سلام يأهل الحله اللي ذكرها فوق السحاب=حلة عتيبه هم هل الهيبه على مر العصور
أبا أبدع المحراف مـع ربعي وحاسب للحساب= واللي يبا يوفي معي يلقا الوفا بلا قصور

دام البقا بالشاعر اللي لايذل ولا يهاب= والسبع سبع اله مواقف لاتلف ولاتدور
أمنيت العتبان ياشاعر بديت أنت الخطاب=المعرفه بين الرجال اللي لها قدر وحضور

القافيه يارجل مافيها عدال ولاخراب=لاتعتذر بعذار يارجال قدام الحضور
والنعم بك لكن زودني بعنوان الكتاب=أنا ترى ياالاجودي ماحب تعقيد الامور

الفارس اللي فالمعارك يدرج فوق الركاب=والسيف الاملح في يده وبحوزته رخصة عبور
هو حر يدمي مخلبه لاتحسبه مثل الغراب= والا لـبـدك تحـسبه مثل الـعجل دايم يخور