ياسلامي سلامً ماجمعه العدد=صافيً كالعسل خالي من الذبذبه
ياشبل قدم اليمنى وقف واستعد=جاك ظابط مظلي واستمع في طلبه

مرحبا عدّ ما هبّت هبوب السعد=من هجوسٍ تجيب من الكلام أعذبه
بالنيابه عن الاشبال جاك الاسد=وانت ما انته بحصنيٍّ يرز ذنبه

البقى يالمرحب مير منته فهد=ولا انت ذيب المساري محتمي مذهبه
جاني الفالح مكلبش وقدمي قعد=ثم جيته بمشعابي وابا اودبه

الاسد كل حيوان اليا شافه شرد=من كبر هيبته محدٍ سطى يقربه
أثر يوم انّها جابتك جابت ولد=وانت في لحية الفالح و سدّ شنبه

وانت علمك قديم ولاتجيب الجدد=والاسد فالشبوك ومرخيً منكبه
انت لاهم وكاسر كل ذيك القدد=ابشر بعود اقضه وسط نارك هبه

انت دوبك تهجا قل هو الله احد = احسب حسابك انته ليش ماتحسبه
بعد هذاه قلي ويش باقي بعد = انت لازلت تحت الفحص والتجربه