الجذع مطلوب

[مرزوق الصواط]

الجذع عندي وعند الناس له منزل وقيمه=خابرينه من كبار الرؤس والباقي تحتها
يا زبيده علمينّا عن سوالفك القديمه=العرب قامت تخمّخمّ ثمّ جابت سالفتها

[ابراهيم الجـــــذع]

الجذع لو جاك يا مرزوق ذبيت الخريمه=والنعامه ما بها الا يا ولد طول ارقبتها
أنت يا الصاحب غنيمه ما تحصل لك غنيمه=عندك زبيده وتعطيك العلوم بمعرفتها

التوقيع

الذم ما يهفي للأجواد ميزان=والمدح ما طول قصار الأيادي

[مرزوق الصواط]

والله إنّي ما بديت إلا ونياتي سليمه=مير بقعا تال الأيام ياسرع احركتها
بارك الله فالرسول وبارك الله في حليمه=كم يتيمٍ لا نطوى بطنه من العيشه حشتها

[ابراهيم الجـــــذع]

نعرف المضمون ونعرف الدروب المستقيمه=المرور اله انظمه وانتم تعرفون انظمتها
العلوم اصناف واكثرها عواقبها وخيمه=والغشيم اللي يغض العين عنها ما لفتها

[علاي الحافي]

متابع

صحت السنتكم

والصف صف الصواط

[مرزوق الصواط]

من يعكس السير يأخذ من حكومتنّا قسيمه=ليّن يعرف صادر الدعوى ويعرف واردتها
لا تذم الخير وحنّا نمسح دموع اليتيمه=بعد وإنّ التجربه في ماضي الدنيا شوتها

[مرزوق الصواط]

علاي الحافي



صح بدنك



والصف يزهابك يا سنايدي

[ابراهيم الجـــــذع]

أنت تبطي يا الصواط اليوم عن حرف الوسيمه=استمع قول العوارف لين تعرف قاعدتها
كانها عافت لذيذ الزاد يا جعله حريمه=أنت في صدرك علومٍ والمعاني ما غزتها

[ابراهيم الجـــــذع]

صح السانك أخوي مرزوق

ما قصرت يا الغالي

شرفتي بالدعوه

أستاذنكم وقت الصلاه

[مرزوق الصواط]

الجذع قام يتلوى ما يبي الكفّ الكريمه=وإنّ ذبحنّا رأسها جيناّ على صحن مرقتها
ما خبرنّا لك شدادٍ تملكه في ظهر ريمه=جيت ضاوي والعرب عشت من فيض بركتها