مساكم الله بالخير جميعا
هذه قصيده للشاعره / هيا بنت سرور القساميه شقيقة الشاعر المرحوم بندر بن سرور ( متنبي عتيبه ) والقصيده هي كالتالي :
ياصويمل ماتمل من الدوادي = لو ينادي الزول عندك ماتجيبه
ياصويمل جعل تاكلك الحوادي = تاكل التفاح وانته ماتجيبه
ياصويمل ماتمل من الجهادي = تنطحن فالبيت واخلاقك غضيبه
في كفالة من يضدون المعادي = في حمى ال سعود ربي معتنيبه
ماركبت الخيل فأيام الطرادي = ولا ضواك الليل في دار غريبه
ولا ضواك الليل مكتوف الايادي = ولا عوى سرحان وزنك فالزريبه
ولا حضرت بمعركة نظم التوادي = في بهار بارزن شره وطيبه
دون حلوات اللبن قرم يفادي = يعتزي باللي تحن وتنتخي به
في يداه مسلب يفر الفؤادي = ابلج يمناه ماتخطي الضريبه
ولا ركبت الجيش ولهن اجتلادي = والظمى والقيض حاديهن لهيبه
ولا كلت رجليك غزلان الشدادي = ولا كوتك الميركه فوق النجيبه
ولا تدلي بالقلص حبل الورادي = في قليب حايمن طيره وذيبه
ولا طردت الصيد مع بعض الرهادي = ولا رميت الظبي لين انك تصيبه
ولا تدن النجر رمز للمنادي = وسط بيتن خاثر بنه وطيبه
ولا تقلط بالصحن كبر النوادي = كبش مصلاح تفرشبه عصيبه
وسط ربعن كلهم ضد المعادي = بين خال وعم وعلومن عجيبه
ياصويمل ماحصل غير الدوادي = ماتسوي مثلها والكذب خيبه
تحياتي
« آخـــر الـــمـــشـــاركــــات »
27-Sep-2005, 11:48 PM
الشاعر : هيا بنت سرور القساميه < قصيده مختاره >
العرض الشجري