نواف الشيباني ..اقرب جاي

[ماجد العوني]

مساء الخير يانواف ...

استلم

سلام رديتٍ والطيب عند القوم مذكور=سلم العرب والوفاء للقوم فالوقت يخدمها
يوم النحر وش لقينا فيه غير أبعير منحور=وأم العصيب أن بغيناها نبا ناكل لحمها

[ماجد العوني]

أخوي نواف ماعليش مانتبهت عندك طاروقين ...لاكن اذا حبيت تلعب ياليت تكتب هنا نعم او لا

[نواف الشيباني]

يامرحبا من هجوسٍ فالمواقف دورها دور=باللي على الطايله والطيب رافعةٍ هممها
ابنصحك ياصحيبي لاتجيب الهرج بالزور=وام الدسم ودنا ندهن شواربك بدسمها

[فهد الشيباني]

صحت الالسن والقلوب


متاابع

[ماجد العوني]

ابك البقى من سكن وسط الظلام يخايل النور=والغيث رحمه وفيه أديار راح ولا رحمها
ياقبر مطلق سقاك الغيث لو من دمع مستور=الي بناها سنه وشلون يرجع ويهدمها

[نواف الشيباني]

هل المطر والحسود يموت يارجال مقهور=والله رحيمٍ ويرحم من تصفي له ذممها
ترا الوطاء ياسيع المعرفه مهوب مدهور=والله يغفر لمطلق كم شواعيرٍ لطمها

آخر تعديل نواف الشيباني يوم 04-Mar-2011 في 09:00 PM.

[نواف الشيباني]

فهد صح بدنك يابن العم

[نواف الشيباني]

ماجد العوني بعد صلاة المغرب نكملها اذا اردت

[ماجد العوني]

ياطور سينا علام القوم ماسموك بالطور=ارض الكنانه تناديني ورف رفلي علمها
يازبدت الهرج لو الهرج جاك من اربع اسطور=ياهود خيبر من الي راح ثم كسر صنمها

[نواف الشيباني]

ياماجد العوني اللي شرت مابه في يدك شور=وارض الكنانه من اللي فالمواقيف يحكمها
فالحاضر الحاضر انته يالمطيري تاكل السور=والماضي البنت راحت ماحدٍ رجّع غنمها

آخر تعديل نواف الشيباني يوم 04-Mar-2011 في 09:43 PM.