الطارف...... بدون تحديد....

[احمد الزايدي]

سلام يأهل الحله اللي ذكرها فوق السحاب=حلة عتيبه هم هل الهيبه على مر العصور
أبا أبدع المحراف مـع ربعي وحاسب للحساب= واللي يبا يوفي معي يلقا الوفا بلا قصور

آخر تعديل احمد الزايدي يوم 15-Apr-2008 في 07:31 PM.

[محمد النخيش]

الله الله يااحمد صح لسانك وسجلني متابع

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[المعتصم بالله]

يا مرحبا بك بالنيابه عن عزيزين الجناب=فالحله اللي جمّعت سرحان مع سبعٍ هصور
يالزايدي هات السؤال وعندنا تلقى الجواب=واللي يقدم طيبه اله الوفا منا محصور

[عبدالله الجـــذع]

الله اكبر..

بدايه رائعه من الشعراء المخضرمين..

متابع لاعدمناكم..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[احمد الزايدي]

دام البقا بالشاعر اللي لايذل ولا يهاب= والسبع سبع اله مواقف لاتلف ولاتدور
أمنيت العتبان ياشاعر بديت أنت الخطاب=المعرفه بين الرجال اللي لها قدر وحضور

[المعتصم بالله]

القافيه يالزايدي غيرتها يابو الشباب=لكن ابا اسايرك وامشي وانت مانته بمعذور
انا عتيبيٍ من الهيلا على الجاني عذاب=ويالزايدي للصاحب الوافي نزيد النور نور

[احمد الزايدي]

القافيه يارجل مافيها عدال ولاخراب=لاتعتذر بعذار يارجال قدام الحضور
والنعم بك لكن زودني بعنوان الكتاب=أنا ترى ياالاجودي ماحب تعقيد الامور

[المعتصم بالله]

اجل تعال اعلمك يا صاحبي درب الصواب=وابا انشدك يالزايدي انته من ايات الطيور
هو انت حرٍ ماكره يا صاحبي روس الهضاب=والا كما هذاك دايم ينعتونه زور زور

[احمد الزايدي]

الفارس اللي فالمعارك يدرج فوق الركاب=والسيف الاملح في يده وبحوزته رخصة عبور
هو حر يدمي مخلبه لاتحسبه مثل الغراب= والا لـبـدك تحـسبه مثل الـعجل دايم يخور

آخر تعديل احمد الزايدي يوم 16-Apr-2008 في 07:56 PM.

[المعتصم بالله]

ملامح الفارس تبين ونعرفه بين الحراب=والزايدي ما همني يزعل ويرضى ثم يثور
اخذ النصيحه يا ولد ثم شيل عفشك والزهاب=ان طعتني يالزايدي اهديت لك باقة زهور