قصيدة عروى وأهل عروى..ومجاراة المتنبي

[عايض بن زوير]

بعد التحية والتقدير للجميع.. أضع بين أيديكم قصيدة كانت مشاركة لي

في أحد احتفلات ( عروى ) ..وهي عبارة عن مجاراة لأبو الطيب المتنبي

في احدى قصائده المشهورة..مع اعتذاري للمتنبي00

اذا غامرت في شرف مرومي=فلا تقنع بما دون القرومي
فطعم الموت في دار النشاما=ولا عيشة مداهيل الرخومي
أقوله واعسف القيفان وبدا=بذكر اللي على خلقه رحومي
فلا يالله يارب البرايا=تجملني بعد حان اللزومي
وتكتب يالولي ذا اليوم قسمي=مع العزوه من خيار القسومي
على دعوة أبو مالك حضرنا=وراع الطيب ما عنه نشومي
نجيب دعاه ونلبي لو انه= عن الخاطر كما بعد النجومي
أجل وش لون لا منه دعانا=رفيع الشان والحر الصرومي
بدون الشك والريب نعنى له=ونسيرها على حسب السلومي
ونعن الخيل في دربه ونرقى=على شانه مراقيب الرجومي
وترى الرجّال لا منّه توخر=عن الماجوب ما قيل محشومي
تغطيه الفشيله والفشيله=على الرجّال من سود الهدومي
كلام الصدق بهرج به وربي=يلوم اللي على الصادق يلومي
واسج القاف والباقي على الله=يقومها على حيل وتقومي
مقاطي جيت من ربعي لربعي=وبعد عامين من حزة قدومي
ابا أكشف للملا عن شي خافي=تبلاّني وانا مسلم واصومي
ابا أكشف شي من حزة عرفته=عرفت الناس معطى ومحرومي
عرفت الحب وأثر الحب بلوى=بلى قبلي قويين العزومي
وانا حبيت في نجد العذيه =محبة طيب والمعنى يعومي
هنوفٍ حبها من زود حبه=على صدري تقولون معزومي
وقلط مابين قلبي والحنايا=ولا منه بغى شي ..مخدومي
هنوفٍ لا طرى عالبال ضيقه=وغدا في جوي الصافي غيومي
عنيت لشوفها من غير موعد=فتال الليل والعالم حلومي
ولا منه حصل شمة هواها =تقول اني من الهم معدومي
تسولف لي وانا اسولف ودايم=تنشدني..ألا ويش العلومي
وختام الهرج يالسامع تروى=وانا بعلن قبل شن الهجومي
أبا أعلن للملا عن حب ( عروى)=وترى حبي لاهل عروى عمومي

00وسلامتكم00

آخر تعديل عايض بن زوير يوم 13-Aug-2007 في 04:10 AM.

[خالد المقاطي]

فلا يالله يارب البرايا
تجملني بعد حان اللزومي

""""""""

ابك هات هات هات خشمك

على الحرام ابداااااع منقطع النظر

سبك + حبك + جزاله لامستغربه

صح السانك مليون ولا يسدون

يالقرم ... وانشاء الله ان اتاحتلي الفرصه

راح تاصلك مجاراتي + مجاراتك للمتنبي

""""""

لاكن عندي ملاحظه بسيطه اذا ماني غلطان

الا وهي ( فلا تقنع بما دون النجومي وليس القرومي )

ولو اني اظن انك .. / انت متعمد ؟

وعز الله انها جملتك يالقرم





اخوك / خالد الخنفري المقاطي /

[عايض بن زوير]

مرحبــــــابك مليون.. يابن العم..ويسلم خشمك..

ومن ناحية (النجومي) ..خابر انها النجومي..

مار ان رضى المتنبي ولا زعل مادام انها في عروى..القرومي يعني القرومي00

..أخوك..

؛؛؛؛

؛؛؛

؛؛
؛
عايض المقاطي

[فيصل المسعودي]

وش نقول ياعايض

ماشاءالله تبارك الله

صح لسانك يالمقاطي

امداد بلا اعداد

عشت ودامت الجزاله

في انتظار جديدك بكل شوووق

لك كامل التقدير والمودة

أخوك

فيصل النفيعي

[شوردي العتيبي]

صح لسانك يالمقاطي

وقصيدة جزلة

[مخلف الهقاوي]

ابداااااع ابدااااااع ابداااااااع

شدتني من اول حرف في الشطر الاول

الى آخر حرف في الشطر الاخير

بيّض الله وجهك يالقرم وعز الله كفيت ووفيت

وعروى واهل عروى يستاهلون ابداعك

صح لسااانك ملاااايين ياولد العم

احتراماتي للأبداع وراعيه

[دريد ابن الصمة]

الله الله الله

على الابداع يا عايض

جزااااله وحبك وتسلسل في المفردات والمعاني

لا يجيده الا الكبار من امثاالك

صح لسانك يالذيب مدد بلا عدد

ونحن في انتظار ابداعك دائما

احترامي لـ ( عروى ) ولسكان ( عروى )

واحترامي للمبدع الذي رسم لنا هذا الابداع

[عايض بن زوير]

==فيصل المسعودي==
صح بدنك00وشهادتك فخر

==مخلف الهقاوي==
وجهك أبيض يالغالي00والابداع شفته في مروركـ

==شوردي العتيبي==
صح بدنك مليون ومليون

==دريد ابن الصمة==
والله العظيم انك حيرتني ويش أقول لكن00الخاص بيني وبينك00

..أخوكم..

؛؛؛؛

؛؛؛

؛؛
؛
مقاطي الحجاز

[أبن حيلان]

صح لسانك يالمقاطي
والله العظيم أنها قصيدة جزلة والله لايضرك

جذبتني وادهشتني والله أني أقراء البيت وراء البيت ولاامل

ومادي وش أقول لاكن الله يوفق والى الامام






أخوكم /أبن حيلان الدغيلبي

[الذيب المقاطي]

عايض .. بيض الله وجهك
كما عهدتك وهذا العشم والمتوقع منك وحسب معرفتي بك هذا غيض من فيض ولي عتب بسيط ودائما العتب على قدر المعزه ومعزتك لدي ليس هذا مكان توضيحها وعتبي أين قصائدك لمكه وأهل مكه وأهل العتيبيه بالذات ؟ وين قصايدك عن ربعك أنا متأكد أنها موجوده واعتقد أن هذا أحد الأماكن التي يجب أظهارها فيه وتحيه خاصة جدا لك
وشكرا للجميع