الموت حق... للشاعر : خالد بن سعود الكبير

[ابـن نـعـيـس]

بسم الله الرحمن الرحيم

السلام عليكم ورحمة الله وبركاته

هذه القصيده للشاعر الرائع والمبدع : خالد بن سعود الكبير


بعنوان : الموت حق

الموت وكل نفسٍ لها يوم=لاعنه لا حاجب ولا منه صدّه
مكتوب والمكتوب لازم ومحتوم=وكلٍ لربه منتهاه ومردّه
كم واحدٍ يُدعى له اليوم : مرحوم=وكم واحدٍ يلحق ولو بعد مدّه
الله يعين النفس لي روّح القوم=عنها وهي جوف القبر مستخدّه
تحت الثرى واللحد ضيّق ومكتوم=في ظلمةٍ سودا وحِيشه ولدّه
لا رَبع لا خلان لا حسّ وعلوم=راحو وكلٍ دمعته فوق خدّه
يا نفس لا تنسين حالك من اللوم=لومي وصيري للقا مستعدّه
الله شرَع للخلق والشرع مفهوم=وكلٍ على ما قيل يمشي بودّه
أما خلودٍ جنته دايم الدوم=والاّ عذابٍ فيه غلظه وشدّه
ترى الحياه تروح أوهام وحلوم=والعمر يمضي والليالي تعدّه
يا نفس قومي واستفيقي من النوم=هيا معي رَدّه على الحق ردّه
هيا معي لأبواب حيٍّ وقيوم=الخالق اللي كل شيٍ بيدّه
مالك جميع الخلق حاكم ومحكوم=القادر الجبار ما احءدٍ يضدّه
نبكي على بابه ونحتاط من يوم=ما ينفع المخلوق جَدّه وعَدّه

التوقيع

[فواز الشيباني]

اخي ابن نعيس
صح السانك ولسان خالد بن سعود الكبير
الله يعطيك العافيه

[((الدلبحي))]

تسلم يمناك وصح السان شاعرها

لاهنت

تحيااااااااااااااااااااااااااااتي

[ابـن نـعـيـس]

فواز

صح بدنك والله يعافيك

مشكووور على تواصلك الدائم

تحيااااااااااااااااااااااااااااااااااااااااتي

[ابـن نـعـيـس]

الدلبحي

الله يسلمك من كل شر

مشكووور على تواصلك الدائم


تحيااااااااااااااااااااااااااااااتي