شاعر المليون

[كلاش]

السلام عليكم جميعا...
أخوانى الأعضاء أنا بكل أمانه كان لى وجهة نظر بمشاركة الشاعر ..
((خالد الدعجانى العتيبى))بهذا البرنامج لسبب واحد بختصر كل الكلام عن الأطاله..لأن خالد أقدم وأجزل من اللجنه الخدعه..أرجوا أن محد يتظايق من كلامى لأنها بالنهايه وجهة نظر خاصه ولا أفرظها على أحد...

ياصاحبى بوخالد الوظع منحاس=ولشاعر المليون نبغا دراسه
لاشفت حلقاته يجينى وجع راس=ولاكنت مستانس تطير الوناسه
وشلون نرظا بالتخبط والأتعاس=وشلون مافينا شوية حساسه
فيه العتيبى راعى الرمح والطاس=من لابت(ن)تعرف بزود الحماسه
اللى عليه أمن المهلهل وجساس=ويزيد عنهم بالنسب والفراسه
خالد عريب الجد وأمعرب الساس=ويطيب راس الليد من طيب ساسه
بنك الغنا مايشبهه بنك الأفلاس=ياحيسفا وشلون يعلن أفلاسه
ساووه باللى ماظى الوقت عساس=وماظيه كله قزره بالعساسه
الله يستر وظعنا حيل حساس=والله فرق مابين لوله وماسه
خلوه يطلع مطلب(ن)لغلب الناس=ناس(ن)نظاف أقلوب ماهم نجاسه
ويقوله اللى لاج به كل هوجاس=من حر مايونس بصدره تعاسه
لاكن نبقا مثل تاج(ن)على الراس=للشعر لوبه من تردا وحاسه

للعلم هذه القصيده كتبتها قبل خروج خالد بسبوعين لانى عارف نهايتها لاكن اللى يفهمون الشعر اتوقع فاهمين كل هالخدعه اللى اسمها شاعر المليوووووووووووون....

وسلامتكم جميعا..
اسف على الأطاله..

[عبدالرحمن الهيلوم]

مشكوووووووووووووور ياكلاش وبيض الله وجهك وصح السانك
وتري بيت من قصيدتك بتلقاه في توقيعي

عبدالرحمن ال سعد الهيلوم المفرجي النفيعي

[مرزوق حمدان العتيبي]

..
. ابداع بكل معاني الابداع
..
صح بوحك ياكلاش ...
وفي انتظار رائعه اخرى ..
..
اخوكـــ

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[كلاش]

المشاركة الأصلية كتبت بواسطة عبدالرحمن الهيلوم

مشكوووووووووووووور ياكلاش وبيض الله وجهك وصح السانك
وتري بيت من قصيدتك بتلقاه في توقيعي

عبدالرحمن ال سعد الهيلوم المفرجي النفيعي

الاخ_عبدالرحمن النفيعى مدرى وش ارد عليك لانك احرجتنى بكلامك الطيب..

كل اللى اقوله شرفتنى بمرورك ونورت المتصفح وماعندى الا حلالك...

[كلاش]

اخوى مرزوق العتيبى مرورك على القصيده هو الاروع منها شاكرلك شعورك الطيب لاخلا ولا عدم...

تقبل تحياتى.

[أبو فيصل الدلبحي]

صح لسانك اخوي كلاش ولاهنت على الابداع وخالد فيه من المهلهل مير مافيه من جساس لن جساس معروف بالغدر والخسه ومافيه من المراجل شي







تقبل تحياتي

[معجب العتيبي]

شاعر ومافيك حيله


صح لسانك ياغالي

التوقيع

[كلاش]

الاخ معجب العتيبى شرفتنى بمرورك...

وصح بدنك يالذيب..

[محب الهيلا]

صح لسانك

مشكور وماقصرت

[كلاش]

محب الهيلا صح بدنك وشرفتنى يالذيب
بمرورك للمتصفح..