ياصويمل ماتمل من الدوادي = لو ينادي الزول عندك ماتجيبه
ياصويمل جعل تاكلك الحوادي = تاكل التفاح وانته ماتجيبه
ياصويمل ماتمل من الجهادي = تنطحن فالبيت واخلاقك غضيبه
في كفالة من يضدون المعادي = في حمى ال سعود ربي معتنيبه
ماركبت الخيل فأيام الطرادي = ولا ضواك الليل في دار غريبه
ولا ضواك الليل مكتوف الايادي = ولا عوى سرحان وزنك فالزريبه
ولا حضرت بمعركة نظم التوادي = في بهار بارزن شره وطيبه
دون حلوات اللبن قرم يفادي = يعتزي باللي تحن وتنتخي به
في يداه مسلب يفر الفؤادي = ابلج يمناه ماتخطي الضريبه
ولا ركبت الجيش ولهن اجتلادي = والظمى والقيض حاديهن لهيبه
ولا كلت رجليك غزلان الشدادي = ولا كوتك الميركه فوق النجيبه
ولا تدلي بالقلص حبل الورادي = في قليب حايمن طيره وذيبه
ولا طردت الصيد مع بعض الرهادي = ولا رميت الظبي لين انك تصيبه
ولا تدن النجر رمز للمنادي = وسط بيتن خاثر بنه وطيبه
ولا تقلط بالصحن كبر النوادي = كبش مصلاح تفرشبه عصيبه
وسط ربعن كلهم ضد المعادي = بين خال وعم وعلومن عجيبه
ياصويمل ماحصل غير الدوادي = ماتسوي مثلها والكذب خيبه

المشاركة الأصلية كتبت بواسطة طويل الذراع صح لسانك ولسان الشاعره تحياتي

المشاركة الأصلية كتبت بواسطة المرقاب الاخ / النويري نشكر لك حسن اختيارك وصح السان الشاعرة هيا بنت سرور ولكن هل لديك مناسبة القصيدة واذا كانت متوفرة نامل الا تبخل عينا بها اخوك المرقاب

المشاركة الأصلية كتبت بواسطة فيصل الشفيعي صح اللسانها ويعطيك العافيه على القصيده