ربعن على فعل الفضايل تربو ..الشاعر بدر القوس

[الرااقي]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]

هات الحطب لنار ياذيب شبو=واحط الحطب فالنار سمرن جلالي
وهات الدلال وخلو النار تعلو=واحمس لنا بنن بالاثمان غالي
ونجرن يصوت لنشاما تعالو =الهم ينادي يرفع الصوت عالي
وتلافو الجيران لصوت لبو=هذا صديق وذا رفيقن موالي
ويازين جمعاهم على شبة الضو =والكيف يمشي والسوالف هيالي
سوالفن ماهيب تبا على سو=مرفوعتن عن قول قيلن وقالي
وليا وطاهم واجبن ماتغبو =ما منهم اللي بلوازم يبالي
ربعن على فعل الفضايل تربو=من طبعهم مايقبلون الهزالي
سلايل اللي بالفخر فد تقافو=تاريخهم محفوظ طول الليالي
راحو وتبقى افعالهم كنها تو= اهل الشرف والطيب واهل المعالي
وعيالهم بفعالهم قد تباهو=فعلن يشرف كل ماجا مجالي
وعيالهم بالمستوى ما تدنو=على مناهجهم قديمن وتالي
في مجلسن صافي به القلب والجو =كلن على الثاني عزيزن وغالي
وبعد انتهى المجلس بعد ما تقهوو=تفرقو بعدالعلوم الجزالي
تفرقو بعد العشا يوم صلو =كلن سرا قلبه من الحقد خالي
وبعد العطش من طاعه الله تروو=يقدمون الدين عن كل بالي
والثلث الاخر تالي الليل قامو= كلن سجد وحده لرب الجلالي
وفي جارهم ماقط قالو تردو=الجار معهم طول الايام سالي
علي الشحم والهيل بلجار هلو=دايم معزز مايجيه الميالي
والضيف لقبل رحبوبه وحيو=والكيف يعمله بهدف الدلالي
مع حايلن تذبحه ومنها تعشو= ايدامها عصبن علي الرز مالي
وخويهم ماقيل دونه تخلو=ليا جا نهار الهوش والدم سالي
ودخيلهم لصاح دونه تناخو=يثنون من دونه بحدب السلالي
ولياحدث الجهال مشكل تلافو=تلافو الموضوع قبل الجدالي
من خوف ناسن بالنميمه تمشو= يمشون مابين الربوع الغوالي
بالكذب والنماةشالو وحطو=يبون للفتنه يصير اشتعالي
ثم صلح الموضوع بالخير ساوو=استدركوها قبل يوم القتالي
وصارت فعايلهم الى المجد تسمو =فعلن ينومسهم على كل حالي
وصلات ربي عد مايمطر النو= وعداد مالاحت بروق الخيالي
وعدد من صلى بمكه وحجو = علي نبين صادقن بالمقالي[/poem