النفس طايبه

[متعب ثواب الجعيد]

يامل قلب ٍ زايدات ٍ لهايبه = زادت لواهيبه وشبت شبايبه
العين عافت ما تبي لذة الكرا = والنفس من ما شافت العين طايبه
امسيت اكيل الغيض والناس هاجعه = اقنب قنيب الذيب باعلا رقايبه
اجاذب الونات من حر ماجرى = وما جابه القمري من النوح جايبه
يالله طلبتك ياعليم ٍ بحالتي = مالي سوى رجواك في كل نايبه
ياغافر الزلات ياسامع الدعا = تغفر لنفس ٍ جاتك اليوم تايبه
ياكبر غفرانك ويا قل حيلتي = من يومك الموعود نخشى عقايبه
فكرت فالدنيا كفا الله شرها = دنياً تغر الناس بالفعل خايبه
كم واحد ٍ يسعى لها ما تعينه = تسقيه مر الكأس تكثر عطايبه
تقفي عنه ماسرته في حياته = يلقى الجفا حتى من ادنى قرايبه
وكم واحد ٍ هلباج نفسه رديه = تجيه طوع ولا يتعٌب ركايبه
تضحك معه في كل يوم ٍ تغره = غرت قليل العرف والكبر صايبه
الوقت علمني دروس ٍ كثيره = دارس دواوينه وخابر لعايبه
ياجهل ٍ فالوقت يعجبك غيٌه = احذر ترى ليا دار تكثر نشايبه
انا بعد ما شفت فالوقت عبره = رضيت بالمقسوم والنفس طايبه

[عناد الشيباني]

صح الساانك
..
..


لاهنت

[نايف المغيبي]

الاخ متعب ثواب الجعيد

امتعتني بهذه القصيده وبيض الله وجهك

[متعب ثواب الجعيد]

المشاركة الأصلية كتبت بواسطة عناد الشيباني

صح الساانك
..
..


لاهنت

الاخ العزيز : عناد الشيباني

تحيه طيبه

مرورك اسعدني وصح بدنك

اخيك

متعب الجعيد

[وصل الشهيب]

الأخ الشاعر

متعب ثواب الجعيد

صح لسانك والله

صخرتها على البحر الصخري

بيض الله وجهك يامتعب

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[الصويت الثبيتي العتيبي]

صح السانك وشكرا عى القصيده الجميله