قام وفد من لجنة مزاين عتيبه بزيارة الشيخ / عبد الله بن ضيف الله العبود
شيخ شمل قبائل القثمة من عتيبه يوم الأحد الماضي في العانـد
وذلك في إطار الجولات التي تقوم بها اللجنة للإلتقاء بشيوخ قبيلة عتيبه في المنطقة الغربية وإطلاعهم على الأمور المتعلقة بهذا المهرجان الذي من المقرر له الإنطلاق في شهر شوال القادم
ثم قام عضو اللجنة اللواء الدكتور متقاعد ناصر حمود العتيبي
بالإجابة على الإستفسارات التي طرحت بخصوص هذا المهرجان
وإيضاح جميع الجوانب التنظيمية والمالية و الإعلامية المتعلقة بهذا الحدث
وضمان إظهارة بالصورة التي يتطلع إليها كافة أبناء قبيلة عتيبه
وذلك في حضور عدد من أعيان ووجهاء ورجال الاعمال والشعراء من أبناء قبيلة القثمة
ثم قامت اللجنة بتسليم الشيخ / عبد الله بن ضيف الله العبود
الوثيقة التي تتعلق بمهرجان مزاين قبيلة عتيبه لعام 1428هـ
ثم بعد ذلك تناوب شعراء قبيلة القثمة بإلقاء العديد من القصائد بهذه المناسبة
فتقدم الشاعر الكبير / مثيب بن مفلح القثامي بإلقاء قصائد عديدة نالت على استحسان الجميع
وبعد ذلك القى الشاعر الكبير / سفران بن ساير القثامي عدة قصائد حماسية تفاعل الحضور معها
وبعد ذلك القى الشاعر / محمد بن جالي القثامي ( محمد البرقاوي ) هذة القصيدة :
يا لجنة الهيلا تحية وتقدير= باسمي وباسم ربوعي الغانميني
انتم تكبَّدتوا طوال المشاوير=يا جعلكم يا أهل الوفا سالميني
وحنا بجيتكم نزف التباشير=ونبلَّغ الحضَّار والغايبيني
نفرح ليا جونا النشامى مسايير=وتبدي علوم الطيب للزايريني
يا مرحبا يا هل الوجيه المسافير=ترحيب وافي والمودة تبيني
في بيت عبد الله عقيد المناعير=عبد الله العبود يالسامعيني
أمير من ساسه ليا راسه أمير=شِيخة شداد جدوده الأوليني
شيخٍ يشاور فالمهمات ويشير=وليا بدى شوره لقيته ثميني
راعي دلالٍ في المناره مناحير=وعودٍ يفوح وكل كبشٍ سميني
يقود قومٍ في الملاقى بواتير=الآد القثامي عزوةِ المنتخيني
هذا ولي وقفة مناقش وتعبير=موجز كلامٍ يكفي العارفيني
وقبل النقاش وقبل رفع التقارير=نبغى اليمين اللّي تشد اليميني
حثَّوا لنا بالجهد كل الجماهير=ونقَّوا لنا نخبة من الفاهميني
وتدرون في عرض الفضا صار تطوير=في التقنيات وطاقم المبدعيني
نبغى صفاوة صوت وإبداع تصوير=حتى يزين الحفل يالطيبيني
وليا دعيتونا نجيكم طوابير=كل الرجال لحفلنا جاهزيني
الله على وقت الحيا والمحادير=لجوٍ براد وماطرة جمعتيني
باوسط نفود السر طلع النواوير=وفالقِرنة أهل الديرة مربعيني
ونلقى عطايا الله تشوق النواظير=اربع صفوف لمقرعات الحنيني
هذي مجاهيمٍ وهذي مغاتير=وهذيك صفر وشعل لونٍ حسيني
فيها الجنب فيها امهات المصاغير=وفيها الفحول اللّي تراطن رطيني
ونشوف فيها للمزاين مداوير=في كل يوم نشوفهم سارحيني
وليا اكتمل عقد الجموع المشاهير=وانضمَّوا التالين للاوليني
نبدى باسم الله يجي حفلنا غير=ويبقى رصيد لمقبلات السنيني
يالله عساها حفلةٍ كلها خير=ونكسب بها المعروف دنيا وديني
وبعد ذلك تقدم تشرف الشاعر عبد الله بن عايض القثامي بإلقاء هذة القصيدة :
ابتدي بسم من نركع ونسجد رضى إله=بسمه ابدا عظيم الشان قبل الكتابه
وبعد ذكر الله المعبود جبت السجله=والهواجيس تشعاني على كل جابه
كل ما دار فكري من هجوس طرن له=والله ان كن في راسي تعاوا ذيابه
في لزومي هواجيس القصيد استون له=محفل ينشط اللي معه عقل وذرابه
مرحبا مرحبا عداد مبدى الاهله=بسم الآد القثامي مرحبا بالنيابه
مرحبا في محل ما خلف الوقت دله=مايقفل عن أهل العرف واضيف بابه
عزوتي فعلهم تاريخهم شاهدله=واصلهم من جشم تاريخ عز ومهابه
محتوين الوفا والعرف دقه وجله=ما خذيناه عارية ولاهو نهابه
جارنا لو يطول ابه المدا ما نمله=لو يعيش الدهر يبقى عزيز جنابه
والله انا ليا حان اللقاء محزم اله=لين حتى عن الديرة تقفي ركابه
والخوي كلبونا اللقا قدوة له=والله انا على يمناه ربع وقرابه
وضيفنا لو ما نلقى الا حدانا قرا له=ما شحنا قراه ولا حسبنا حسابه
ومن عدانا ترانا ما يجينا مذله =لو جمع كل فرسانه شباب وشيابه
كم عدو ذعاذيع الهوا ذعذعن له=يحسبنه يبا يبقى عذي شرابه
انكفت دولته ما بين سله وسله=بين ميت ومنصاب مايبرا صوابه
ما درى ان القثامي دولة مستقله=من قديم الزمان وفعلنا يندعابه
والعبابيد تزهى بالفخر كل حله=من نشد بارق العبود يلقا الاجابه
شيخنا كلبونا في اللقا فزعة له=اخو عبده سهمنا في نهار الحرابه
وابو فيصل وأخو مسلط ومسلط نجله=هم شيوخ القبيله سلم والا حرابه
وتحت راية ملكنا مقبل الخير كله=تحت ظل الملوك اهل العدل والمهابه
ابو متعب مليك العرب شعبه فدا له=الله انه عن الاسلام يجزل ثوابه
وابو خالد لشعبه مزنة مستهله=وعاشوا اخوانه اللي لابة حي لابه
درعنا اللي لهم بالدين كل الجبله=نهجهم منهج محمد ونهج الصحابه
اهل حكم العدالة واهل مذهب ومله=واهل بيت يذرينا ونلقى الذرا به
ومرحبا عد ما تبدا النجوم المطله=وعد وبل الخايل من غشين السحابه
قالها اللي يدل ولايبي احدا يدله=وبسم الآد القثامي حي لجنة عتابه
مرحبا بالجميع ومن حضر في محله=مرحبا بالمشايخ والجبر مرحبابه
وشارك الشاعر سمران بن عايض القثامي ومقدم الفقرات الشاعر محمد بن جميل القثامي
والشاعر / مشهور بن سرور القثامي بالقاء قصائد مختارة لديهم .
« آخـــر الـــمـــشـــاركــــات »
30-Aug-2007, 02:18 PM
حفل الشيخ عبد الله العبود للجنة مزاين عتيبه
العرض العادي
