شبل المحاني ... قف .. واستعـــد...(اقرب لاهنت)

[بندر الهيلا]

ياسلامي سلامً ماجمعه العدد=صافيً كالعسل خالي من الذبذبه
ياشبل قدم اليمنى وقف واستعد=جاك ظابط مظلي واستمع في طلبه

[عيد العازمي]

ياشبل قدم اليمنى وقف واستعـد
جاك ظابط مظلي واستمع في طلبه


الله


صح السانك

ولسان الشبل مقدما

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[علي فلاح العضياني]

مرحبا عدّ ما هبّت هبوب السعد=من هجوسٍ تجيب من الكلام أعذبه
بالنيابه عن الاشبال جاك الاسد=وانت ما انته بحصنيٍّ يرز ذنبه

[محمد صالح العطاوي]

صح الله السنتكم كلكم


مبدعين

[بندر الهيلا]

البقى يالمرحب مير منته فهد=ولا انت ذيب المساري محتمي مذهبه
جاني الفالح مكلبش وقدمي قعد=ثم جيته بمشعابي وابا اودبه

[علي فلاح العضياني]

الاسد كل حيوان اليا شافه شرد=من كبر هيبته محدٍ سطى يقربه
أثر يوم انّها جابتك جابت ولد=وانت في لحية الفالح و سدّ شنبه

[بندر الهيلا]

وانت علمك قديم ولاتجيب الجدد=والاسد فالشبوك ومرخيً منكبه
انت لاهم وكاسر كل ذيك القدد=ابشر بعود اقضه وسط نارك هبه

[علي فلاح العضياني]

انت دوبك تهجا قل هو الله احد = احسب حسابك انته ليش ماتحسبه
بعد هذاه قلي ويش باقي بعد = انت لازلت تحت الفحص والتجربه