ياصاحبى بوخالد الوظع منحاس=ولشاعر المليون نبغا دراسه
لاشفت حلقاته يجينى وجع راس=ولاكنت مستانس تطير الوناسه
وشلون نرظا بالتخبط والأتعاس=وشلون مافينا شوية حساسه
فيه العتيبى راعى الرمح والطاس=من لابت(ن)تعرف بزود الحماسه
اللى عليه أمن المهلهل وجساس=ويزيد عنهم بالنسب والفراسه
خالد عريب الجد وأمعرب الساس=ويطيب راس الليد من طيب ساسه
بنك الغنا مايشبهه بنك الأفلاس=ياحيسفا وشلون يعلن أفلاسه
ساووه باللى ماظى الوقت عساس=وماظيه كله قزره بالعساسه
الله يستر وظعنا حيل حساس=والله فرق مابين لوله وماسه
خلوه يطلع مطلب(ن)لغلب الناس=ناس(ن)نظاف أقلوب ماهم نجاسه
ويقوله اللى لاج به كل هوجاس=من حر مايونس بصدره تعاسه
لاكن نبقا مثل تاج(ن)على الراس=للشعر لوبه من تردا وحاسه

المشاركة الأصلية كتبت بواسطة عبدالرحمن الهيلوم (المشاركة 579664) مشكوووووووووووووور ياكلاش وبيض الله وجهك وصح السانك وتري بيت من قصيدتك بتلقاه في توقيعي عبدالرحمن ال سعد الهيلوم المفرجي النفيعي