سلام رديتٍ والطيب عند القوم مذكور=سلم العرب والوفاء للقوم فالوقت يخدمها
يوم النحر وش لقينا فيه غير أبعير منحور=وأم العصيب أن بغيناها نبا ناكل لحمها

يامرحبا من هجوسٍ فالمواقف دورها دور=باللي على الطايله والطيب رافعةٍ هممها
ابنصحك ياصحيبي لاتجيب الهرج بالزور=وام الدسم ودنا ندهن شواربك بدسمها

ابك البقى من سكن وسط الظلام يخايل النور=والغيث رحمه وفيه أديار راح ولا رحمها
ياقبر مطلق سقاك الغيث لو من دمع مستور=الي بناها سنه وشلون يرجع ويهدمها

هل المطر والحسود يموت يارجال مقهور=والله رحيمٍ ويرحم من تصفي له ذممها
ترا الوطاء ياسيع المعرفه مهوب مدهور=والله يغفر لمطلق كم شواعيرٍ لطمها

ياطور سينا علام القوم ماسموك بالطور=ارض الكنانه تناديني ورف رفلي علمها
يازبدت الهرج لو الهرج جاك من اربع اسطور=ياهود خيبر من الي راح ثم كسر صنمها

ياماجد العوني اللي شرت مابه في يدك شور=وارض الكنانه من اللي فالمواقيف يحكمها
فالحاضر الحاضر انته يالمطيري تاكل السور=والماضي البنت راحت ماحدٍ رجّع غنمها