
...
تثبيت ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[نواف العصيمي]

الله الله يرحمه ..

ويغفر الله ..

صح لسانك ياشجاع قصيده شامخه ورائعه

بيض الله وجهك

ولك التقدير والإحترام

التوقيع

[أبو نجر النفيعي]

..

الله يرحم الشيخ ويسكن فسيح جناته ..

.
وصح لسانك واعتلا شانك يا شجاع .. فعلا رائع وقصيده رائعه وجزله وشامخه بشموخك ..

صح لسانك مرة اخرى ..



أخوك

التوقيع

.....

[السميــــــري]

حاتم عتيبه غاب زوله ميـر ذكـره لايـزال لـه قصـةٍ تبقـا وتبقـا فالحيـاه اطلالهـا


أي والله ..

الله يرحمه .. حاتم عتيبية .. !

ياجعله للجنة ..

[شجاع السواط]

ربوع نجد

صح بدنك والله يجزاك خير ..

اشكرك على المرور والمتابعه ..

تقبل تحيات اخوووك

[شجاع السواط]

مرزوق حمدان العتيبي ..

عساك فالوجووود والطيبين يستاهلون الطيب ..

اشكرك على التثبيت وتضل غالي في عيون محبيك ..

لك خالص الود والتحيه ...

[/عبد العزيز الجذع/]

صح لسانك..

والله يرحم ابن جامع..

[شجاع السواط]

نواف العصيمي

هلا وغلا بمرورك الكريم

وجهك ابيض

وصح بدنك

ومشكووووور على المرووووور

تقبل تحيات اخووك