خشوووووووووم البعارين

[عبدالله القثامي]

بسم الله

اخواني
ارجو قبول هذه المتواضعه

يا حيلة الله وين نومي وأنا وين= النوم جافاني وكدر مسايه
من همٍ إيفطر خشوم البعارين= على قصى دنياي زود قصايه
هم مخاويني من سنين ودنين= وآآآلي وله قلبي سوات الولايه
بدا ثلاث أميه وسبعه وتسعين= ولليوم وأنا بين حايه و حايه
أصارع الدنيا على العسر واللين= على مدا ألأيام ماله نهآيه
واليوم عمري فوق سبع وثلاثين= وأنا على ما قيل دآيه دوايه
مرت على اسنين وإسنين وإسنين= ما مر يوم ألا يعكر صفايه
ماهو بهم مجمعين الملايين= عزيز نفس( وراس مالي عصايه)
ولأهو بحب الزين ومفارق الزين= لو كان باني له بقلبي بنايه
الحب إله عندي شروط وقوانين= أموت حر ولا نزل مستوايه
الحب حب الدين ومناصر الدين= وحب البلاد وقبلها وآلدايه
وابطيت أجامل واقبل الزين والشين= واقول ليت وليت سبّت بلايه
يا ليت يصفيلي من الناس شخصين = واقول لإخواني وأبوي ازملايه
اثنين صافين القلوب ومتاقين= وأفخر إليا سميتهم بأصدقايه
وبعد لقيت من الثنين احمر العين= رجيت ربي لا يخيب رجايه
ودارت رحى الأيام ما بيننا بين= أفخر وأماري به وأزاحم إعدايه
واليا وشابه من حدا الناس واشين= صديت عن صدره سهوم الوشاية
وبعد نبت له في جنوبه جناحين= ثم قال الأرض ارضي وهذا سمايه
وأخطأ وقلت إيمين يا بن الميامين= نكرانك المعروف ماهو جزايه
وزاد الخطأ صده وهجران يومين= بعد حذف رأيي وقوطر برأيه
ويقول أنا النادر صعوط المجانين= أيضا ولا لحدن عليه وصايه
ماني بتبع ولأتبع الناس الأدنين= وإن قلت تايه عقل ماهو بتايه
إن عاد قرت مايلأت الموازين= وإن راح ما والله يبيّح خفايه
الله يسهله طريقه على الزين= جاني من ادروس الزمان الكفايه
وأنا احمد الله ماش لاحدن علي دين= ولي في ألوفا واعرف والعز رآيه
لاكن قفى هم واليوم همين = إليا متى همي ورايه ورايه
يا لله يا قابل صلاة المصلين= تجبر عزا الصحبة وتحبر عزايه

التوقيع

القاف لن باحت قوافيه ينهار= يشيب لاكنه معي مايشيبي وصرفت من بالي تصاريف بيطار= ينقد مثامين الكلام ألأديبي وبنات فكري بالمثامين تجار= وعلي مايصعب صعيب الصعيبي ولأقول ما غيري من الناس شعار= لأكن ميزة شعري إني عتيبي أسمٍ بنا في عالي المجد ميكار= عز الرفيق منزحين الحريبي

[فهـد الجـذع]

الحب حب الدين ومناصـر الديـن وحـب البـلاد وقبلهـا وآلـدايـه



صـح لســانك يـا عبدالله القثامـي وبيـض الله وجهـك على القصيــده الرائعـه


تقبـل مـروري وتحيــاتي


أخــوك


فهـّـد الجـــّــذع

[الكـريـزي]

الحب حب الدين ومناصرالدين
وحب البلاد وقبلها والديه

صــــــــــــــــح لســـــــــانك
وطول الله عمرك على الطاعة
والقصيدة جزلة وأنت أجزل منها
وعساك على القوة يالقثامي
والله الله بالقصايد لوصيك

[عايض بن زوير]

صح لسانك يالقثامي مليووووون00

ويعلم الله اني بغيت أقتبس بيت ولا اثنين 00ولكن من زود اعجابي بالقصيدة كلها خليتها كلها00

تحياتي00 وتقديري00 واعجابي00أخوكـ00

؛؛؛؛

؛؛؛

؛؛
؛
مقاطي الحجاز

آخر تعديل عايض بن زوير يوم 27-Aug-2007 في 02:36 PM.

[السميــــــري]

..

الله الله ..

ياعبد الله القثامي .. صح لسانك ..

ماهـو بهـم مجمعيـن الملاييـن عزيز نفس( وراس مالي عصايـه)
ولأهو بحب الزين ومفارق الزيـن لو كان بانـي لـه بقلبـي بنايـه


مبدع بكل معاني الابداع ,,

لافض فوووووك ..

[عيضه الثبيتي]

بيض الله وجهك يابو سلمان

من اروع ما قرأت


تحياتي

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[مرزوق حمدان العتيبي]

...
. عبد الله القثامي منجم للابداع ياشاعرنا
الله يزيدك ولا ينصك
...
اخوك ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[متعب العصيمي]

الشاعر/ عبدالله القثامي..

صح لسانك مدد بلاعدد على القصيدة الجزلة..

دام عطائك..

ولك كل التقدير..

[مخلف الهقاوي]

عبد الله القثامي

لله درك ياااراااااائع


جزله بكل ماتحويه الكلمه من معنى


صح لساااانك حتى انك ترضى


احتراماتي

[خلف القثامي]

صح لسانك يابوسلمان


قصيده جزله من شاعر كبير


ولاهنت على الابيات الرائعه


تحياتي يابو سلمان